Mark 10:21 - Zokam International Version

²¹ Jesu in amah enin it a, "Na khat na kisam lai hi. Pai-in, na neihsa khempeuh zuak inla mizawngte pia in. Tua hileh vantungah gou na nei ding hi. Tua khit ciangin hong pai inla kei hong zui in," a ci hi.

LAISIENGTHOU CL Bible (BSI)

²¹ Tuachi’n Jesu’n ama a en a, a itta a, akung ah, “Sil khat na sam nalai hi; pei inlen na neiteng zua inlen, mi zawngte kungah pie in, tuachi’n van ah gou na nei ding hi; tualeh hing pei inlen kross puo in hing zui in,” achi hi.

Zo Bible

²¹ Jesu in a et ciengin ama it a, “Na khat kisam lai teh; pei-in na neisa teng zua inlen tua sum teng mizawngte pie in, tua hile vantungah gou na nei ding hi; tua ciengin hing pei inlen ka nua ei zui in,” a ci hi.

Mark 10:21 ပူးပေါင်းရင်းမြစ်များ

Piancilna 34:19

A pa’ innkuan sunga a zahtak penpen uh tangvalpa in Jacob tanu ngai mahmah ahi manin amau cih banga hih ding baih sa hi.

Paunakte 23:23

Thutak lei inla zuak kei in; pilna, sektatna le theihtelna ngah in.

Matthew 16:24

Tua ciangin Jesu in a nungzuite kiangah, "Mi khatpeuh in ka nung hong zuih ding leh amah le amah kinialin, ama singlamteh kisuanin hong zuih pelmawh kul hi.

Matthew 19:21

Jesu in, "Na hoihkim nop leh pai-in, na neihsa khempeuh zuak inla mizawngte na pia in. Tua hileh vantungah gou na nei ding hi. Tua khit ciangin hong pai inla ka nung hong zui in," ci-in a dawng kik hi.

Mark 10:22

Hih thu hangin tuapa a mai a mual hi. Amah hau mahmah ahi manin lungsi dedu in a paikhia hi.

Mark 8:34

Tua ciangin a nungzuite le mihonpite ama kiangah sama, "Mi khatpeuh in ka nung hong zuih nop leh pel loin amah le mah kinialin, ama singlamteh kisuanin hong zui ding hi.

Luke 10:42

Ahi hangin a kisam na khat bek a om hi. a Mary in a hoihzaw pen tel khin zo a, tua pen ama tung pan a kilakhia nawn kei ding hi," ci-in a dawng hi.

Luke 12:33

Na neihsate uh zuak unla mizawngte na pia un. A patvang thei lo sumbawm no le no na kiguan unla, a bei thei lo, gutate in a naih theih loh le nget nek theih lohna mun vantungah na gou uh khol un.

Luke 16:9

Ken kong geninah, leitung hauhnate lawm ngah nadingin na zang un; tua hileh a bei ciangin tawntung tenna ah note hong kimuak ding hi.

Luke 18:22

Jesu in hih thu a zak ciangin ama kiangah, "Na khat na samlai hi. Na neihsa khempeuh zuak inla, mizawngte pia in. Tua hileh vantungah gou na nei ding hi. Tua khit ciangin hong pai-in kei hong zui in," a ci hi.

Luke 19:41

Jerusalem a tun kuan uh tua khuapi a muh ciangin amah in kah a,

Luke 9:23

Tua ciangin amah in amaute khempeuh kiangah, "Mi khatpeuh in ka nung hong zuih nop leh amah leh amah kinial pelmawh dinga nisimin ama singlamteh kisuanin hong zuih kul hi.

John 12:26

Ka na a sem peuhmah in kei hong zuih pelmawh kul-a, kei omna ah ka nasempa zong a om ding hi. Ka na a sem mi peuhmah ka Pa in a pahtawi ding hi.

John 16:33

Note in kei sungah lungnopna na ngah nadingun hih thute kong gen khin ta hi. Hih leitung ah note na lungmang ding uh hi. Ahi hangin kilungkhauhsak un! Leitung ka zo zo hi," a ci hi.

Nasepte 2:45

A neihsate uh le a vante uh zuakin mi khatpeuh a kisapna bangbangin a pia uh hi.

2 Corinth-te 12:15

Tua ahi ciangin note adingin ka neihsa khempeuh lungdamtakin pia-in kei mahmah nangawn ka kizang nuam hi. Ken note kong it semsem leh note in kei hong it lo semsem ding na hi uh hiam?

2 Timothy 3:12

A taktakin Christ Jesu sunga pasian-mina tawh a nungta nuam mi peuhmah kibawlsia dinga,

Hebrews 10:34

Thong sunga kiate na khasiat uh a, na neih na lamte uh hong laksakna uh zong lungnuamtakin na sang uh hi, bang hang hiam cih leh note mahmah in no adingin a hoihzaw le a tozaw neihsa na nei uh cih na thei uh hi.

James 2:10

Ahang in, thukham a buppi-in zui napi, thu khat kia-a, a muktute a vekin a palsat khin a suak hi.

Kilaakna 2:14

Ahi hangin kong mawhsakna tawm no a om hi: Milim thoihna ante nek ding ahi zongin numei-pasal paktat ding ahi zongin, a hih dinga Israel-te khem dingin Balak in a hilh Balaam thuhilhna a zui mi pawlkhat na nei hi.

Kilaakna 2:20

Ahi zongin nang tungah hih mawh sakna kong nei hi: Amah le amah kamsang a kici numei Jezebel na thuak zo uh hi. Ama hilhna in ka nasemte, numei-pasal paktatna le milim thoihna anneknate ah a makaih khial hi.

Kilaakna 2:4

Tua hi napi kong mawhsakna om veve hi: Na itna masa pen na nusia hi.