Matthew 25:46 - Zokam International Version

⁴⁶ "Tua ciangin amaute tawntung gawtna ah pai ding uh a, a thumaante ahi uh leh tawntung nuntakna ah a pai ding uh hi," a ci hi.

LAISIENGTHOU CL Bible (BSI)

⁴⁶ Tualeh tuate khu kumtawn gawtmun ah apeita ding ua, hinanleh midihtatte pen kumtawn hinna ah a peita ding uhi,” achi hi.

Zo Bible

⁴⁶ Amate kumtawn gawtna munah a pei ding vua, midihte ahile kumtawn hinna sungah a lut ding uhi,” a ci hi.

Matthew 25:46 ပူးပေါင်းရင်းမြစ်များ

Daniel 12:2

Leitang vui lakah a ihmu mi tampi khanglo ding uh a: pawlkhatte a tawntung nuntakna ah, adangte maizumna le a tawntung kisimmawhna thuakin a tho ding uh hi.

Matthew 13:43

A thumaante ahileh tua hun ciangin amau Pa gam sungah ni bangin a tang ding uh hi. Bil nei peuh in za ta hen.

Matthew 19:16

Tua laitakin Jesu kiangah mi khat va pai a, "Sia aw, nuntak tawntungna ka ngah theih nadingin a hoih bang ka sem ding hiam?" ci-in a dong hi.

Matthew 19:29

Keima hangin a inn, a lo, a sanggamnu, a sanggampa, a nu d, a pa le a tate a nusia peuhmah in, a zah zakhat ngahin nuntak tawntungna zong a luah ding hi.

Matthew 25:41

"Tua khit ciangin a veilam a omte kiangah, ‘Hamsiatna a thuakte aw, kei kiang pan taikhia un, dawimangpa le ama vansawltakte adinga kibawlsa tawntung meikuang sungah pai un.

Matthew 25:45

"Amah in, ‘Thutak kong geninah, hihte a neu pen khat adinga na bawl loh khempeuh uh, kei adinga hong bawl lo na hi uh hi,’ ci kik ding hi.

Luke 16:26

Tua banah eite kikalah guam thukpi khat om a, tua kantanin hih lai pan tua lai-a pai nuamte a pai thei kei uh hi; tua lai pan hih lai ko kianga hong pai nuamte a pai thei kei uh hi,’ ci hi.

John 17:2

Ahang in, amah na piaksa mi khempeuh tungah nuntak tawntungna a piak theih nadingin mi khempeuh tunga thuneihna amah na pia zo hi.

John 3:36

Tapa a um mi peuhmah in nuntak tawntungna a nei hi; ahi hangin Tapa a nial peuhmah in nuntakna a mu kei ding hi; ahang in, Pasian thangpaihna ama tungah a om hi," d a ci hi.

John 4:14

ahi hangin kei piak tui a dawn mi peuhmah a dangtak ngei nawn kei ding hi. Ken ka piak tui, ama sungah tuinak suakin nuntak tawntungna dongin a phulto taktak ding hi," ci-in a dawng hi.

John 5:24

"Thutak kong geninah, ka thugen za a, kei hong sawlpa a um peuh in nuntak tawntungna a nei hi; a kimawhpaih kei ding hi. Amah in sihna kantanin nuntakna ah tung zo hi.

John 5:29

hong paikhiat hun hong tung dinga, a hoih a nasemte a nungta dingin tho ding uh hi. A tatsiate kimawhpaih dingin tho ding uh hi.

John 6:27

A sia thei an ngah nadingin na na sep uh sangin Mihing Tapa hong piak ding, nuntak tawntungna donga kimang ding an ngah nadingin sem zaw un. Pa Pasian in amah a sanna ciamtehna ama tungah a koih zo hi," ci-in a dawng hi.

John 6:40

Ahang in, ka Pa deihna ahileh Tapa mu a, amah a um peuhpeuh in nuntak tawntungna nei-a, ni nunung ni ciangin amah ka thawhsak ding ahi hi," a ci hi.

Nasepte 13:46

Tua ciangin Paul le Barnabas in: "Note kiangah Pasian thu kong gen masak ding mah uh ahi hi. Note in tua thu nial a, nuntak tawntungna ngah dingin cing kisa lo na hi nungsangun, tu-in Gentile-te lam ka nga ta uh hi.

Nasepte 13:48

Gentile-te in hih thu a zak uh ciangin lungdam mahmah in Topa thu pahtawi uh a, nuntak tawntungna ngah dinga kisehsate khempeuh in a um uh hi.

Nasepte 24:15

Hih mite bangin mi thumaante le mi tatsiate thawhkikna om tuak ding, ci-in Pasian sungah lametna ka nei hi.

Rome-te 5:21

Tua pen, sihna sungah mawhna in a uk bang tektek in i Topa Jesu Christ tungtawnin nuntak tawntungna a tun dingin hehpihna in thumaanna tungtawna a uk theih nading ahi hi.

Rome-te 6:23

Ahang in, mawhna thaman sihna hi-a, ahi hangin Pasian letsong ahileh i Topa Jesu Christ sunga b nuntak tawntungna ahi hi.

Galatia-te 6:8

Ama mawhdim pianngei lungkim nading a vawh mi in, tua pianngei e panin siatna a at ding hi; Kha lungkim nading a vawh mi in, tua Kha panin nuntak tawntungna a at ding hi.

2 THESSALONIKA 1:9

Topa ompihna pan le a vangliatna thupina panin amaute kikhenkhia dinga, tawntung siatna-in kigawt ding hi.

1 John 2:25

Amah in eite hong kamciam, hih nuntak tawntungna mah ahi hi.

Jude 1:21

Nuntak tawntungna ah note hong tun dingin i Topa Jesu Christ lainatna na ngak kawmun Pasian itna sungah no le no na kikem un.

Kilaakna 20:10

Amaute a khem tua dawimangpa gamsa le kamsang zuaute a kipaihna kaat kuang lipi sungah a kilawn hi. Amaute sun le zanin a tawntung gawtna kithuaksak den ding hi.

Kilaakna 20:15

Nuntakna laibu sunga a min kigelh lo peuhmah meili sungah kipai hi.

Kilaakna 21:8

Ahi hangin a meidawite, a umlote, a tatsiate, tualthatte, numei le pasal paktatte, mi bumte, milim biate le zuauphuakte khempeuh - amaute mun ding, kaat kuang meilipi sung hi ding hi. Hih pen sihna nihna ahi hi," hong ci hi.