Matthew 24:8 - Zokam International Version

⁸ Hihte khempeuh nausuahnat kipatna ahi hi.

LAISIENGTHOU CL Bible (BSI)

⁸ Tamte zousie khu gentheina kipatna ahi ding hi.

Zo Bible

⁸ Tam teng zosie pen gimna kipatna ahi na bo hi.

Matthew 24:8 ပူးပေါင်းရင်းမြစ်များ

Isaiah 10:4

Thongkiate lakah toncip ding ahikeh a kithatte lakah puk ding longal bangmah dang a om kei hi. Hizahta hi khin napi a hehna dai tuan loin a khut liikto lailai hi.

Isaiah 9:12

Nisuahna pan Aram mite le nitumna pan Philistia-te kamka-in Israel-te a nawmvalh uh hi. Hihzahta hi khin napi a hehna dai tuan loin a khut liik lai hi.

Isaiah 9:17

Tua ahi ciangin khangnote tungah Topa lungkim lo dinga, pa nei lote le meigongte a hehpih tuan kei ding hi; ahang in, mi khempeuh in pasian nei loin gilo uh a, kam khauh vive a pau uh hi. Hizahta hi khin napi a hehna dai tuan loin a khut liikto lailai hi.

Isaiah 9:21

Ephraim-in Manasseh kivak dinga, Manasseh-in Ephraim a kivak ding hi; amaute in Judah a langpan khawm ding uh hi. Hizahta hi khin napi a hehna dai tuan loin a khut liikto lailai hi.

Hosea 13:13

Ama tungah numei nausuah nat bangin tunga, ahi hangin amah pilna a nei lo naupang khat ahi hi; a hunin a tut ciangin naubu kihong napi a paikhia kei hi.

Mark 13:8

Mi nam khat le nam khat kido dinga, gam khat le gam khat a kido ding uh hi. Mun tuamtuam ah zin lingin kialpi a tung ding hi. Hihte khempeuh nausuahnat kipatna ahi hi.

Luke 21:12

"Ahi hangin hihte a pian ma-in amaute in note tungah a khut uh hong nga-in hong bawlsia ding uh hi. Keima min hangin amaute in note synagogue-te le thongte ah hong tun ding uh a, kumpite le gam-ukte mai-ah hong paipih ding uh hi.

Thupiakkikna 28:59

TOPA in no le na suante uh tungah a lauhuai pulpi - sawtveipi a haksa tuahsiatna le a nasia natsaute hong tungsak ding hi.

1 THESSALONIKA 5:3

Mite in, "Lemna le muanna" a cih laitakun, naupaii numei, nausuahnat in a tut bangin amau tungah thakhatin siatna tung dinga, amaute a suakta kei ding uh hi.

James 5:1

No a hau mite aw, tu-in ngai un, no tungah gentheihna hong tung ding ahi manin kap unla kapkap un.