Luke 8:24 - Zokam International Version

²⁴ Nungzuite pai-in, "Topa, Topa, tui a kia petmah ding hi ta ung!" ci-in a phong uh hi. Amah tho-in huih le tuihual kinuai a tai ciangin huihpi daipah in a sippah dide hi.

LAISIENGTHOU CL Bible (BSI)

²⁴ Tuachi’n akungah ahing pei ua, aphawng ua, “Siepa, Siepa, mangthang ding ka hita uh” achi uhi. Tuachi’n Ama ahing thou a, huipi leh tui kihot khu aphawhta a, tuachi’n atawp ua tualeh asipta uhi.

Zo Bible

²⁴ Ama kungah amate pei-in a phong vua, “Mangpa, Mangpa, a si sieng ding hi tai!,” ci-in a kiko uhi. Tuale ama zong tho-in huipi le tuihuolpite a hosie hi; tuate khawlin a dai dide pai hi.

Luke 8:24 ပူးပေါင်းရင်းမြစ်များ

Phatna-late 65:7

tuipi hawk lai le tuihual hawkte a daisakpa, minamte pumbuaina a daisakpa in a lauhuai thumaana na nasepna-in ko nong dawng hi.

Isaiah 50:2

Kong pai ciangin bang hangin mi khat beek om lo ahi hiam? Kong sap ciangin bang hangin hong dawng khat beek om lo ahi hiam? Nang hong tan zo lo dingin ka ban tom lua ahi hiam? Nang hong hu zo lo dingin thahatna nei lo ka hi hiam? Khatvei tai ziau leng tuipi ka keusak a, gunte sehnel-gam suakin; tui om loh manin a sunga ngasate dangtakin si uh a, a uih uh hi.

Jeremiah 5:22

Kei hong kihta lo ding na hi uh hiam? TOPA in cikhia hi, "Ka mai-ah ling lo ding na hi uh hiam? Tuipi gamgi dingin sehnel ka bawl a, a kantan theih loh dingin, dai-a kimang den ding ahi hi. Tuihualte a kilok hangin phukhia zo lo uh a; a hawk uh hangin a kantan thei kei uh hi.

Nahum 1:4

Amah in tuipi tai-a keucip hi; amah in gunte khempeuh a kangsak hi. Bashan le Carmel-te keugaw in Lebanon pakpalhte a vul hi.

Matthew 14:30

Ahi hangin huihpi a muh ciangin lau-in tumsuk dektak a, "Topa hong hon ou," ci-in a awng khia zal hi.

Matthew 8:25

Nungzuite pai-in, "Topa, hong honkhia in! Tui ka kia petmah uh hi!" ci-in a phong uh hi.

Mark 4:39

Amah tho a huih tai-in tuihualte kiangah, "Dai un! Tang kei un!" a ci hi. Tua ciangin huih nung khawla, tui sippahin a dai dide hi.

Luke 4:35

Jesu in khauhtakin, "Pau kei in! Ama sung pan paikhia in," ci-in a sawl hi. Tua ciangin dawi in amaute khempeuh mai-ah tuapa a puksak khit ciangin amah liamsak loin a paikhia hi.

Luke 4:39

Tua ahi ciangin tuanu tungah kun a, nattun natna a tai leh a natna in amah nusiapah hi. Amah tho in amaute a zindo hi.

Luke 5:5

Simon in, "Topa aw, zan thapai-in khuhkhuh napi bangmah ka man kei uh hi. Ahi zongin nang cih ahi manin len ka khiasuk ding hi," a ci hi.

Luke 8:25

Amah in a nungzuite kiangah, "Na upna uh koi-ah om hiam?" ci-in a dong hi. Amaute in lau kawm lamdang sa mahmah kawmin, "Hih pa kua hiam? Thu a piak ciangin huih le tui nangawn in ama thu mang uh hi," a kici uh hi.