Matthew 26:55 - Zokam International Version

⁵⁵ Tua laitakin Jesu in mihonpite kiang ah, "Kei man dinga namsau le khetbuk tawh nong kuan uh, kumpi langpangte makai ka hi hiam? Nisimin biakinnpi tualte ah thu ka hilh laitakin nong man kei uh hi.

LAISIENGTHOU CL Bible (BSI)

⁵⁵ Tua hun laitah main Jesu’n mipite kung ah, “Suomhat khat man ding bang zenin, namsau leh khetbuh tawi in, Kei man ding in na hing kuon u’maw? Nichin in Pasian bieh inn ah thuhil in ka tou a, na hing man sih uhi.

Zo Bible

⁵⁵ Khum hunin Jesu in mipite kungah, “Guta bulu khat mat banga kei ei man dinga namsau le phohbul tawh hing kuon na hi uh amah? Nisimin biehinnpi sungah to-in thu ka hil laitahin lah nei man zel sih uhi.

Matthew 26:55 ပူးပေါင်းရင်းမြစ်များ

Matthew 21:23

Biakinnpi tualah Jesu luta thu a hilh laitakin siampi makaite le mipite’ upate a kiangah va pai uh hi. Amaute in, "Bang thuneihna tawh hihte hih na hi hiam? Hih thuneihna kua hong piak hiam?" ci-in a dong uh hi.

Matthew 26:47

Tua banga a paupau laitakin, Sawm le nihte lakah khat Judas a tung hi. Amah tawh, siampi makaite le mipite’ upate in a sawl, namsau le khetbuk tawi mihonpi tawh a tonkhawm hi.

Mark 10:1

Tua ciangin Jesu tua mun nusia in Jordan gal khat lam Judea kualah a pai hi. Ama kiangah mihonte va pai leuleu uh a, a hih ngei bangin amaute thu a hilh hi.

Mark 12:35

Biakinntualte ah Jesu in thu a hilh laitakin, "Christ a pen David Tapa hi, ci-in bangci a thukham siate in gen thei uh ahi hiam?

Luke 19:47

Amah in nisimin biakinnpi ah thu a hilh hi. Ahi hangin siampi makaite, thukham siate le mipite laka makaite in amah that dingin a hanciam uh hi.

Luke 20:1

Ni khat biakinnpi tualah thu hilh-a lungdamna-thu a gen laitakin siampi makaite le thukham siate, upate tawh ama kiangah va pai uh hi.

Luke 4:20

A sim khit ciangin laizial zialin sawltakpa pia-in a tu hi. Jew-te synagogue sunga om mi khempeuh in amah mitkhah loin a en uh hi.

John 7:14

Pawi bawlna alang bang a kiman ciangin biakinnpi tualah Jesu paito in thuhilh a kipan hi.

John 7:28

Tua hun Jesu in biakinnpi tual ah thu a hilh laitak hi-a, "Himah hi, kei nong thei uh hi. Koi pana hong pai cih zong nong thei uh hi. Kei thu-a hih lai-a om ka hi kei hi. Ahi hangin kei hong sawlpa a thumaan hi. Note in amah na thei kei uh hi.

John 8:2

Ni suah tungin amah biakinnpi tualah a kilang kik hi. Mi khempeuh a kimah kikhawm uh a, amaute thuhilh dingin a tu hi.

John 8:20

Hih thute biakinnpi huang sung, biakna-a kipia nate koihna munah, a hilh lai-a a gen ahi hi. Ama hun tung nai lo ahi manin kuamah in a man kei hi.