Mark 6:20 - Zokam International Version

²⁰ Bang hang hiam cih leh John mi thumaan le misiangtho khat ahilam Herod in thei ahi manin amah kihta in a hu hi. Herod in John thu a zak ciangin amkham mahmah d napi ama thugen a ngai nuam hi.

LAISIENGTHOU CL Bible (BSI)

²⁰ Aziehpen Herod in Johan khu midihtat leh siengthou tah ahi chi athei zieh in agiinga ama ana humbit zel hi. Tualeh athugen azah chiengin lungdong zel nanleh kipah tahin a ngaikhe zel hi.

Zo Bible

²⁰ Azieh pen John, midih le mi siengtho ahi hi, ci thu Herod in thei ahi ziehin ama zatahin a panpi hi. A thugen a zah ciengin ama lungbuoi mama hi; hinanle a thugen a ngai nuom veve hi.

Mark 6:20 ပူးပေါင်းရင်းမြစ်များ

1 Kumpite 21:20

Ahab in Elijah kiangah, "Ka galpa aw, kei hong mu zo mah teh!" a ci hi. Amah in, "Nang hong mu zo mah ing, bang hang hiam cih leh TOPA mitah a gilo dingin na kizuak hi.

2 Kumpite 13:14

Tua laitakin Elisha a sih nading natna-in cina ta hi. Israel kumpipa Jehoash amah veh dingin paisuka amah a kah hi. Amah in, "Ka pa aw! Ka pa aw! Israel sakollengte le sakol tuangte aw!" a ci hi.

2 Kumpite 6:21

Israel kumpipa in amaute a muh ciangin Elisha kiangah, "Amaute ka that ding hiam, ka pa aw? Amaute ka that ding hiam?" ci-in a dong hi.

2 Khangthute 24:2

Siampi Jehoiada a nuntak sung teng Joash in TOPA muhna ah amaanin na a sem hi.

2 Khangthute 26:5

Ama tungah Pasian kihtak d ding lam a lakpa Zechariah nuntak sung teng Pasian a zong hi. TOPA a zon laiteng Pasian in a lawhcingsak hi.

Paikhiatna 11:3

(TOPA in Egypt-te in, mipite tungah deihsakna a neih nading uh lungsim guanin, Moses mahmah zong Egypt ah Pharaoh’ uliante le mite in a sangmuh mahmah uh hi).

Ezekiel 33:32

Amaute adingin nang, aw khum mahmah in zawllate sa a, aw kihual mahmah in tumtheih a tumpa sangin na kiman zawkna a om kei hi; ahang in, na kammalte za napi na gen bangin a gamta kei uh hi.

Daniel 4:18

"Keimah Kumpi Nebuchadnezzar in hih mang ka man hi. Tu-in Belteshazzar aw, bang a cihnopna hiam hong gen dih in, ahang in, ka gam sunga mipilte khat beek in a khiatna gen thei lo uh hi. Ahi hangin nang sungah pasiante kha om ahi manin nong gen thei ding hi," a ci hi.

Daniel 4:27

Tua ahi ciangin kumpipa aw, kong gen bangin lungkimin hong mangin. A manin gamta in a kinengniamte tungah migitna tawh na mawhnate kipuahpha in. Tua bangin hi lecin na nopsakna kizomsuak ding hi," a ci hi.

Daniel 5:17

Tua ciangin Daniel in kumpipa kiangah, "Na letsongte nang kem inla, na pahtakmante midang khatpeuh pia in. Tua hi taleh kumpipa adingin lai kigelhte kong simsak dinga a khiatna zong kong gen ding hi.

Matthew 14:5

Herod in amah a thah nop hangin mipite in amah kamsangin ngaihsun uh ahi manin mipite a kihta hi.

Matthew 21:26

‘Mihing tung pan hi,’ ci leng lah John pen kamsang khatin sang uh ahi manin mipite i kihta zel hi," ci-in amaute a kikum uh hi.

Mark 11:18

Siampi makaite le thukham siate in hih thu a zak uh ciangin Jesu a thah theih nading uh lampi a zong uh hi. Ahang in, mihonpite khempeuh in ama thuhilhna lamdang sa mahmah uh ahi manin amaute in amah a kihta uh hi.

Mark 4:16

Adangte, suang laka tu khaici tawh kibangin thu ngai uh a, lungdamin a sangpah uh hi.

John 5:35

John pen meivak hi-a a kuang in khua a vaksak hi. Ama khuavak ah hun khat sung nopsak ding na teel uh hi.

Nasepte 2:12

Lamdang sa mahmah in lungzing uh a, "Bang cihna hi peuhmah ding hiam?" a kici uh hi.

Nasepte 5:24

Hih zaksakna a zak uh ciangin biakinnpi cingte makaipa le siampi makaite in, hih thu bang hong suak zen tam, ci-in a lungmang uh hi.