Luke 7:38 - Zokam International Version

³⁸ Jesu nunglam a khe phungah kap kawmin dinga a khitui in Jesu khepekte a kawtsak hi. Tua khit ciangin a samin nul-a, namin a sathau namtui a buak hi.

LAISIENGTHOU CL Bible (BSI)

³⁸ Anualang ah akengbul ah kap kawmin adinga akephangte ahitui in asawp pieh a, asam in asia a, akephang atawp a, thau namtui anu hi.

Zo Bible

³⁸ A nualam a keng phungah tua nu dingin kap a, a hlitui tawh a keng silpiehin, a sam tawh a nawtgumpieh hi. Tua ciengin a keng namin sathau a nupieh hi.

Luke 7:38 ပူးပေါင်းရင်းမြစ်များ

Piancilna 18:4

Tui tawm i lasak dinga na khe uh silin hih sing nuai-ah na khawl phot ding uh hi.

Ezra 10:1

Ezra in thu ngena mawhna pulaakin kap-a Pasian inn mai-ah a kilot laulau laitakin Israel mipi tampitak - numei pasal le naupangte - a kimkotah a kikhawm uh hi. Amaute zong kah cihtakin a kap uh hi.

Phatna-late 38:18

Ka khialhna ka pulak a; ka mawhna in hong lungkhamsak hi.

Phatna-late 51:17

Pasian biaknate e ka biakpiakna in ahileh a tamkham lungsim ahi hi; Pasian aw, a kitamkham lungtang kisikna na nolh kei ding hi.

Thuhilhna 9:8

Puanpak silh den inla na lu sathau nilh tawntung in.

Zailate’ Zaila 1:3

Na duang zunna gimsi nam in duangtham zen e, na sakmin theibang ka lawh leh paknamtui gimsi hong laang ve e. Lianute’n mubang hong ngaih mah ding hi e!

Isaiah 57:9

Olive thau kengin Molech a ah na pai a, na paknamtuite na kinuh phapha hi. Na tangmite b gamlapi ah na sawl a, hankhuk c dongah na tuaksuk hi!

Isaiah 61:3

Zion-a om a dahte huhin - amau lutungah vut tangin kumpi lukhu a khusak ding, thumna tangin nuamna sathau, le lungkiatna kha tangin phatna puan a pia dingin kei hong sawl zo hi. ama thupina a kilat nadingin amaute, TOPA suansa thumaanna tehno kungte, kici ding hi.

Jeremiah 31:9

Amaute kap kawmin hong pai ding uh a; amaute ka puak kik kawmin thu a ngen ding uh hi. Tui omna lui gei-ah amaute ka pi dinga lam sialsa totpihin amaute a tuk kei ding uh hi; bang hang hiam cih leh Israel-te’ pa ka hi a, Ephraim ka tapa upapen ahi hi.

Joel 2:12

Tu nangawnin TOPA in, ‘Lungsimtakpi-in kisik unla, an tangin kap unla thumin kei hong zuan kik un,’ cikhia hi.

Zechariah 12:10

Tua ciangin David innkuante le Jerusalem a tengte tungah hehpihna le ngetnopna kha a ka sungkhia ding hi. Amaute in a sutletpa uh kei hong en b in a tapa neihsun kah bangin kap ding uh a, a tapa masapen hanga a dah mahmah bangin ama adingin dah ding uh hi.

Matthew 5:4

A dahte thupha ngah ahi hi, ahang in, amaute a kihehnem ding hi.

Luke 22:62

Tua ciangin amah a pualam ah pusuak a kah cihtakin a kap hi.

Luke 6:21

Tu laitaka gilkial note thupha ngah na hi uh hi, ahang in, hong kivak kham ding hi. Tu laitaka kap note thupha ngah na hi uh hi, ahang in, na nui ding uh hi.

Luke 7:37

Jesu in tua Pharisee-pa inn-a an a nek lam mawhna a bawl ngitnget tua khua-a numei khat in a theih ciangin sathau namtui suangngo thawl khat tawi a,

Luke 7:39

Amah a sam Pharisee-pa in a muh ciangin, "Hih pa kamsang ahileh amah a lawng kua hi-a hih nu bangci numei hi-in, mawhnei khat ahilam a thei ding hi," amah le amah a kici hi.

John 11:2

Hih a cina pa sanggamnu Mary pen, Topa tunga sathau namtui sunga a khepekte a sama a nulsaknu mah ahi hi.

James 4:9

Lunggimin, thumin, kapkap un. Na nuihna uh thumna suaksak unla, na nuamna uh maigumna suaksak un.