Luke 8:48 - Zokam International Version

⁴⁸ Tua ciangin amah in tuanu kiangah, "Ka tanu aw, na upna in nang hong damsak hi. Lungnuamin ciah in," a ci hi.

LAISIENGTHOU CL Bible (BSI)

⁴⁸ Tualeh Jesu’n akungah, “Tanu lungnuom tahin um in; na ginna in ahing damsahta hi, hamuong tah in peita’n,” achi hi.

Zo Bible

⁴⁸ Jesu in tua nu kungah, “Ka tanu aw, na upna in nang ang damsah zo ta hi; lungmuong tahin pei ta’n,” a ci hi.

Luke 8:48 ပူးပေါင်းရင်းမြစ်များ

2 Kumpite 5:19

Elisha in, "lungnuamtakin pai in," a ci hi. Naaman gamla khop a tun ciangin,

Paikhiatna 4:18

Tua ciangin a sungpa Jethro kiangah Moses pai-a, "Egypt a ka mipihte, amaute a nungta-in a om lai uh hiam, a en dingin hong ciahsak in," a ci hi. Jethro in, "Pai inla cidam ta un," a ci hi.

Matthew 12:20

Thutang a gualzawhsak mateng, satliamsa pumpeng kuaitan lo dinga, mei kuang liakliak a sumit kei ding hi.

Matthew 8:13

Tua ciangin Jesu in zakhat-ukpa kiangah, "Pai in. A piang dinga na up bangin piang ding hi," a ci hi. Tua hun lianin a nasempa a dam hi.

Matthew 9:2

Mi pawlkhat in pumzaw khat zawngin ama kiangah va paipih uh a, phek tungah a sial uh hi. Jesu in amau upna a muh ciangin pumzawpa kiangah, "Ka tapa aw, lungkhauh in; na mawhnate kimaisak zo hi," a ci hi.

Matthew 9:22

Jesu kihei-in tuanu a mu hi. Jesu in, "Ka tanu aw, lungkhauh in. Na upna in nang hong damsak zo hi," a ci hi. Tua hun liana kipan tua numei a dampah hi.

Mark 5:34

Amah in tuanu kiangah, "Ka tanu aw, na upna in nang hong damsak zo hi. Lungnuamin ciah inla, na thuakna pan suakta in," a ci hi.

Luke 17:19

Tua ciangin amah in tuapa kiangah, "Tho inla pai in; na upna in nang hong damsak zo hi," a ci hi.

Luke 18:42

Jesu in, "Khua mu ta in; na upna in nang hong damsak zo hi," a ci hi.

Luke 7:50

Jesu in numei kiangah, "Na upna in nang hong honkhia zo hi; lungnuamin ciah in," a ci hi.

Luke 8:47

Tua ciangin tuanu in amah kitheikhia veve ding cih a theih ciangin lingsa in va pai-a, Jesu khe phungah a bok hi. Mi khempeuh zakin, amah in bang hangin Jesu lawnga, bangci dampah lian cih thu a gen hi.

Nasepte 14:9

Paul a paupau laitakin amah in thu va ngai hi. Paul in amah tangtakin enin, dam nading upna a neih lam mu a,

2 Corinth-te 6:18

"Keimah note Pa ka hi dinga, note ka tanu ka tapate na hi ding uh hi. Thahatpen Topa in ci hi." f a cihsa ahi hi.

Hebrews 4:2

Ahang in, amaute zak bang tektekin eite kianga hong kihilh lungdamna-thu i za hi; ahi hangin a zate in upna tawh a gawmkhawm loh manin, amaute zaksa thupuak, amau adingin kimanna a nei kei hi. c

1 Samuel 1:17

Eli in, "Lungnuamin pai in, Israel Pasian in ama tunga na nget hong pia khin hi," ci-in a dawng hi.