Mark 13:26 - Zokam International Version

²⁶ "Tua hunin mite in Mihing Tapa a vanglianpi le a minthanna tawh meii lakah a paisuk a mu ding uh hi.

LAISIENGTHOU CL Bible (BSI)

²⁶ Tua hun chieng in Mihing Tapa silbawltheina leh thupina toh meilum lah a hing pei amu ding uhi.

Zo Bible

²⁶ Tua ciengin Mihing Tapa, vanglietna le minthanna tawh meii lahah ang peisuh amate in a mu ding uhi.

Mark 13:26 ပူးပေါင်းရင်းမြစ်များ

Matthew 16:17

Jesu in, "Jonah tapa Simon aw, thupha ngah na hi hi; ahang in, hih in mihing hong laak hi loin vantung a om ka Pa hong laak ahi hi.

Matthew 16:27

Ahang in, Mihing Tapa ama vansawl takte tawh a Pa minthanna kengin hong pai ding hi. Tua ciangin mi khempeuh in amau sepna tawh kizui-in pahtakman a sang ciat ding uh hi.

Matthew 16:28

Thutak kong geninah, hih lai-a ding mi pawlkhat in, Mihing Tapa ama kumpi-gam tawh hong pai, a muh matengun sihna a ciamkha kei ding uh hi," a ci hi.

Matthew 24:30

"Tua hun ciangin vanah Mihing Tapa lim hong kilang dinga, leitung a om minam khempeuh a kap ding uh hi. Vangliatna le minthanna lianpi tawh Mihing Tapa vana meii tungah tuanga hong pai amaute in a mu ding uh hi.

Matthew 25:31

"Mihing Tapa Vansawltakte khempeuh tawh ama minthanna tawh hong pai ciangin, vantung minthanna kumpi tokhom tungah hong tu ding hi.

Mark 14:62

Jesu in, "Ka hi hi. Note in Thahat Pa taklama tu meiipi tunga hong paisuk Mihing Tapa na mu ding uh hi," a ci hi.

Mark 8:38

Hih angkawm le mawhdim khang mite hunah keimah le ka thu a zumpihte, Mihing Tapa in a Pa minthanna-in ama vansawltak siang thote tawh hong pai ciangin amaute a zumpih ding hi," a ci hi.

Mark 9:1

Tua ciangin amah in amaute kiangah, "Thutak kong geninah, vangliatna tawh Pasian gam hong tung, hih lai-a ding mi kimkhat in a muh matengun sihna a ciam kei ding uh hi," a ci hi.

Luke 21:27

Tua laitakin vanglianpi le minthanna tawh meii laka hong paisuk Mihing Tapa amaute in a mu ding uh hi.

Nasepte 1:11

Amaute in, "Galilee mite aw, hih lai-ah vanlam enin bang hangin ding na hi uh hiam? Note kiang pan vantung ah kilato hih Jesu tektek mah vantung ah a pai na muh bangun hong pai kik ding hi," a ci uh hi.

1 THESSALONIKA 4:16

Ahang in, Topa mahmah vantung panin, a ngaih mahmah thupiakna tawh, vansawltak lian aw le Pasian sapna pengkul ging tawh hong kumsuk dinga, tua ciangin Christ sunga a sisate tho masa ding uh hi.

2 Peter 1:16

Note tungah i Topa Jesu Christ vangliatna le hong pai kik nading thu kong hilh lai-un, piltaka kiphuak tawm tangthute peuh zui hi loin ama thupina mita a mute ka hi zaw uh hi.

Kilaakna 1:7

En un, meiipi tawh amah hong pai hi, mit khempeuh in amah mu dinga amah a sunlette nangawn in a mu ding uh hi; leitung a mite khempeuh ama hangin thum ding uh hi. Tua bang hi takpi ding hi! Amen.