Mark 4:8 - Zokam International Version

⁸ Adang pawlkhatte leuleu lei hoihna ah a tu hi. Ankung po-a, khangtoin, a kivawh zah sawmthum, sawmguk tham lo zakhat nangawn a gahkhia hi," a ci hi.

LAISIENGTHOU CL Bible (BSI)

⁸ Tualeh kimkhatte lei hoi ah akie a, apou a, ahing khanglien pai a, agata a, ale sawmthum bang, ale sawmguh bang, ale zakhat bangin ahing pungta hi, achi hi.

Zo Bible

⁸ Khaici dangte lei hoina munah kie-in a kungte po-in khanglien a, a za zakhat, a za sawmguh, a za sawmthumin a ga hi.

Mark 4:8 ပူးပေါင်းရင်းမြစ်များ

Piancilna 26:12

Isaac in tua leitangah khaici tuh a, TOPA in thupha pia ahi manin a zah za khat at hi.

Isaiah 58:1

Na aw neih zah sit loin awng in. Pengkul bangin na aw ngaihsak in. Ka mite tungah amaute lehdona le Jacob innkuante tungah a mawhna uh genkhia in.

Jeremiah 23:29

"Ka kammal mei tawh kibangin suangtum a satzan sek tawh kibang hi lo ahi hiam?" TOPA in cikhia hi.

Matthew 13:23

Ahi hangin lei hoihna-a tute ahileh thu a zak uh ciangin a theitel pah mipa ahi hi. Tuate a kivawh zah za khat, azah sawmguk, azah sawmthum a gahpa ahi hi," ci-in a dawng hi.

Matthew 13:8

A dang pawlkhat pen lei hoihna ah tu-in, a kivawh zah za khat, azah sawmguk, azah sawmthum a gahkhia hi.

Mark 4:20

A dangte lei hoihna-a tu khaici tawh kibang uh hi; thu ngai-in sang uh a, a kivawh zah sawmthum, sawmguk tham lo za khat nangawn a gahkhia uh hi," a ci hi.

Mark 4:7

Adang pawlkhatte ling lakah tu-a, lingkungte khangin ankungte depgawp ahi manin gah a gah zo kei hi.

Mark 4:9

Tua ciangin Jesu in, "Bil nei peuh in za ta hen," a ci hi.

Luke 8:15

Ahi hangin lei hoihna-a tu khaicite ahileh lungsim picing le lungsim hoih nei in Pasian thu za-in kem dena, thuak keikai-in gah a gahkhiate cihna ahi hi.

Luke 8:8

Adang pawlkhatte leuleu lei hoihna ah a tu hi. Tuate poto in a kivawh sangin azah zakhat-a tamzaw gah a gah hi," a ci hi. Hih thu a gen khit ciangin, "Zak nading bil nei peuh in za ta hen," ci-in a kiko hi.

John 15:5

"Keimah, lengguipi ka hi hi. Note hiangte na hi uh hi. Mi khat kei sungah oma, ama sungah kei ka om leh gah tampi a gah ding hi. Kei loin bangmah na hih thei kei uh hi.

John 7:17

Mi khatpeuh in Pasian deihna hih ding a teel leh, ka thuhilhna Pasian pan hiam, ahikeh keima thu a gen ka hi hiam, cih a mukhia ding hi.

Nasepte 17:11

Thessalonica mite sangin Berea mite nampi tat zaw uh hi. Ahang in, lawptakiin thupuak sang uh a, Paul thugente amaan mah ahi hiam, ci-in nisimin Laisiangtho a encian uh hi.

Ephesa-te 2:21

Ama sungah tua inn buppi kizomkhawm a, Topa sungah a siangtho biakinnpi a suak dingin a khang hi.

Philippi-te 1:11

Pasian minthan nading le a kiphat nadingin Jesu Christ tungtawna hong pai thumaan gah tawh na dim nading uh ahi hi.

Colosse-te 1:6

Tua lungdamna-thu za-in Pasian hehpihna thutak khempeuh ah na theihtel ni-ua kipan note lakah a gah mah bangin, leitung mun khempeuh ah hih lungdamna thu in gah gahin a khang semsem hi.