Matthew 26:64 - Zokam International Version

⁶⁴ Jesu in, "Himah ing, na cih bangin ka hi hi. Ahi hangin note khempeuh kiangah kong gen hi: Mailam hunah Mihing Tapa, Thahat Pa’ taklamah tu-in meii tungah hong tuangsuk na mu ding uh hi," ci-in a dawng hi.

LAISIENGTHOU CL Bible (BSI)

⁶⁴ Jesu’n akungah, “Na chita hi. Ahivang in ka hing hil ahi, Tunua chiengin Mihing Tapa silbawltheina zietlam a tou leh van meilum tunga hing pei na mu ding uhi,” achi hi.

Zo Bible

⁶⁴ Jesu in tua pa kungah, “Na cisa ma bang ahi hi. Ahi vangin ke’n kang ci-in, Tu-a kipanin vanglietna zietlamah Mihing Tapa to-in, vana meiilum tung tuongin ang pei na mu ding uhi,” a ci hi.

Matthew 26:64 ပူးပေါင်းရင်းမြစ်များ

Phatna-late 110:1

TOPA in ka Topa tungah: "Na galte khempeuh na khe ngakna ka suahsak matengin ka taklam ah na tu in," a ci hi.

Isaiah 19:1

Egypt tawh kisai thusuak: En in, Egypt lam manawhin a manlang meii tungah TOPA hong tuang hi. Ama mai-ah Egypt milimte ling uh a, Egypt-te lungsim a beimang hi.

Daniel 7:13

"Zana ka mangmuhna ah ka et leh ka mai-ah mihing tapa tawh kibang khat vana meii tungah tuangin hong pai hi. Amah in Tangkum Pu lam manawh a, ama omna munah kipaipih hi.

Matthew 16:27

Ahang in, Mihing Tapa ama vansawl takte tawh a Pa minthanna kengin hong pai ding hi. Tua ciangin mi khempeuh in amau sepna tawh kizui-in pahtakman a sang ciat ding uh hi.

Matthew 16:28

Thutak kong geninah, hih lai-a ding mi pawlkhat in, Mihing Tapa ama kumpi-gam tawh hong pai, a muh matengun sihna a ciamkha kei ding uh hi," a ci hi.

Matthew 22:44

"‘Topa in ka Topa kiangah: Na galte khempeuh na khenuai ah ka koih matengin ka taklamah na tu-in,’" e na ci hi.

Matthew 24:30

"Tua hun ciangin vanah Mihing Tapa lim hong kilang dinga, leitung a om minam khempeuh a kap ding uh hi. Vangliatna le minthanna lianpi tawh Mihing Tapa vana meii tungah tuanga hong pai amaute in a mu ding uh hi.

Matthew 25:31

"Mihing Tapa Vansawltakte khempeuh tawh ama minthanna tawh hong pai ciangin, vantung minthanna kumpi tokhom tungah hong tu ding hi.

Matthew 26:25

Tua ciangin amah lehhek ding pa Judas in, "Kei hi buang kei ning maw Rabbi?" a ci hi. Jesu in, "Hihi, nang na hi hi," a ci-in a dawng hi.

Matthew 27:11

Tua hun laitakin ukpipa mai-ah Jesu a ding hi. Ukpipa in ama kiangah, "Nang Jew-te kumpipa na hi hiam?" ci-in a dong hi. Jesu in, "Hi mah hi, na cih bangin ka hi hi," ci-in a dawng hi.

Matthew 28:18

Tua ciangin amaute kiangah Jesu pai a, "Vantung le leitungah thuneihna khempeuh kei hong kipia khin hi.

Matthew 8:20

Jesu in, "Ngiate in kua nei a, huihlak vasate in bu nei uh hi. Ahi hangin Mihing Tapa in a lutang ngak nading mun a nei kei hi," ci-in a dawng hi.

Mark 14:62

Jesu in, "Ka hi hi. Note in Thahat Pa taklama tu meiipi tunga hong paisuk Mihing Tapa na mu ding uh hi," a ci hi.

Luke 21:27

Tua laitakin vanglianpi le minthanna tawh meii laka hong paisuk Mihing Tapa amaute in a mu ding uh hi.

Luke 22:69

Ahi hangin tu-a kipan Mihing Tapa a thahat Pasian taklamah a tu ding hi," ci-in a dawng hi.

Luke 22:70

Amaute khempeuh in, "Tua ahileh nang Pasian Tapa na hi hiam?" ci-in a dong huan uh hi. Amah in, "Maan hi, nong cih bang uh ka hi hi," ci-in a dawng hi.

John 18:37

Pilate in, "Nang, kumpi khat na hi maw leh!" a ci hi. Jesu in, "Kei kumpi nong cih na maan hi. A taktakin, hih thu hangin ka suaka, hih thu hang mahin leitung ah kong pai-a thutak ah teci ka pang hi. Thutak lama pang peuhmah in ka thu a ngai uh hi," ci-in a dawng hi.

Nasepte 1:11

Amaute in, "Galilee mite aw, hih lai-ah vanlam enin bang hangin ding na hi uh hiam? Note kiang pan vantung ah kilato hih Jesu tektek mah vantung ah a pai na muh bangun hong pai kik ding hi," a ci uh hi.

Rome-te 14:10

Tua ahileh bang hangin na sanggampa tungah thu khen na hi hiam? Ahikeh bang hangin na sanggampa neu-et na hi hiam? Ahang in, eite khempeuh Pasian thukhenna tokhom mai-ah i ding kim ding hi.

1 THESSALONIKA 4:16

Ahang in, Topa mahmah vantung panin, a ngaih mahmah thupiakna tawh, vansawltak lian aw le Pasian sapna pengkul ging tawh hong kumsuk dinga, tua ciangin Christ sunga a sisate tho masa ding uh hi.

Hebrews 1:3

Tua Tapa in Pasian ahina taktak a kilatkhiatna le a minthanna tankhiatna hi-a, ama kammal vangliatna tawh na khempeuh a lenkip hi. Mawhnate siansak nading a bawl khit ciangin vantung Thupina taklam ah a tu hi.

Hebrews 12:2

Ama mai-a kikoih lungnopna a ngah nadinga singlamteh ah simmawh bawlsiatnate a thuak keeikai khit ciangin Pasian taklamah a tu, i upna a piang sakpa le a hoihkimsakpa Jesu mitsuan gige ni.

Kilaakna 1:7

En un, meiipi tawh amah hong pai hi, mit khempeuh in amah mu dinga amah a sunlette nangawn in a mu ding uh hi; leitung a mite khempeuh ama hangin thum ding uh hi. Tua bang hi takpi ding hi! Amen.

Kilaakna 20:11

Tua ciangin alian akang kumpi tokhom le a tunga tupa ka mu hi. Ama mai-ah van le lei om nading mun om lo ahi manin a taimang hi.