Matthew 25:35 - Zokam International Version

³⁵ Ahang in, ka gilkial laitakin ka nek ding nong pia uh a, ka dangtak laitakin ka dawn ding nong pia uh hi. Mikhual ka hi laitakin zin nong do uh hi.

LAISIENGTHOU CL Bible (BSI)

³⁵ Aziehpen, ka gil akiel in nouten ann na hing pie ua; ka dang ata in dawn ding na hing pie uhi; mikhuol ka hi in na hing zintun ua;

Zo Bible

³⁵ bangzieh ahei cile ka gilkiel laitahin ka neh ding an nei pie vua, ka dangta laitahin ka dawn ding tui nei pie uhi. Khuolmi ka hi laitahin zin nei do vua,

Matthew 25:35 ပူးပေါင်းရင်းမြစ်များ

1 Kumpite 17:11

Tuanu a la dingin a pai laitakin amah sama, "Tuateh nong hehpihna-in anlum tawmkha hong puak in," a ci hi.

Job 31:32

ahi hangin mikhual khat beek zanin lamdungah a lum kei uh hi, ahang in, khualzinte ka kong ka hon den hi -

Paunakte 14:21

A vengpa a simmawhte a mawh hi-a, a tasamte tunga migite thupha ngah ahi hi.

Paunakte 14:31

Mizawngte a nengcipte, amaute a Bawlpa simmawh hi-a, a tasamte tungah migi peuhmah Pasian pahtawi ahi hi.

Paunakte 19:17

Mizawngte tunga migite TOPA a leitawisak hi-a, ama sepsa hangin pahtakman a pia ding hi.

Paunakte 22:9

A hawmsem mi in mizawngte a an hawm ahi manin amah thupha kipia a suak hi.

Paunakte 25:21

Na gal a gil a kial leh a nek ding an pia inla; a dang a tak leh a dawn ding tuisik pia in.

Ezekiel 18:16

Kuamah nengniam loin sum leitawina ah vanlak a nei kei hi. Kuama na zong sut loin gilkialte an pia zaw a, puan nei lote puan guan hi.

Ezekiel 18:7

Kuamah nengniam loin sum leitawite vankhapte pia kik zaw hi. Amah in kuama aa sut loin gilkialte an pia zaw a, puan nei lote puan a guanzaw hi.

Daniel 4:27

Tua ahi ciangin kumpipa aw, kong gen bangin lungkimin hong mangin. A manin gamta in a kinengniamte tungah migitna tawh na mawhnate kipuahpha in. Tua bangin hi lecin na nopsakna kizomsuak ding hi," a ci hi.

Micah 6:8

Mipa aw, amah in a hoih hong lak zo hi. Tua hi-a TOPA in nang tungah bang hong kal ahi hiam? Thutangin gamta inla, lainatna it-in, kiniamkhaitin na Pasian tawh kalsuan khawm in.

Matthew 25:40

"Kumpipa in, ‘Thutak kong gen-inah, hih ka sanggamte a neupen khat adinga na bawlte khempeuh uh kei adinga hong bawl na hi uh hi,’ ci-in dawng ding hi.

Matthew 26:11

Mizawngte tawh note na omkhawm den ding uh a, ahi hangin kei tawh na omkhawm den kei ding uh hi.

Mark 14:7

Note tawh mizawngte a om khawm den ding uh a, na ut hunhunun amaute na huh thei uh hi. Ahi hangin kei note tawh ka omkhawm den kei ding hi.

Luke 11:41

Ahi hangin kuang a sunglam-a omte mizawngte na pia un. Tua hileh note adingin na khempeuh a siang ding hi.

John 13:29

Pawlkhatte in, Judas sum kem ahi ciangin Pawi-a zat ding na kisam khatpeuh lei dinga sawl ahikeh mi zawngte na khatpeuh pia dinga sawl hi ding hi, ci-in a ngaihsun uh hi.

Nasepte 10:31

‘Cornelius aw, Pasian in na thungetna za zo a, mizawngte na piakte ciamteh zo hi.

Nasepte 11:29

Nungzuite in amau hihtheihna ciat tawh Judea gama teng sanggamte huhna piak dingin thu a khensat uh hi.

Nasepte 16:15

Amah le a innkuanpihte a kibaptise khit uh ciangin a inn ah kote hong sam hi. Amah in, "Kei, Topa a um khat hi, ci-a nong sim uh leh hong pai-in ka inn ah hong taam un," a ci hi. Tua ci-in kote hong zol zo ta hi.

Nasepte 4:32

Thu-umte khempeuh, lungsim le ngaihsutna kikhatin a om uh hi. Amau neihsate kuamah in aituamin nei lo uh a, ahi hangin a neih khempeuh uh a neikhawm uh hi.

Rome-te 12:13

Pasian mi a kitasamte na hawm un. Zindo na siam un.

Rome-te 12:20

Tua sangsik in: "Na galpa a gil a kial leh na vak in; a dangtak leh a dawn ding bang khatpeuh na pia in. Hih bangin na hih leh amau lutungah mei-am vumsak na hi ding hi.," h ci-in kigelh hi.

Rome-te 16:23

Hih lai-a om pawlpi bup le keimah in a zindona nuam ka sak uh Gaius in note hong hopihna hong khak hi. Khuapi sung tang nasep ukpa, Erastus le i sanggampa Quartus-te in hong hopihna uh hong khak uh hi. a

Ephesa-te 4:28

A guta densa pa in gu nawn peuhmah loin a kitangsamte na khatpeuh a hop theih nadingin ama khut tawh, kimanna a nei na khatpeuh sem pelmawh hen.

1 Timothy 5:10

Ahi zongin a gamtat hoihin, a tate khansuah zo a, zindo a siam, misiangte khe a silsak, gim ngahte huh tawntunga, gamtat hoih namkimte ah kipia zo mahmah in a kipahtak leh meigong lakah ciamteh in.

Philemon 1:7

Sanggampa aw nang, misiangte lungsim thaksuaksak zo na hi manin na itna in kei hong lung nuamsakin hong hanthawn hi.

Hebrews 13:16

A hoih sep ding le midangte hop ding mangngilh kei ni; tua bang biakpiaknate tawh Pasian kilungkimsak hi.

Hebrews 6:10

Pasian thutang lo ahi kei hi; amah in na nasep uh le ama mite na huhnasa uh le na huh lai nadingte uhah amah na itna uh na lahnasa uh a mangngilh kei ding hi.

James 1:27

Eite Pa Pasian in khialhna nei lo le a sianga a san biakna in: tagahte le meigong numeite a lungdon ciangin don-a leitung nitsakna pana kikepna ahi hi.