Mark 12:14 - Zokam International Version

¹⁴ Amaute va pai-in ama kiangah, "Sia aw, nang mi thutak khat na hi lam ka thei uh hi. Kuamah maivil nei lo na hi manin, kuama thu-in na gamta kei a, Pasian thutak tawh kizui-in na hilh hi. Tua hi-a Caesar tungah siah piak tuak hiam, piak tuak lo hiam?

LAISIENGTHOU CL Bible (BSI)

¹⁴ Amauh ahing tun tah un, akungah, “Siepa Nang mi dihtah na hia, deisah tuom koima na nei sih a, mihing koima zatat tuom zong na nei sih hi, hinanleh Pasian lampite dihtahin na hil zel chi ka thei uhi. Kaisar kunga sie pieh adih ahiei, dihlou?

Zo Bible

¹⁴ Tuale amate pei-in, “Siepa aw, nang na citah a, koima zatah na nei sih hi; azieh pen nang in mi mai-et tuom na nei sih hi; ahi vangin thuman thutah tawh kituohin Pasien’ lampi na hil lam zong ka thei uhi. Kumpipa tungah sieh pieh huoi amah, pieh huoi lo ahei?

Mark 12:14 ပူးပေါင်းရင်းမြစ်များ

2 Khangthute 18:13

Ahi hangin Micaiah in, "TOPA nuntakna lo a ka cihinah, ka Pasian in kei tunga hong gen bek ama tungah ka gen thei hi," a ci hi.

2 Khangthute 19:7

Tu-in TOPA kihtakna no tawh om ta hen. TOPA eite Pasian tawh thutang lo, mi deidanna le golh-sum lakna omkhawm lo ahi manin kidawmtakin thu khen un," ci-in a gen hi.

Nehemiah 9:37

Kote mawhna hangin a piangkhia peuhmah ko hong uk dinga na koih kumpite in tang ta uh hi. Amaute in a ut bangun ka pumpi tung uh le ka ganhonte uh tungah hong uk uh hi. Ka lungdong mahmah uh hi.

Phatna-late 120:2

TOPA aw, zuauphuak mukte le mikhem leiite panin hong hon in.

Phatna-late 55:21

Ama kam thawhbat bangin nal napi a lungsim ah kigalneihna a om hi; a thugente sathau sangin nalzaw napi namsau dawhsa ahi hi.

Jeremiah 42:20

sihna khop khialhna a na bawl khin uh hi. TOPA na Pasian uh tungah thungena nong sawl lai-un, ‘TOPA eite Pasian tungah thu hong ngetsak inla ama hong gen khempeuh hong gen in; ka sem ding uh hi,’ na ci uh hi.

Micah 3:8

Ahi hangin kei ka hileh Jacob khialhna le Israel mawhna pulak dingin vangliatna, TOPA Kha le thutang le hatna tawh ka kidim ding hi.

Matthew 22:16

Amaute in a nungzuite uh le Herod pawlte a kiangah a sawl uh hi. Tuate in, "Sia aw, mi thutak khat na hi-a, Pasian thutak tawh kituakin na hilh cih kong thei uh hi. Amaute hina en lo na hi manin kuama thu-in na gamta kei hi.

Matthew 22:17

Tua hi-a Caesar tungah siah piak tuak hiam, piak tuak lo, cih na ngaihsutna hong gen dih in," ci-in a dong uh hi.

Mark 12:13

Tua nung ciangin amaute in ama thugenin amah a mat theih nadingun Pharisee-te le Herod pawlte Jesu kiangah a paisak uh hi.

Mark 12:15

Pia ding ka hi uh hiam, pia lo ding ka hi uh hiam?" a ci uh hi. Ahi hangin Jesu in amaute a kineih a hina thei-a, "Bang hangin kei hong thangsiah na hi uh hiam? Denarius khat hong la unla hong veelsak dih un," a ci hi.

Mark 14:45

Jesu kiangah Juda paipah a, "Rabbi aw!" ci-in Jesu a nam hi.

Luke 20:22

Tua hi-a kote adingin Caesar tungah siah piak tuak hiam, piak tuak lo hiam?" ci-in a dong uh hi.

Luke 23:2

Amaute in, "Hih pa in ka minam uh a holhthawh ka thei uh hi. Caesar tunga siah piak ding dalin kumpi khat, Christ b in kigen lai hi," ci-in amah a ngawh uh hi.

John 7:18

Amah leh amah-a thugen peuhmah in ama minphat nading zongin a gen hi. Ahi hangin amah a sawlpa min phat nading thu gen pa ahileh mi thutak hi a, ama thu ah zuauthu bangmah a om kei hi.

Rome-te 13:6

Thuneite, hunbit a gam-uk Pasian ading nasemte ahi manin hih thu hangin zong siah na pia uh hi.

2 Corinth-te 2:17

Mi tampite tawh kibang loin met nadingin Pasian thu ka thangbawl kei uh hi. Tua sangsikin Pasian kiang pana kisawl mite bangin Pasian mai-ah cihtakna tawh Christ sungah thu ka gen uh hi.

2 Corinth-te 2:2

Ahang in, note hong dahsak leng kong dahsak note longal kei hong nuamsak ding kua dang om ahi hiam?

2 Corinth-te 4:1

Tua ahi manin kote in Pasian lainatna tungtawna hih nasep ka neih khit nungsangun ka lungkia kei uh hi.

2 Corinth-te 5:11

Tua ahi ciangin kote in Topa kihtakzia ding thei ka hi manun mite zol ding ka hahkat uh hi. Kote ka hi bangun Pasian mai-ah a kiteltakin ka kilang uh a, tua pen mah note in zong na lungsim uh tawh na theihtel ding uh ka lamen hi.

2 Corinth-te 5:16

Tua ahi ciangin tu-a kipan kote in leitung mite muh bangin kuamah ka mu kei uh hi. Khatvei lai-in hih bangin Christ ka na mu uh a, tu-in ka mu nawn kei uh hi.

Galatia-te 1:10

Tu-in mihingte maipha ahikeh Pasian maipha a zong ka hi hiam? Ahikeh mihingte lungdamsak a sawm ka hi hiam? Mihingte lungdamsak a sawm lailai ka hileh Christ nasem ka hi kei ding hi.

Galatia-te 2:6

Bangzahta in mi thupi hi le uh kilawm ta leh kei adingin amaute kilamdanna a om tuan kei hi. Pasian in a pualam kilatna in thu a khen kei hi—tua mite in ka thupuak bangmah a behlap kei uh hi.

Thupiakkikna 16:19

Thutang kawikaih loin gup le paih zong a nei kei ding uh hi. Golhsum in mipilte mit tawsak a, thumaan kawnghek ahi manin, golhsum sang kei un.

1 THESSALONIKA 2:4

Tua sangsikin Pasian in lungdamna-thu kem dinga a sansa mite bangin ka gen uh hi. Kote in mihing lungkimsak sawm loin kote lungtang hong entel pa Pasian lungkimsak ka sawmzaw uh hi.