Matthew 19:5 - Zokam International Version

⁵ ‘Hih thu hangin pasal in a nu a pa nusia in a zi tawh kigawm dinga, amau gel sa khat a suak ding uh hi,’ k cih thute sim ngei lo na hi uh hiam?

LAISIENGTHOU CL Bible (BSI)

⁵ Tualeh tamte ziehin pasal in anu leh apa anuasie dinga azi atu ding hi, tuachi’n ani un sapumkhat ahing hita ding uhi, achi hi; chi na sim sih uh amah?

Zo Bible

⁵ ‘Tam thu ziehin pasal in a nu a pa nuasie-in a zi tawh kigawm ding a, ama gel sa khat a suoh ding uhi,’ ci-a kigiel na sim ngai sih uh amah?’ a ci hi.

Matthew 19:5 ပူးပေါင်းရင်းမြစ်များ

Piancilna 34:3

A lungsim ah Jacob tanu Dinah bek om a, tua numeino it in kamkhumin hopih hi.

2 Samuel 1:26

Ka sanggampa Jonathan aw, nang hangin ka dah hi; nang kong it mahmah hi. Kei nong itna lamdanga, numeite itna sangin lamdang zaw hi.

1 Kumpite 11:2

TOPA in Israel-te tungah, "Amaute tawh kiteng thuk peuhmah kei un, bang hang hiam cih leh amaute in na lungsim uh amau pasiante lamah hong hei taktak ding uh hi," ci-a a gen minamte amaute ahi uh hi. Tua hi napi Solomon in amaute a ngai cinten hi.

Phatna-late 45:10

Tanu aw, ngai in ngaihsun inla na bil ngat in: Na mite le na pa innkuante mangngilh in.

Phatna-late 63:8

Ka hinna in nang hong bel a; na taklam khut in kei hong lenkip hi.

Malachi 2:15

Tua TOPA in amaute khat a suahsaksa hi lo hiam? A pumpi uh le a kha uh ama aa ahi hi. Bang hanga khat suak ahi hiam? Bang hang hiam cih leh a pasian mi ding suan le khak e a zong ahi hi. Tua ahi ciangin na lungsim uh no le no kikem unla na khangno lai zite uh tawh na muanhuaina uh palsat kei un.

Matthew 19:6

Tua hi-a amaute nih hi loin khat ahi hi, tua ahi ciangin Pasian in a gawmsate mihing in khen kei ta hen," a ci hi.

Rome-te 12:9

Itna, a taktak hi pelmawh ding hi. Gitlohna na mudah un, a hoih na pom cinten un.

1 Corinth-te 6:16

A kizuaknu tawh a kigawmpa tuanu tawh pumpi ah khat suak ahilam thei lo na hi uh hiam? Ahang in, "Tua nihte cikhat sakhat a suak uh hi" c ci hi.

1 Corinth-te 7:2

Ahi hangin paktatna hihzahta a om nungsang pasal in ama zi, numei in ama pasal ciat a nei tek ding uh hi.

1 Corinth-te 7:4

Zi pumpi amah kia aa hi loin a pasal aa zong ahi hi. Tua mah bangin pasal pumpi zong amah kia aa hi loin a zi aa zong ahi hi.

Ephesa-te 5:31

"Hih thu hangin pasal in a nu le a pa nusia-in a zi tawh kigawm dinga, tua nihte sakhat a suak ding uh hi." b

Thupiakkikna 10:20

TOPA note Pasian kihta unla a na sem un. Amah kiplet unla ama minin kiciam un.

Thupiakkikna 11:22

Keimah in note zuih dinga kong piak hih thupiakte khempeuh limtakin zui a - TOPA note Pasian it in, ama lampi khempeuh tawna, amah na letkip uh leh -

Thupiakkikna 4:4

ahi hangin TOPA note Pasian a lenkip khempeuh tuni dong na nungta uh hi.

1 Samuel 18:1

David in Saul a hopih khit ciangin Jonathan lungsim David aa tawh khat suak liana, amah zahin a it hi.

1 Samuel 25:43

David in Jezreel a Ahinoam zong na tenpih khin a, amaute gel a zi ahi uh hi.