Mark 15:32 - Zokam International Version

³² I mitin mu a i up theih nadingin hih Israel-te kumpipa, hih Christ e singlamteh tung pan hong kumsuk ta hen," a ci uh hi. Tua mah bangin amah tawh a kikilh khawmte in zong a engko uh hi.

LAISIENGTHOU CL Bible (BSI)

³² I mu a, tualeh igintat theina dingin, Khrist, Israel leengpa tuin Kross apat hing kumkhie heh” achi uhi. Tualeh Kross a Ama toh akilbet khawmte un zong Ama a elhou uhi.

Zo Bible

³² Kote in mu a, ka up thei nadingun Israel Kumpipa Messiah aw, tu mama-in singlamte tung panin hing kumsah in,” a ci uhi. Singlamte tunga a kikhaipi tegel in zong ama a engho uhi.

Mark 15:32 ပူးပေါင်းရင်းမြစ်များ

Isaiah 44:6

TOPA cih hih ahi hi - Israel-te Kumpipa le Tanpa, Thahatpen TOPA in: Keimah a masapen le keimah a nunungpen ka hi hi; Keimah longal Pasian dang a om kei hi.

Zephaniah 3:15

TOPA in na dan thuak ding tawh hong kipelhsak khin hi; na galte hong kilehhawlsak zo hi. TOPA Israel-te Kumpipa, note tawh omkhawm khin hi; note in kisiatna peuhmah na kihta ngei nawn kei ding uh hi.

Zechariah 9:9

Zion Tanu aw, nuam mahmah in! Jerusalem Tanu aw, kiko in! En in, na kumpipa b na kiangah thumaanna le hotkhiatna kengin migi-in laa tungah, sin nai loh, laapi ta laano tungah hong tuang hi.

Matthew 1:17

Hih bangin Abraham pan David dong khang sawm le li, David pan Babylon a saltan dong khang sawm le li hi-a, saltan khit pan Christ a dong khang sawm le li ahi hi.

Matthew 27:42

Amaute in, "Amah in midangte honkhia zo napi, amah le amah kihonkhia zo lo pi! Amah Israel-te kumpipa hi ven! Tu laitakin singlamteh tung pan hong kumsuk leh amah um ni.

Matthew 27:44

Tua mah bangin amah tawh kikhai khawm misuamte in zong a eng koko uh hi.

Mark 15:26

Amah kimawhmatna-in JEW-TE KUMPIPA, ci-in theihsakna lai kigelh hi.

Mark 15:27

Amaute in amah tawh, misuamte nih a taklam khat, a veilam khat kilh uh a,

John 1:49

Tua ciangin Nathanael in, "Rabbi, nang Pasian Tapa na hi hi. Israel Kumpipa na hi hi," ci-in a genkhia hi.

John 12:13

Amaute nisuh hiang tawi-in amah dawn dingin paikhia uh a, "Hosanna!" c "Topa mina hong paipa in thupha a ngah hi!" d "Israel Kumpipa in thupha a ngah hi!" ci-in a awng uh hi.

Rome-te 3:3

Mi kimkhat in upna nei kei leh bangci ding? Amau uplahna in Pasian muan huaina a guaksuaksak ding hiam? A guaksuaksak peuhmah kei hi!

2 Timothy 2:18

thutak pana pialmangte kihel uh hi. Amaute in, "Thawhkikna tung khin ta hi," ci uh a, pawlkhatte upna a siasak uh hi.