Matthew 25:44 - Zokam International Version

⁴⁴ "Amaute in zong, ‘Topa aw, na gilkial laitak, na dangtak laitak, puan na neih loh laitak, mikhual na hi laitak, na cinat laitak le na thongkiat laitak cikin hong mu-a, hong don lo ka hi uh hiam?’ ci-in dawng ding uh hi.

LAISIENGTHOU CL Bible (BSI)

⁴⁴ Tuachi’n amaun zong, Mangpa bangchihin ahiei, gilkiel ahiei, guohtangin ahiei, china in ahiei, suongkul ah ahiei, ka hing mu ua, na nna ka hing seppieh lou uh? Chiin adawng ding uhi.

Zo Bible

⁴⁴ Tua ciengin amate in zong, ‘Topa aw, bang cihin gilkielin na dangta a, zin tungin puon nei loin na op lam le, cina-in thong sunga na op lam hing mu-in hing kem lo uh ka hei?’ ci-in a dawng ding uhi.

Matthew 25:44 ပူးပေါင်းရင်းမြစ်များ

Jeremiah 2:23

"Bangci in, ‘Ka kihhuai kei hi; Baal nung ka delh kei hi,’ ci thei na hi hiam? Kuam sunga na gamtatnate en in; na sepsa ngaihsun pha in. Nang, a kawi taitai kala-oh nu na banga,

Jeremiah 2:35

‘Ka mawhpeng hi; kei tungah amah a heh kei hi,’ na ci lai hi. Ahi hangin, ‘Ka mawh kei hi,’ ci na hih manin nang tungah thu kong khen ding hi.

Malachi 1:6

"Tapa in a pa pahtawi-a, nasempa in a pu a pahtawi hi. Pa khat ka hileh kei hong kipahtawina koi ahi hiam? Pu khat ka hileh kei hong kizahtakna koi ahi hiam?" Thahatpen TOPA in a ci hi. Siampite aw, ka min a simmawh note na hi uh hi. "Ahi hangin, ‘Na min bangci simmawh ka hi uh hiam?’ ci-in nong dong uh hi.

Malachi 2:17

Na kammalte uh tawh TOPA na gimsak uh hi. "Bangci gimsak ka hi hiam?" na ci uh hi. "TOPA muhna ah a sia-a gamtate hoihsa a, amaute tungah a lungkim hi," ahikeh "A thutang Pasian koi-ah om hiam," cihna tawh na gimsak uh hi.

Malachi 3:13

TOPA in, "Kei langah kamkhauh na pau uh hi," a ci hi. "Tua hi napi, ‘Nang langah bang gen ka hi uh hiam?’ na ci uh hi.

Matthew 10:41

Kamsangpa, kamsang ahi mana a sang peuhmah in kamsangpa pahtakman a ngah ding hi. Thumaan mipa, mi thumaan ahi mana a sang peuhmah in thumaan mipa pahtakman a ngah ding hi.

Matthew 25:43

Mikhual ka hi laitakin zin nong do kei uh hi. Puan ka kisap laitakin nong silhsak kei uh hi. Ka cinat laitak ahi zongin ka thongkiat laitak ahi zongin nong khoi kei uh hi,’ ci ding hi.

Matthew 25:45

"Amah in, ‘Thutak kong geninah, hihte a neu pen khat adinga na bawl loh khempeuh uh, kei adinga hong bawl lo na hi uh hi,’ ci kik ding hi.

Matthew 5:6

Thumaanna hanga gilkial dangtakte thupha ngah ahi hi, ahang in, amaute kitaiisak ding hi.

Matthew 7:22

Tua ni ciangin mi tampi in ka kiangah, ‘Topa, Topa, nangma minin thu hilh hi lo ka hi uh hiam; nangma minin dawite hawlkhia in, nalamdang tampi bawl hi lo ka hi uh hiam?’ hong ci ding uh hi.

Luke 10:29

Ahi hangin tuapa amah le amah kidiktangsak nuam ahi manin Jesu kiangah, "Tua ahileh ka vengte kua ahi hiam?" ci-in a dong hi.