Luke 8:29 - Zokam International Version

²⁹ Ahang in, Jesu in tuapa sung pan tua kha gilo b a paikhiat nadingin thu a pia hi. Tua kha gilo in tuapa tam veipi a man hi. A khut a khete sikkhainiang tawh khihin a cin uh hangin a sikkhainiangte peksatin tua dawi in amah gamdaih na munte ah a hawl hi.

LAISIENGTHOU CL Bible (BSI)

²⁹ Jesu’n dawibua khu tua mipa sunga kipat pawtkhe dingin thu ana peta hi. Tua mipa khu dawiin tamveipi amanta a, tualeh miten ama aveng zing ua, Khainieng leh kol abun sah ua, hinanleh aman akigahna kolte aphutan a, gamdai ah dawi delmangin a um zel hi.

Zo Bible

²⁹ Tam banga a kikona pen tua mipa sung panin hlabua a peikhiet nadingin Jesu in thu a pieh zieh ahi hi. (Azieh pen hlabua in tua mipa tamveipi tah man zo a, siakhau le siakol tawh kihenin a kicin vangin a kikhinate botsan a, tua dawi in ama gamlahah a delmang hi.)

Luke 8:29 ပူးပေါင်းရင်းမြစ်များ

Mark 5:8

Ahang in, Jesu in ama kiangah, "Kha gilo aw, hih pa sung pan paikhia in," a ci hi.

Luke 8:28

Amah in Jesu a muh ciangin kiko-a ama khe phungah bokin, "Sang Pen Pasian Tapa Jesu aw, kei bang hong cih nuam na hi hiam? Kei hong bawlsia kei in ci-in kong thum hi!" ci-in a aw neih zahin a kiko hi.

Luke 8:30

Jesu in ama kiangah, "Na min bang ahi hiam?" ci-in a dong hi. Amah in a sungah dawi tampi om ahi ciangin, "Legion hi," ci-in a dawng hi.

Luke 9:39

Amah kha khat in mana, thakhat khatin a kiko zakzak hi. Tua kha in amah kisatsak gawp a, a kam panin cilphuan a bua hi. Tua kha in amah nusiat hun nei lo phiala, a susia gawp ding hi ta hi.

Luke 9:42

Tua naupang a paipih laitak nangawnin dawi in leitualah tuksak-a a kisatsak gawp hi. Ahi hangin Jesu in tua kha gilo a tai-a tua naupang a damsak khit ciangin a pa a pia kik hi.