Matthew 22:16 - Zokam International Version

¹⁶ Amaute in a nungzuite uh le Herod pawlte a kiangah a sawl uh hi. Tuate in, "Sia aw, mi thutak khat na hi-a, Pasian thutak tawh kituakin na hilh cih kong thei uh hi. Amaute hina en lo na hi manin kuama thu-in na gamta kei hi.

LAISIENGTHOU CL Bible (BSI)

¹⁶ Tualeh amaun anuazuite u’leh Herod pawlte akungah asawl ua, tua miten akungah, “Siepa midihtah na hia, Pasian lam thu dihtahin na hil a, khawh sahtuom koima na nei sih chi ka thei uhi, aziehpen koima khentuom na nei sih hi.

Zo Bible

¹⁶ Tuaci’n amate in ama kungah nuazuite le Herod mite a sawl vua, “Sie aw, nang na thutah a, thuman bangin koima zatah nei loin Pasien’ lampi na hil lam ka thei uhi; azieh pen nang in mi mai-et tuom na nei sih hi.

Matthew 22:16 ပူးပေါင်းရင်းမြစ်များ

1 Kumpite 22:14

Ahi hangin Micaiah in, "TOPA nuntakna lo a ka cih inah TOPA in kei tunga hong gen bek ama tungah ka gen thei hi," a ci hi.

Phatna-late 12:2

Mi citeng in a vengpa kiangah zuauthu gena; maitang phatna mukin zuau phuaka gen uh hi.

Phatna-late 5:9

Amaute kam pana kammal khat beek muantak lo a, a lungsim uh kisiatna tawh dim hi. Amaute gawl, han kihongsa hi a; a leii-un zuauthu a gen uh hi.

Phatna-late 55:21

Ama kam thawhbat bangin nal napi a lungsim ah kigalneihna a om hi; a thugente sathau sangin nalzaw napi namsau dawhsa ahi hi.

Paunakte 29:5

A vengte a maitang phatte a khe awk nading lenthang kam ahi hi.

Malachi 2:6

Ama kam sungah thumaan lahna oma a muk ah khialhna khat beek kimu lo hi. Amah lungnuamtak le tangtakin kei tawh tonkhawm a, mawhna pan mi tampi a kiheisak hi.

Malachi 2:9

"Tua ahi ciangin keima lampi zui loin thukham thu ah mi deidan na hi manin mi khempeuh mai-ah mi simmawh le a mindai-in kong omsak hi," a ci hi.

Matthew 22:24

Amaute in, "Sia aw, Moses in, ‘Ta nei man lo-a si pisal khatpeuh a om leh a sanggampa in a u zi luah henla, ta neihsak hen,’ ci-in gen hi.

Matthew 22:26

Tua bangin a nihna, a thumna, a banbanin a sagihna dong a kibangin hi suksuk hi.

Matthew 26:18

Amah in, "Khuapi sunga mi khat kiangah, ‘Siapa in: "A kisehsa ka hun tung dek ta hi. Ka nungzuite tawh na innah Paisan-pawi kong bawl ding uh hi, ci hi,’ va ci un," ci-in a dawng hi.

Matthew 26:49

Jesu kiangah Judas paipah a, "Rabbi dam maw!" ci-in amah a nam hi.

Mark 10:17

Jesu a paikhiat laitakin ama kiangah mi khat va tai-a, a mai ah khukdinin, "A hoih siapa aw, nuntak tawntungna ka luah nadingin bang ka hih ding kul hiam?" ci-in a dong hi.

Mark 12:13

Tua nung ciangin amaute in ama thugenin amah a mat theih nadingun Pharisee-te le Herod pawlte Jesu kiangah a paisak uh hi.

Mark 12:14

Amaute va pai-in ama kiangah, "Sia aw, nang mi thutak khat na hi lam ka thei uh hi. Kuamah maivil nei lo na hi manin, kuama thu-in na gamta kei a, Pasian thutak tawh kizui-in na hilh hi. Tua hi-a Caesar tungah siah piak tuak hiam, piak tuak lo hiam?

Mark 3:6

Tua ciangin Pharisee-te paikhia uh a, Jesu a thah theih nadingun Herod pawlte tawh a geelsim uh hi.

Mark 8:15

Jesu in amaute kiangah, "Pilvang un, Pharisee-te le Herod silngo panin na kidawm un," ci-in a vauhilh hi.

Luke 20:21

Tua ahi ciangin thusim kante in ama kiangah, "Sia aw, nang in ahi bang thu genin na hilh a, kuamah deihsak tuam nei loin thutak bangin Pasian thu na hilh lam ka thei uh hi.

Luke 7:40

Jesu in ama kiangah, "Simon aw, kong gen nop khat a om hi," ci-in a dawng hi. Amah in, "Sia aw, hong gen in," a ci hi.

John 14:6

Jesu in, "Keimah in, lampi, thutak le nuntakna ka hi hi. Kei tawn loin kuamah Pa kiang a tung thei kei hi.

John 18:37

Pilate in, "Nang, kumpi khat na hi maw leh!" a ci hi. Jesu in, "Kei kumpi nong cih na maan hi. A taktakin, hih thu hangin ka suaka, hih thu hang mahin leitung ah kong pai-a thutak ah teci ka pang hi. Thutak lama pang peuhmah in ka thu a ngai uh hi," ci-in a dawng hi.

John 7:18

Amah leh amah-a thugen peuhmah in ama minphat nading zongin a gen hi. Ahi hangin amah a sawlpa min phat nading thu gen pa ahileh mi thutak hi a, ama thu ah zuauthu bangmah a om kei hi.

2 Corinth-te 2:17

Mi tampite tawh kibang loin met nadingin Pasian thu ka thangbawl kei uh hi. Tua sangsikin Pasian kiang pana kisawl mite bangin Pasian mai-ah cihtakna tawh Christ sungah thu ka gen uh hi.

2 Corinth-te 4:2

Tua sangin a simtham le a zumhuai-a gamtatnate ka tawpsan uh hi. Khem bawlnate zang loin Pasian thu zong ka lehkaih kei uh hi. Tua sangsikin tua thutak teltakin ka pholak uh a, Pasian mitmuh ah mi khempeuh lungsim tawh kituakin ka om zaw uh hi.

2 Corinth-te 5:16

Tua ahi ciangin tu-a kipan kote in leitung mite muh bangin kuamah ka mu kei uh hi. Khatvei lai-in hih bangin Christ ka na mu uh a, tu-in ka mu nawn kei uh hi.

Galatia-te 1:10

Tu-in mihingte maipha ahikeh Pasian maipha a zong ka hi hiam? Ahikeh mihingte lungdamsak a sawm ka hi hiam? Mihingte lungdamsak a sawm lailai ka hileh Christ nasem ka hi kei ding hi.

Galatia-te 2:6

Bangzahta in mi thupi hi le uh kilawm ta leh kei adingin amaute kilamdanna a om tuan kei hi. Pasian in a pualam kilatna in thu a khen kei hi—tua mite in ka thupuak bangmah a behlap kei uh hi.

Thupiakkikna 33:9

Amah in a nu le a pa, ‘Amaute ka thusim kei hi,’ ci hi. Amah in a sanggampate theikha loin ama tate phawk lo-a, ahi hangin na thugen kemcingin na thukhun a len cinten hi.

1 THESSALONIKA 2:4

Tua sangsikin Pasian in lungdamna-thu kem dinga a sansa mite bangin ka gen uh hi. Kote in mihing lungkimsak sawm loin kote lungtang hong entel pa Pasian lungkimsak ka sawmzaw uh hi.

James 3:17

Ahi hangin vantung pana pilna ahileh a masa penin siangtho a, lemna deih in, midangte khual a, kiniamkhiat in, lainatna le gah hoih tawh dima, khentuam nei loin citak hi.

1 John 5:20

Amah a thumaanpa a hina i theih nadingin Pasian Tapa hong pai zo cihleh theihtelna hong pia hi cih zong i thei hi. Eite tua ama Tapa Jesu Christ thu maanna sungah i om hi. Amah a thumaan Pasian le nuntak tawntungna ahi hi.