Matthew 1:22 - Zokam International Version

²² Kamsangpa tungtawna Topa gensa a tangtun nadingin hihte khempeuh a piang ahi hi.

LAISIENGTHOU CL Bible (BSI)

²² Tuin tamte zousie Mangpa’n a guolnei kam a ana gente atangtun theina dinga hing um ahi.

Zo Bible

²² Topa in kamsangpa tungtawnin a gensa thute a tangtun nadingin tam thute a pieng ahi hi:

Matthew 1:22 ပူးပေါင်းရင်းမြစ်များ

1 Kumpite 8:15

Tua ciangin amah in: "Ka pa David tungah ama kama a thuciam, ama khuta a tangtung-sakpa TOPA Israel Pasian kiphat ta hen. Ahang in, amah in,

1 Kumpite 8:24

Nang in na nasem ka pa David tunga na kamciam na lenkip hi; ama tungah na kamin na kiciam a, tuni-a bang lianin na khutin na tangtungsak hi.

Ezra 1:1

Persia kumpipa Cyrus kumpi a suah zawh a kum khatna kumin, Jeremiah tunga TOPA thugen a tangtun nadingin TOPA in Persia kumpipa Cyrus lungsim ah suaksak a, a kumpi gamsung khempeuh ah tangkosak in lai-a gelhsa-in a koihsak hi:

Matthew 12:17

Hih in kamsangpa Isaiah tungtawna kigen:

Matthew 13:21

Ahi hangin zung kha lo ahi manin tawmvei sung bek a hing zo hi. Thu hangin lungmanna ahi zongin bawlsiatna ahi zongin a tun ciangin pukmang pah hi.

Matthew 13:35

Hih in kamsangpa tungtawna kigen: "Gentehnate zangin ka kamka dinga, leitung piansak cil-a kipan a ki-imcip thute ka genkhia ding hi," c cih thu a tangtunna ahi hi.

Matthew 2:15

Herod sih khit dong tua gamah va om uh hi. Kamsangpa tungtawna Topa genna: "Egypt gam pan ka tapa ka samkhia hi." i cih thu a tangtunna ahi hi.

Matthew 2:23

Nazareth kici khua-ah a va teng hi. Tua bangin: "Amah Nazareth mi kici ding hi," ci-a kamsangpa tungtawna kigensa thu a tangtung hi.

Matthew 5:17

"Thukham ahi zongin, Kamsangte thu ahi zongin a beisak dinga hong pai hi, ci-in hong ngaihsun kei un; tuate a beisak dinga hong pai hi loin, a tang tungsak dinga hong pai ka hizaw hi.

Matthew 8:17

Hih in kamsangpa Isaiah tunga genkholhna: "I zawngkhalnate amah in la-a, i natnate a pua hi," c cih thu a tangtunna ahi hi.

Luke 21:22

Tua in, a kigelhsa khempeuh a tangtun nadingin gawtna hun ahi hi.

Luke 24:44

Amah in amaute kiangah, "Hih in note tawh ka omkhawm lai-a ka gen: Kei thu, Moses Thukham, Kamsangte le Phatna-late sunga kigelhte khempeuh a tangtung pelmawh ding hi, ka cih hih thu ahi hi," a ci hi.

John 10:35

Amah in Pasian thu tunna amaute ‘pasiante’ ci ahileh, Laisiangtho thu lah kipelh thei lo dinga,

John 15:25

Ahi hangin hih in amaute thukham sunga kigelhsa: ‘Amaute in ahang om lopi-in kei hong mudah uh hi,’ c cih a tangtunna ahi hi.

John 17:12

Amaute tawh ka omkhawm laitakin, nong piaksa min tawh amaute bittakin ka hu zo hi. Laisiangtho a tangtun nadinga a mang thang pa pen simloh khat beek ka mansuah kei hi.

John 18:9

"Nong piaksa mi khat beek ka mansuah kei hi," b a cih thu a tangtun nadingin hih thu a piang ahi hi.

Nasepte 3:18

Ahi hangin Pasian in kamsangte khempeuh tungtawn a, ‘Christ c in thuak ding hi,’ ci-a a gen kholhsate a tangtunsakna hih bang ahi hi.

Rome-te 1:2

Pasian in a kamsangte tungtawnin Laisiangtho sungah a ciamkholhsa,

Kilaakna 17:17

Ahang in, Pasian kammalte a tangtun masiah amaute vangliatna tua gamsa tungah a uk dingin a piak ding uh thukimna tawh Pasian in ama ngimna a zawhsiang nading amau lungtang sungah koih khin zo hi.