Luke 9:26 - Zokam International Version

²⁶ Mi khatpeuh in keimah le ka thute a zumpih leh vantung misiangthote le Pasian minthanna le ama minthanna tawh Mihing Tapa hong pai ciangin ama hangin a maizum ding hi.

LAISIENGTHOU CL Bible (BSI)

²⁶ Koipou keima leh ka thute zumpi khu, Mihing Tapa in Ama thupina toh, a Pa thupina toh, vansawlsiengte thupina toh, ahing pei chiengin ahing zumpi ding hi.

Zo Bible

²⁶ Keima le ka thu ei zumpite, mihing Tapa in ama’ minthanna, a Pa’ minthanna le vantung misiengthote’ minthanna tawh ang pei ciengin tuapa a zumpi ding hi.

Luke 9:26 ပူးပေါင်းရင်းမြစ်များ

Isaiah 53:3

Mihingte in amah simmawhin nial uh a, dahna thuak mipa le haksatna thei mipa ahi hi. Mite in mu nuam loin a mai uh a humsan mipa bangin amah kisimmawh a, eite in zong i thusim tuan kei hi.

Daniel 7:10

Meikuang gunpi luanga, ama mai pana luang ahi hi. Tul tampi mun tul tampite in ama na a sem uh hi; Tul sawm mun tul sawmte a mai-ah ding uh hi. Thukhen zum ah kitu a, tua ciangin laibute a kilem hi.

Matthew 16:27

Ahang in, Mihing Tapa ama vansawl takte tawh a Pa minthanna kengin hong pai ding hi. Tua ciangin mi khempeuh in amau sepna tawh kizui-in pahtakman a sang ciat ding uh hi.

Matthew 25:31

"Mihing Tapa Vansawltakte khempeuh tawh ama minthanna tawh hong pai ciangin, vantung minthanna kumpi tokhom tungah hong tu ding hi.

Matthew 26:64

Jesu in, "Himah ing, na cih bangin ka hi hi. Ahi hangin note khempeuh kiangah kong gen hi: Mailam hunah Mihing Tapa, Thahat Pa’ taklamah tu-in meii tungah hong tuangsuk na mu ding uh hi," ci-in a dawng hi.

Mark 8:38

Hih angkawm le mawhdim khang mite hunah keimah le ka thu a zumpihte, Mihing Tapa in a Pa minthanna-in ama vansawltak siang thote tawh hong pai ciangin amaute a zumpih ding hi," a ci hi.

John 12:43

Ahang in, amaute in Pasian phatna sangin, mihing phatna a itzaw uh hi.

John 5:44

Note khat le khat kiphatna kisangin, Pasian khat bek b hong phatna ngah ding na sawm kei uh leh bangci up thei ding na hi uh hiam?

Nasepte 10:22

Tua mite in, "Zakhat-ukpa Cornelius kiang pana hong pai ka hi uh hi. Amah thumaanin Pasian kihta mi hi a, Jew mi khempeuh in a zahtak khat ahi hi. Vansawltak siangtho khat in ama kiangah, nang thu gena, amah in a zak theih nadingin ama kiangah nang hong sap dingin a gen hi," ci-in a dawng uh hi.

Rome-te 1:16

Tua lungdamna-thu a um mite peuhmah hotkhiat nadinga Pasian vangliatna ahi manin ka maizumpih kei hi; a masa in Jew mite, tua khit ciangin Gentile-te ading ahi hi.

2 Corinth-te 12:10

Tua hi a, thanemnate, simmawhnate, thuaksiatnate, bawl-siatnate, haksatnate sunga ka lung-nopna Christ hang ahi hi. Ahang in, ka thanem ciangin ka tha a khauh hi.

Galatia-te 6:14

Kei adingin leitung kikilhcip a, kei zong leitung adingin hong kilhcipna ahi tua a Topa Jesu singlamteh longal ka kisialhpih kei ding hi.

1 Timothy 5:21

Hih kong lamlahnate kuamah deidan lo, kuamah angvan tuan het loin na zat dingin Pasian le Christ Jesu le a kiteltuam vansawltakte mitmuhin nang kong suan hi.

2 Timothy 1:12

Tua thu hangin hih banga a thuak ka hi hi. Tua hi napi ka maizum kei hi; bang hang hiam cih leh ken ka up pa ka thei a, amah ka kepsakte tua ni adingin kem zo ding cih teltakin ka thei hi.

2 Timothy 2:12

eite in i thuak leh, amah tawh i uk khawm ding hi. Amah leh amah kinial thei lo ahi manin amah i nial leh, amah in zong eite hong nial ding hi;

Hebrews 11:26

Mailam ah pahtakman a san ding a etkholh manin Christ hanga maimawkna pen Egypt gam goute sangin manphazaw a sa hi.

Hebrews 13:13

Tua ahi ciangin ama thuak maimawkna thuak dingin giahphual pua ama kiangah pai ni.

Jude 1:14

Hih mite thu, Adam pana a sagihna pa Enoch in a na genkholhna-ah: "En un Topa, a misiangthote tul mun tul tampi tawh hong pai in,

Kilaakna 1:7

En un, meiipi tawh amah hong pai hi, mit khempeuh in amah mu dinga amah a sunlette nangawn in a mu ding uh hi; leitung a mite khempeuh ama hangin thum ding uh hi. Tua bang hi takpi ding hi! Amen.

Kilaakna 20:11

Tua ciangin alian akang kumpi tokhom le a tunga tupa ka mu hi. Ama mai-ah van le lei om nading mun om lo ahi manin a taimang hi.

Kilaakna 21:8

Ahi hangin a meidawite, a umlote, a tatsiate, tualthatte, numei le pasal paktatte, mi bumte, milim biate le zuauphuakte khempeuh - amaute mun ding, kaat kuang meilipi sung hi ding hi. Hih pen sihna nihna ahi hi," hong ci hi.

Kilaakna 3:5

A gualzopa in amaute tawh kibangin puanpak a silh ding hi. Nuntakna laibu panin a min ka phiat ngei kei dinga, ka Pa le ama vansawltakte mai-ah a min ka pulak zaw ding hi.