Matthew 25:32 - Zokam International Version

³² Ama mai-ah mi namkim khempeuh kikhawm dinga, tuucingpa in tuu le keel a tuam khen mah bangin mite a tuamkhen ding hi.

LAISIENGTHOU CL Bible (BSI)

³² Nam zousie amasangah akikhawm ding ua, belamchingpa’n kel lah a, abelamte akhenkhieh bangin, amauh akhenkhe ding hi.

Zo Bible

³² Ama mai-ah minam zosie kikhawm ding a, tuucing pa in tuu le keel a tuom khen ma bangin ama in mite a tuomin khen ding hi.

Matthew 25:32 ပူးပေါင်းရင်းမြစ်များ

Phatna-late 1:5

Tua ahi ciangin thukhenna ah migilote ding zo lo uh a, mawhneite zong a thumaante lakah ding zo lo ding uh hi.

Phatna-late 78:52

Ahi hangin a mite tuuhon bangin paikhiatpih a; tuute bangin sehnel-gam kantan in makaih hi.

Phatna-late 96:13

TOPA hong pai-a, leitung thukhen dingin hong pai ahi manin amaute in a mai-ah la a sa ding uh hi. Amah in thumaanin leitung buppi thu khen dinga, thutakin mite thu a khen ding hi.

Phatna-late 98:9

Leitung thukhen dingin TOPA hong pai ahi manin ama mai-ah amaute in la sa uh hen. Amah in leitung buppi thumaanin thu khen dinga, guptuam paihtuam nei loin mite thu a khen ding hi.

Ezekiel 20:38

Note lak panin kei hong langpana kei hong lehdote ka siaksiang ding hi. Amaute tenna gam panin ka paikhiatpih hangin Israel gamah a lut kei ding uh hi. Tua ciangin note in keimah TOPA ka hilam na thei ding uh hi.

Malachi 3:18

Tua ciangin a thumaante le migilote, Pasian’ na a semte le a sem lote a kikhentuamna na mu ding uh hi.

Matthew 13:49

Tu khanghun a bei ciangin hih bang ahi ding hi: Vansawltakte hong pai-in mi thumaante lak pan a tatsia mite khenkhia ding uh a,

Matthew 28:19

Tua ahi manin pai unla, minamte khempeuh nungzui na suaksak un; Pa, Tapa le Khasiangtho minin d na baptise unla,

Matthew 3:12

Amah in buhhah-ciangka tawi-in, ama buh phual hahsiang dinga, atak teng a sal sungah koihin, asi teng a mit ngei lo mei sungah a khul ding hi," ci-in a hilh hi.

John 10:14

"Keimah, tuucing hoihpa ka hi hi; ka tuute ka thei-a, ka tuute in zong kei hong thei uh hi.

John 10:27

Ka tuute in ka aw a ngai uh hi; keimah in amaute ka thei-a amaute in kei hong zui uh hi.

Rome-te 2:12

Thukham pualama mawhte khempeuh, thukham pua mah ah mangthang ding uh a, thukham nuai-a mawhte khempeuh thukham pansan in thu a khen ding hi.

Rome-te 2:16

Keima hilh lungdamna-thu in a pulakkhiat mah bangin Pasian in Jesu Christ tungtawna mi hingte’ thusimte a khen ni ciangin hih thu a tung ding hi.

1 Corinth-te 4:5

Tua ahi ciangin a kisehsa hun a tun matengin bangmah thu na khen kei un; Topa hong pai ding ngak un. Amah in khuamial sunga kiselsimte khuavak ah pusuahkhia dinga, mihing lungtang tupnate a pholakkhia ding hi. Tua hun ciangin mikim in Pasian tung pan phatna a ngah ciat ding uh hi.

2 Corinth-te 5:10

Ahang in, eite khempeuh Christ thukhenna tokhom mai-ah i ding pelmawh ding hi. Tua ciangin mi khempeuh in asia ahi zongin apha ahi zongin, pumpi-a a om sunga a hihsate hangin amau ngah dinga kituakte a sang ding uh hi.

1 Samuel 2:10

TOPA a langpangte kitamzan ding hi. Amah in van panin kek khiat dinga; leimongte dongin TOPA in thu a khen ding hi. "Ama kumpipa tha guan dinga, ama sathau nilhte’ ki tawisang ding hi," a ci hi.