Malachi 2:7 - Zokam International Version

⁷ Siampipa kam in theihna a kep kula a mukpanin mite in hilhna a zong ding uh hi - bang hang hiam cih leh amah Thahatpen TOPA thupuakpa ahi hi.

LAISIENGTHOU CL Bible (BSI)

⁷ Aziehpen siempute muh in theina akep ding ahi a, tualeh miten akam apat dan asui dinguh ahi, aziehpen ama galkapte Mangpa thupopa ahi.

Zo Bible

⁷ Bangzieh ahei cile siempu pa’ kam in theina a kep kul a, Vanglien Topa’ kamtaipa ahi ziehin mite in ama’ kam panin thuhilna a sui ding uh ahi hi.

Malachi 2:7 ပူးပေါင်းရင်းမြစ်များ

2 Kumpite 16:11

Tua ciangin siampi Uriah in Kumpi Ahaz in Damascus pana a bawl ding zia a khak tawh kibangin biakna-tau khat dawh a, Kumpi Ahaz a ciah ma-in a zo hi.

2 Kumpite 16:16

Tuateh siampi Uriah in Kumpi Ahaz thupiak bang tektekin a sem hi.

2 Khangthute 30:22

Hezekiah in TOPA nasepna hoihtaka a lak thei Levi-te khempeuh tungah hanthawnna kam a gen hi. Tua ni sagihte sung teng amaute in amau tanh dinga kiseh ciat ne uh a, kilawmtakna biaknate c pia-in TOPA a pate uh Pasian a phat uh hi.

2 Khangthute 31:4

TOPA Thukham ah siampite le Levi-te amau le amau a ki-ap theih naidngun Jerusalem a teng mite in amau ngah dinga kilawm zah a piak nadingun thu a pia hi.

Ezra 7:10

Ahang in, TOPA Thukham sin ding, tang ding, ama thukipte le thukhamte Israel-te laka hilh dingin amah a kipia khin zo hi.

Ezra 7:25

Tuateh nang Ezra in nangma neihsa na Pasian pilna tawh kizui-in, Euphrates-Gal a om mite na Pasian thukham a thei khempeuh, thutanga a uk ding thu vaihawmte le thukhente seh in. A thei lote na hilh ding hi.

Paunakte 5:2

tua hileh kidop na siam dinga, na muk in theihna a kem thei ding hi.

Thuhilhna 5:5

Kiciamna tangtungsak loh sangin, kiciam loh hoihzaw hi.

Isaiah 42:19

Ka nasempa lo kua mittaw a, kamtai-a ka sawlpa bangin kua bilngong ahi hiam? Kei tunga hong kiciampa bangin kua mittaw a, TOPA’ nasempa bangin kua mit taw ahi hiam?

Isaiah 44:26

a nasemte kammalte semkhia in, a kamtaite thugente a tangtungsakpa, Jerusalem tungah ‘Mi hong teng ding hi’ ci a, Judah khuapite tungah, ‘Amaute kilam ta ding hi,’ ci a, tuateh tua a siasate, ‘A ngei ka bangsak ding hi,’ a cipa,

Jeremiah 15:19

Tua ahi ciangin TOPA gen ahi hi: "Na kisik kik leh ka na na sep theih nadingin na omna ngei ah kong omsak ding hi; nang in a man nei thu genin a man nei lo thu na gen kei leh ka thugenpa na suak ding hi. Hih mite nang lamah kiheisak inla, amau lamah nang kihei peuhmah kei in.

Jeremiah 18:18

Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Jeremiah 2:8

Siampite in ‘TOPA koi-ah om hiam?’ ci-in a dong beek kei uh hi. Thukham zangte in kei hong thei lo uh a, makaite in kei hong lehdo uh hi. Kamsangte in Baal minin thu gen uh a, kimanna a nei lo milimte a zuizui uh hi.

Ezekiel 22:26

A siampite un ka thukham ngawhbawl uh a, a siangtho ka vante a buahsak uh hi; a siangtho vante le van mawkmawkte a khen kei uh hi; anin asiang cih a om tuan kei hi, ci-in hilh uh hi. Amaute lakah ka min dai theih nadingin ka Sabbath-te a tan ding uh a kitheihmawhbawl uh hi.

Ezekiel 7:26

Tuahsiatna khat khit khat tung dinga, kam lengsawn khat khit khat a tung ding hi. Amaute in kamsangte panin mangmuhna ngah ding hanciam ding uh hi; siampite in thukham a hilhzia ding uh thei loin, upate in thu kidongte a dawng thei kei ding uh hi.

Daniel 11:33

"A pilte in tampi thuhilh ding uh a, ahi zongin tawlkhat sung amaute namsau ahikeh meikihal ahikeh kiman ahikeh galmatin a kikai ding hi.

Hosea 4:6

keima mite theihna neihlohna hanga kisia ahi hi. "Theihna nial na hi manun ka siampite dingin kong nial hi; Pasian thukham thusim lo na hi manun kei zong na tate uh ka thusim kei ding hi.

Siampi Laibu 10:11

Moses tawna TOPA in amaute a piaksa thukipte khempeuh Israel-te na hilh ding uh hi" a ci hi.

Zephaniah 3:4

A kamsangte uh ki-uangsakin zuautat mi hi uh hi. A siampite in mun siangtho thanghuaisak uh a, thukham tungah a ngongtat uh hi.

Haggai 1:13

Tua ciangin TOPA kamtaipa Haggai in mite tungah hih TOPA thugente puaka TOPA in, "‘Note kong ompih hi,’ ci hi," a ci hi.

Zechariah 7:3

Thahatpen TOPA inn a siampite le kamsangte kiangah, "Kum tampi sung ka hihsa bangin a kha ngana sung an tangin thum lai ding ka hi uh hiam?" ci-in dongsak uh hi.

Malachi 3:1

"En un ka lampi a sial dingin ka mai-ah ka kamtaipa ka sawl ding hi. Tua khitphetin na zonzon uh Topa a biakinnpi ah hong pai ding hi. Na lunggulh uh thukhun kamtaipa hong pai ding hi," Thahatpen TOPA in a ci hi.

Misimna 27:21

Amah siampi Eleazar mai-ah dingin tuapa in TOPA mai-ah Urim thudotna tawh thukhensatna a dong ding hi. Ama thupiaksa-in amah le Israel mipi bup pusuak ding uh a, ama thupiaksa mahin a sungtum ding uh hi," a ci hi.

John 13:20

Thutak kong geninah, ka sawl mi khatpeuh a sang peuhmah, kei hong sang ahi hi; kei hong sang peuhmah, kei hong sawlpa a sang ahi hi," a ci hi.

John 20:21

Jesu in, "Note tawh Lemna, om ta hen! Pa in kei hong sawl bangin note kong sawl hi," a ci leuleu hi.

Nasepte 16:17

Hih numeino in Paul le ko adangte hong zui a, "Na suahtak nading uh lampi hong gen hih mite Sang pen Pasian nasemte ahi uh hi," ci-in a kiko hi.

2 Corinth-te 5:20

Tua ahi manin kote tungtawnin Pasian in hih ngetna hong bawl bangin kote Christ palaite ka hi uh hi. Kote in Christ tangin: Pasian tawh kilemkik un, ci-in kong thum uh hi.

Galatia-te 4:14

Ka dam loh no adingin zia-etna a suah hangin simmawhna peuh kihna peuhin nong nei tuan kei uh hi. Tua sangsikin Pasian vansawltak mahmah, Christ Jesu mahmah bangin nong muak uh hi.

Thupiakkikna 21:5

TOPA note Pasian in amaute biakna na semin TOPA minin thupha pia-a, kitotna le kilaina khempeuh a vengsak dingin a teelsa ahi manin Levi tapa siampite a mai-ah madawk tuam ding uh hi.

Thupiakkikna 24:8

Phak b natna tawh kisai-in Levi siampite hong lamlah bang tektekin limtakin hih un. Amaute ka thupiak bangin note in na zui pelmawh ding uh hi.

1 THESSALONIKA 4:8

Tua ahi manin hih lamlahna a nialte, mihing nial hi loin note ama Khasiangtho hong pia Pasian nial ahi hi.

1 Samuel 2:17

Amaute g in TOPA tunga biakna kipiate simmawhbawl uh ahi manin TOPA muhna ah tua khangnote mawhna a lian mahmah hi.