Matthew 25:34 - Zokam International Version

³⁴ "Tua hun ciangin Kumpipa in a taklama omte kiangah, ‘Ka Pa in thupha hong piaksate aw, hong pai un; leipiansak cil-a kipan no adinga kibawlsa na luah ding uh gam hong luah un.

LAISIENGTHOU CL Bible (BSI)

³⁴ Tua hun chiengin leengpa’n azietlam a mite kungah, nou ka Pa thuphangate aw, hing pei unlen leitung siemchil akipata noute dinga kibawlsa leenggam khu luo un.

Zo Bible

³⁴ Tua ciengin kumpipa in a zietlam a omte kungah, ‘Ka pa in thupha a piehsa mite aw, hing pei unlen, leitung kisiemcil a kipanin note dinga a kibawlsa gam luo un;

Matthew 25:34 ပူးပေါင်းရင်းမြစ်များ

Phatna-late 2:6

"Ka mual siangtho Zion tungah ka Kumpipa c ka tusak khin hi." a ci hi.

Paunakte 11:17

A migipa amahmah phattuamna hi-a, a kheltatpa ahileh amahmah siatna kitun ahi hi.

Isaiah 33:22

Ahang in, eite thukhenpa TOPA hi a, thukham piapa TOPA hi-in eite kumpipa TOPA ahi hi; eite hong hon dingpa amah ahi hi.

Isaiah 6:5

Tua ciangin gim ngahpa hi ta’ng ei! A mangthang hi ta’ng ei! Ahang in, kei muk ninpa ka hi-a, muk ninte lakah tengin ka mitin Kumpipa - Thahatpen TOPA ka mu zo hi," ci-in ka kiko hi.

Isaiah 9:7

Ama ukna le kilemna khangin bei hun a nei kei ding hi. Amah in David tokhom luah dinga, tua huna kipan a tawntungin thumaan le thutang tawh a gam phutin a lenkip ding hi. Thahatpen TOPA deihluatna in hih thu a tangcingsak ding hi.

Daniel 9:25

Hih thu thei inla telcian in: Thukip d a kipiaka kipan Jerusalem a ngei bangin a kilam kik dong sagih ‘sagihte’ hi dinga, Jerusalem kilam kika kipan Sathau-kinilh Pa e, ukpa hong pai dong, sawmguk lenih ‘sagihte’ hi ding hi. Kongzing lampite le guampi nei-in kilam kik dinga, ahi hangin lungkham hun sung hi ding hi.

Zephaniah 3:15

TOPA in na dan thuak ding tawh hong kipelhsak khin hi; na galte hong kilehhawlsak zo hi. TOPA Israel-te Kumpipa, note tawh omkhawm khin hi; note in kisiatna peuhmah na kihta ngei nawn kei ding uh hi.

Matthew 13:35

Hih in kamsangpa tungtawna kigen: "Gentehnate zangin ka kamka dinga, leitung piansak cil-a kipan a ki-imcip thute ka genkhia ding hi," c cih thu a tangtunna ahi hi.

Matthew 19:29

Keima hangin a inn, a lo, a sanggamnu, a sanggampa, a nu d, a pa le a tate a nusia peuhmah in, a zah zakhat ngahin nuntak tawntungna zong a luah ding hi.

Matthew 20:23

Jesu in amaute kiangah, "Kei hai panin na dawn takpi ding uh hi. Ahi hangin ka taklam ahi a, ka veilam ahi zongin kei piak theih ahi kei hi. Ka Pa in tua munte ah a tu dinga a sehkholhsate ading bek ahi hi," a ci hi.

Matthew 21:5

"En un, na kumpipa uh, lungsim niam tawh, laapi tung le, a kituang nai lo laano, laapi ta laano tungah, tuangin note kiangah hong pai hi,’ ci-in Zion Tanu kiangah na gen in," a cih thu a tangtunna-in hih thu a piang ahi hi.

Matthew 25:21

"A pu in, ‘A hoih a muanhuai nasempa aw, pha hi! Na tawmkha tungah na muanhuai hi; na tampi kong uksak ding hi. Hong pai inla na pu tawh lungdam khawm in!’ ci hi.

Matthew 25:23

"A pu in, ‘A hoih, a muanhuai na sempa aw, pha hi! Na tawmkha tungah na muanhuai hi; na tampi kong uksak ding hi. Hong pai inla na pu tawh lungdam khawm in!’ ci hi.

Matthew 25:40

"Kumpipa in, ‘Thutak kong gen-inah, hih ka sanggamte a neupen khat adinga na bawlte khempeuh uh kei adinga hong bawl na hi uh hi,’ ci-in dawng ding hi.

Matthew 25:41

"Tua khit ciangin a veilam a omte kiangah, ‘Hamsiatna a thuakte aw, kei kiang pan taikhia un, dawimangpa le ama vansawltakte adinga kibawlsa tawntung meikuang sungah pai un.

Matthew 27:37

Amaute in: HIH JEW-TE KUMPIPA, JESU HI, ci-in a mawhmatna uh lai, a lutung sanah a suang uh hi.

Matthew 3:2

"Kisik un. Vantung gam hong nai ta hi," ci-in Judea gama Gamlakah thu a hilh hi.

Matthew 5:19

Hih thupiakte lak pan a neu pen palsatin, tua banga palsat ding midangte a hilh peuhpeuh vantung gamah a neu pen kici ding hi. Ahi hangin hih thupiakte zui-a, midangte a hilh peuhpeuh vantung gamah alian kici ding hi.

Mark 10:17

Jesu a paikhiat laitakin ama kiangah mi khat va tai-a, a mai ah khukdinin, "A hoih siapa aw, nuntak tawntungna ka luah nadingin bang ka hih ding kul hiam?" ci-in a dong hi.

Mark 10:40

Ahi hangin ka taklam ahikeh ka veilam a tu ding kei hong piak theih hi lo hi. Tua munte ah a tu dinga a kiseh kholsa mite bek tu ding uh hi," a ci hi.

Luke 11:28

Amah in, "Pasian thu za-a a mangte, thupha ngah hizaw hi," ci-in a dawng hi.

Luke 11:50

Tua ahi manin leitung piancila kipan kamsangte khempeuh sisan ahi zongin,

Luke 12:32

"Tuu hon tawmkhate aw, na Pa un note gam hong piak ding lungkim khin ahi manin na lau kei un.

Luke 19:38

"Topa min-a hong pai kumpipa in thupha a ngah hi! a "Vantungah lemna om henla, a sang penna munah minthanna om ta hen!"ci-in a awng uh hi.

John 1:49

Tua ciangin Nathanael in, "Rabbi, nang Pasian Tapa na hi hi. Israel Kumpipa na hi hi," ci-in a genkhia hi.

John 12:13

Amaute nisuh hiang tawi-in amah dawn dingin paikhia uh a, "Hosanna!" c "Topa mina hong paipa in thupha a ngah hi!" d "Israel Kumpipa in thupha a ngah hi!" ci-in a awng uh hi.

John 17:24

"Pa aw, nong piaksa mite ka omna-ah kei tawh a om khawm ding le nong it mana leitung piansak ma-a minthanna nong piak keima minthanna a muh ding uh ka deih hi.

John 19:15

Ahi hangin amaute in, "Amah lakhiamang in! Amah lakhia mang in! Amah kilhlum in!" ci-in a kiko uh hi. Pilate in, "Na kumpipa uh kilhlum ding ka hi hiam?" ci-in a dong hi. Siampi makaite in, "Caesar longal kumpi dang kuamah ka nei kei uh hi," ci-in a dawng uh hi.

Nasepte 15:18

khanghunte khempeuhin tuate kithei khin zo hi, ‘ c ci-in kigelh hi.

Nasepte 3:26

Pasian in a nasempa a khankhiatsak ciangin note, na tatsiatna panun na vekun kikhelin thupha hong piak theih nadingin note kiangah hong sawl masa hi," a ci hi.

Rome-te 8:17

Tu-in tate i hileh gouluahte i hi hi. Christ minthanna eite in zong i tanhpih theih nadingin ama thuaknate i thuakpih takpi leh Christ tawh gouluah khawm Pasian gouluahte i hi hi.

1 Corinth-te 15:50

Sanggamte aw, si le sa in Pasian gam a luah thei kei hi, a kisia thei na in a kisia thei lo na a luah thei kei hi, cih note tungah kong pulak hi.

1 Corinth-te 2:9

Ahi zong in: "Amah a itte adingin Pasian bawlkholhsate mitin mu ngei nai lo, bilin za ngei nai lo lungsimin ngaihsun ngei nai lo" d ci-a kigelhsa bang hi a,

1 Corinth-te 6:9

Mi tatsiate in Pasian gam a luah loh ding lam thei lo na hi uh hiam? Mi khemsa-in om kei un: Numei pasal paktatte, milim biate, angkawmte, pasal kizuakte, pasal le pasal paktatte,

Galatia-te 5:21

enna, zukhamna, uangtatna le tua bang nam khempeuh ahi hi. Tua banga nungtate in Pasian gam a luah kei ding hi, ci-a kong vauhilhsa bangin kong hilhkhol hi.

Ephesa-te 5:5

Ahang in, a thangtat, a siangtho lo ahikeh a huaiham, tua banga hihte milim bia hi-a, Christ le Pasian gam d ah luah ding bangmah a nei kei hi, cih na theitel uh hi.

1 THESSALONIKA 2:12

ama gam le a minthanna sunga hong sampa Pasian tawh kilawma nungta dingin note kong hanthawn uh a, hong hehnem in kong kun uh hi.

2 Timothy 2:12

eite in i thuak leh, amah tawh i uk khawm ding hi. Amah leh amah kinial thei lo ahi manin amah i nial leh, amah in zong eite hong nial ding hi;

2 Timothy 4:8

Tu-in thumaana thukhenpa Topa in tua ni cinga kei hong piak ding thumaanna lukhu kei ading a om zo hi. Kei bek hong kipia loin ama kilat ding lawpa a ngakte khempeuh zong a pia ding hi.

Hebrews 1:14

Vansawltakte khempeuh, hotkhiatna luah dingte nasem dinga, kisawl khate hi lo ahi hiam?

Hebrews 11:16

Tua sangsikin, amaute in gam hoihzaw khat vantung gam a lunggulh uh hi. Pasian in amaute ading khuapi lian khat bawlkhol zo ahi manin, amau Pasian a kicih ding a maizum kei hi.

Hebrews 4:3

Pasian in, "Tua ciangin ka heh a, ‘Amaute ka khawlna ah a lut ngei kei ding uh hi,’ ci-in kiciamin ka genkhia hi," d a cih bang tektek in, tu-in a umsa eite tua khawlna ah i lut hi. Tua hi-a leitung a kipiansak khit nungsang a nasep a zawhsa ahi hi.

Hebrews 9:26

Tua bang hi hileh leitung kipiansak nungsang Christ in tamveipi a na thuak kul ding hi. Ahi hangin tu-in khanghunte bei hunin khatvei-a kimang den mawh maisak nadingin amahmah biakpiakna-in hong kilang zo hi.

James 2:5

Kong it ka sanggamte aw, ngai un: Pasian in upna ah ahau ding le amah a itte a kamciam, ama gam a luah dingin leitung mite muhna-a a zawngte teel hi lo ahi hiam?

1 Peter 1:9

Ahang in, na upna un a tup note kihotkhiatna a ngah na hi uh hi.

1 Peter 3:9

Gitlohna, gitlohna in na thuk kei un; hong engkote engko thuk loin thupha na pia zaw un. Bang hang hiam cih leh thupha khat na luah theih nadingun hih thu dinga note hong kisam ahi hi.

Kilaakna 13:8

Leitung kipiansaka kipan a kigosa Tuuno nuntakna laibu sunga a min a kigelh lote khempeuh - leitunga a tengte khempeuh in tua gamsa bia ding uh hi. b

Kilaakna 17:8

Khat vei lai-a na muhsa tua gamsa, tu-in a om nawn kei hi. Kawhawmpi sung pan hong pusuakkhia-in ama kisiatna ah a pai ding hi. Lei kipiansak cila kipan, nuntakna laibu sunga a min kigelh nai lo leitunga teng mi khempeuh in, tua gamsa a muh uh ciangin, khat vei a om khin, tu-in om nawn lo napi hong pai ding ahi manin lamdang a sa mahmah ding uh hi.

Kilaakna 19:16

Ama puantual tung le a phei tungah: KUMPITE’ KUMPIPA, TOTE’ TOPA ci-in hih min kigelh hi.

Kilaakna 21:7

A gualzo mi in hihte khempeuh luahin, ama Pasian ka hi dinga, amah ka tapa ahi ding hi.

Kilaakna 5:10

Nangmah in amaute kumpi-gam khat le kote Pasian nasem ding siampi-in na bawl khin zo a, amaute in leitung a uk ding uh hi," ci-in a sa uh hi.