Matthew 23:37 - Zokam International Version

³⁷ "Jerusalem aw, Jerusalem, kamsangte thata, na kianga hong kisawlte suang tawh a deng note, akpi in a note a kha nuai-ah a khop bangin na tate ka kaihkhop ding bangzah vei lunggulh ta ka hi hiam, ahi hangin na ut kei uh hi.

LAISIENGTHOU CL Bible (BSI)

³⁷ “Aw Jerusalem, Jerusalem, guolnei that a, na kunga ahing sawlte uh suonga na seplum! aapi in anoute ahalim nuoi a a opkhum bangin, ken zong na tate bangzatvei ahiei opkhum katum a, hinanleh na ut sih uhi.

Zo Bible

³⁷ “Jerusalem, Jerusalem, kamsangte thatin na kunga ang kisawl kamsangte suong tawh a seplia khuopi! Aapi in a note a hla nei-ah a huoi bangin na tate sawtveipi ka huoi nuom a, nang na nuom sih hi!

Matthew 23:37 ပူးပေါင်းရင်းမြစ်များ

Nehemiah 9:26

"Ahi hangin amaute thumang loin nang hong lehdo uh a; na thukham a nungngatsan uh hi. Amaute nang lama a kihei nadingun a zol, na kamsangte that uh a; a lauhuai mindaisakna a bawl uh hi.

Phatna-late 17:8

Na mit nauta bangin kei hong kem in; na kha liim nuai-ah kei hong sel inla,

Phatna-late 36:7

Na itna kip c a manphatna kiseh zo lo pi! Mihingte lakah aniam asang in na khate’ liim a bel uh hi.

Phatna-late 57:1

Kei hong lainat in Pasian aw, kei hong lainat in; ka hinna in nang hong bel hi; vangsiatna a bei mateng na khate liim sung kong beel ding hi.

Phatna-late 63:7

Kei hong huh nang na hi manin na khate’ liim nuai ah la ka sa hi.

Phatna-late 91:4

Amah in a khate in nang hong khuh dinga, ama khate nuai-ah bu-in; ama muanhuaina in na lumpi le na lumta hi ding hi.

Isaiah 5:4

Ka lenggui lo adingin ka hihsate longal, adang bang hih lai ding ka hi hiam? Lenggah hoih gah dinga ka lamet hi napi bang dingin a hoihlo bek gah mawk hiam?

Isaiah 50:2

Kong pai ciangin bang hangin mi khat beek om lo ahi hiam? Kong sap ciangin bang hangin hong dawng khat beek om lo ahi hiam? Nang hong tan zo lo dingin ka ban tom lua ahi hiam? Nang hong hu zo lo dingin thahatna nei lo ka hi hiam? Khatvei tai ziau leng tuipi ka keusak a, gunte sehnel-gam suakin; tui om loh manin a sunga ngasate dangtakin si uh a, a uih uh hi.

Jeremiah 2:30

"Na mite a mawkna-a dan pia ka suak hi; amaute a kibawlpha nuam kei uh hi. Humpinelkai gilkial bangin na namsaute un na kamsangte uh a liakmang khin hi.

Jeremiah 26:23

Amaute in Egypt panin Uriah paikhiatpih uh a, Kumpipa Jehoiakim a puak uh hi; tuapa in namsau-in satlum a, ama luang mi mawkmawkte kivuina munah kipai hi.)

Jeremiah 32:31

Hih khuapi a kisat tunga kipan tuni dong hong hehsak hong thangpaisak uh ahi manin ka muhna pan ka hepkhiat kul ding hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Jeremiah 36:26

A man sangsikin kumpipa in laithei Baruch le kamsangpa Jeremiah man dingin kumpipa tapa khat Jerahmel, Azriel tapa Seraiah le Abdeel tapa Shelemiah a sawl hi. Ahi hangin TOPA in amaute a seel hi.

Jeremiah 4:14

Jerusalem aw, na lungsim a gitlohna sawp inla, suakta in. Na gitlohna lungsimte bang tanvei kemcip lai ding na hi hiam?

Jeremiah 44:4

‘Hih ka muhdah a kihhuai na sem kei un!’a ci kamsangte ka sawl kikkik hi.

Jeremiah 6:8

Jerusalem aw, kidawm in, na kidop kei leh nang kong kiheisan dinga, kuama ten loh nadingin na gam ka hawmsak ding hi," a ci hi.

Hosea 11:2

Ahi hangin Israel ka a sap semsem ciangin kei b kiang panin gamla pai semsem hi. Amaute in Baal-te tungah biakna pia uh a, milimte tungah gimnamtui a hal uh hi.

Hosea 11:7

Ka mite in kei kiang pan kiheisan hong sawm teitei uh hi; Sangpen Pa a sam zawzen uh zongin amah in amaute a tawisang peuhmah kei ding hi.

Hosea 7:13

Ka kiang panin amaute lampial uh ahi manin gimna thuak ta uh hen! Amaute in kei hong lehdo uh ahi manin amaute tungah siatna tung ta hen! Amaute ka tatkhiat nop hangin kei langkhatah zuauthu a phuak uh hi.

Zechariah 1:4

Na pu na pate uh bang kei un; kamsang masate in amaute tungah tangko uh a, Hih in Thahatpen TOPA gen ahi hi: ‘Na gitlohna uh le na gitloh gamtatna panin kihei un,’ ci hi. Ahi hangin amaute in a thu ngai loin, kei hong thusim lo uh hi, TOPA in cikhia hi.

Matthew 22:3

A khohsate sam dingin a nasemte a sawl hangin a khohsate a hawh nuam kei uh hi.

Matthew 22:6

Tua lo teng in a nasemte man uh a, bawlsia in a that uh hi.

Matthew 23:30

Tua ciangin, ‘I pu i pa-te khan lai-in eite om hi lehang kamsangte a sisan suah amaute lakah kihel buang kei ni,’ na ci uh hi.

Matthew 23:31

Tuaci-in kamsangte a thatte suan le khak na hihna uh no le no in na langsak uh hi.

Matthew 5:12

Note ma-a kamsangte zong tua mah bangin bawlsia uh ahi manin lungdamin kipak un, bang hang hiam cih leh vantung ah no ading pahtakman a lian hi.

Luke 15:28

"A u pa heh a inn sungah a lut nuam kei hi. Tua ahi ciangin a pa pusuakin amah va zol hi.

1 THESSALONIKA 2:15

Tua Jew mite in Topa Jesu le kamsangte that uh a, kote zong hong hawlkhia uh hi. Amaute in Pasian lungkimsak lo uh a mite khempeuh langah pangin,

Kilaakna 17:6

Tua numei in, misiangte le Jesu thu teci a pang mite sisan khamgawp-a om ka mu hi. Tuanu ka muh ciangin lamdang ka sa lua mahmah hi.

Ruth 2:12

Na sepnasa ah TOPA in hong thukkik ta hen. Ama khanuai beel dinga nong paina TOPA, Israel-te Pasian in azah tampi in pahtakman hong pia ta hen," ci-in a dawng hi.