Matthew 2:11 - Zokam International Version

¹¹ Tua inn a tun uh ciangin naungek le a nu Mary mu uh a, kunin a bia uh hi. A goute uh suahkhia-in letsong in kham, gimnamtui le paknamtui kha a pia uh hi.

LAISIENGTHOU CL Bible (BSI)

¹¹ Innsunga aluttah un, naungeh anu Mari toh um amu ua, tualeh akhupboh ua, abeta uhi. Tualeh a goubawmte uh ahong ua, akungah sana, begaw, leh Murrahte apie uhi.

Zo Bible

¹¹ Inn sungah amate lut a, a nu Mary le nausen a mu uhi; tuale amate in khupdinin ama zatahna a pie uhi. Tua ciengin a gou bawmte uh a suo vua, kham, panamtui, le myrrh panamtuite letsongin a pie uhi.

Matthew 2:11 ပူးပေါင်းရင်းမြစ်များ

Piancilna 43:11

Tua ciangin a pa uh Israel in amaute kiangah, "A tua ci lo thei lo ahileh hi ci hih un! I gama piang a limci penpente - lingsi tawm, khuaizu tawm, singnamtui le paknamtui kha pawlkhat, pistachio le almond gahte na ip sunguah guang unla, tua mipa letsongin puak un.

1 Kumpite 10:10

Tua ciangin amah in kumpipa kham talent 120 c le gimnamtui tampitak le suang manphate a pia hi. Sheba kumpinu in Solomon a piak zaha tam gimnamtui a kipuak ngei nawn kei hi.

1 Kumpite 10:2

Jerusalem ah tungin khualzin mi tampite tawh - gimnamtuite, kham le suangmanpha tampitak a pua kala-ohte - tawh Solomon kiangah pai-a, a lungsima a ngaihsut khempeuh a kuppih hi.

Phatna-late 2:12

Tapa nam un, tua hi kei leh amah heh kha dinga, ama thangpaihna thakhatin kuang thei ahi manin na lampi-ah hong susia kha ding hi. Amah a bel mi khempeuh thupha ngah ahi hi.

Phatna-late 45:8

Na puansilhte myrrh le aloes le thalsing namtuite-in a namtui hi; saiha-a kizem kumpi innte panin khausai tumtheihte in nang hong kipaaksak hi.

Phatna-late 72:10

Tharshish kumpite le gamlapi-a tuipi gei-ate in amah siah puak ding uh a; Sheba le Seba kumpite in letsongte pia ding uh hi.

Phatna-late 72:15

Amah khansawt hen! Sheba panin amah kham kipia hen. Mite in ama adingin thu ngen uh henla, sun nilohin thupha piapia uh hen.

Phatna-late 95:6

Hong pai un, amah bia in kun ni, eite hong Bawlpa TOPA mai-ah khukdin ni;

Paikhiatna 30:23

"A nuai-a a namtui hoihte: pak namtuikha, tui shekel c 500, singguithak namtui tua zah lang (tua pen shekel 250), kawltu namtui shekel 250,

Paikhiatna 30:34

Tua ciangin TOPA in Moses tungah, "A gim namtui - singnai kaw, onycha le galbanum le paknamtui citak a vekin a kikim la inla

Zailate’ Zaila 3:6

Paknamtui le myrrh gimsi tuibang gawma lunta gimnam viauviau in keugaw gam vaivut kitungsaka maciang a suan singta vontawi kua pen ahiam aw?

Isaiah 60:6

Midian-te le Ephah-te kala-oh note, kala-oh honte in na gam a tuam ding hi. Kham le gim namtui pua-in TOPA phatna tangko-in Sheba a om khempeuh hong pai ding uh hi.

Siampi Laibu 6:15

Siampipa in annel limci le sathau khut dim khat an-a biakna gimnamtui khempeuh le phawkna khenkhiat gawmin TOPA a lungkimsak gimnamtui ahi dingin biakna-tau tungah a hal ding hi.

Malachi 1:11

Minamte lakah nisuahna-a kipan nitumna dong ka min a lian ding hi. Mun khempeuh ah ka min, gimnamtui le biakna siangtho a kipuak ding hi, bang hang hiam cih leh minamte lakah ka min a lian ding hi," Thahatpen TOPA in a ci hi.

Misimna 7:14

shekel c sawm a khai kham sikkeu kum khat, gimnamtui adim tawh;

Misimna 7:86

Gimnamtui adim kham sikkeu-kum sawm le nih in munsiangtho shekel tawh kizui-in shekel sawm ciat a khai hi. Kham sikkeu-kum khempeuh a vekpi in shekel b zakhat le sawmnih a khai hi.

Matthew 1:18

Jesu Christ suahzia hih bang ahi hi. A nu Mary, Joseph tawh kiteng dinga kidongsa ahi hi. Amau gel a kigawm ma-un Khasiangtho in Mary a gaiisak hi.

Matthew 12:46

Jesu in mihonpite kiangah thu a hilh laitakin amah hopih nuamin a nu le a sanggamte inn pua-ah ding uh hi.

Matthew 14:33

Gunkuang sunga om teng in, "Pasian Tapa na hi takpi hi," ci-in Jesu a bia uh hi.

Matthew 2:10

Amaute in aksi a muh uh ciangin a lungdam mahmah uh hi.

Matthew 2:2

Amaute in, "A suakkhinsa e Jew-te kumpipa koi-ah om hiam? Nisuahna lamah ama aksi ka mu zo uh a, a bia dingin kong pai uh hi," ci-in a dong uh hi.

Luke 2:16

Tua ciangin amaute paikhia mengmeng uh a, Mary Joseph le gan ankuang sunga kisial naungek a mu uh hi.

Luke 2:38

Tua hun lianin amaute kiangah tuanu pai-in Pasian tungah lungdam thu puakin Jerusalem kitatkhiat ding a lamente khempeuh tungah hih naupang thu a gen hi.

John 19:39

Amah tunung lama zana Jesu kianga hawhpa Nicodemus in a zui hi. Nicodemus in paknamtui kha le aloes kihel pound d sawm sagih le nga ding khawng a keng hi.

Kilaakna 19:10

Hih thu ah amah bia dingin a khe phungah ka bok hi. Ahi hangin amah in, "Hih kei in! Kei zong Jesu ading teci a pang, nang le na sanggamte tawh nasem khawm khat mah ka hi hi. Pasian bia in! Ahang in, Jesu teci panna in kamsanna kha ahi hi," hong ci hi.

Kilaakna 5:8

A lak khit ciangin tua a nungta ganhing lite le upa sawmnih le lite, Tuuno mai-ah a boksuk uh hi. Amaute in harp khat ciat nei uh a, misiangte thungetna ahi, gimnamtui tawh a dim kham kuangkumte a tawi uh hi.

1 Samuel 10:27

Ahi hangin thusia pawi pawlkhat in, "Hih mipa in eite bang hong ci hotkhiat thei ding hiam?" a ci uh hi. Amah simmawhin letsong a puak kei uh hi. Ahi hangin Saul a dai hithiat hi.