Luke 7:13 - Zokam International Version

¹³ Topa in tuanu a muh ciangin khasiat mahmah ahi manin, "Kap nawn kei in," a ci hi.

LAISIENGTHOU CL Bible (BSI)

¹³ Mangpa’n meithainu a mutahin ahepita mama a, “Kap sin” achi hi.

Zo Bible

¹³ Topa in tua nu a mu bepin a khuotuo nah mama a, ama kungah, “Kap sin,” a ci hi.

Luke 7:13 ပူးပေါင်းရင်းမြစ်များ

Phatna-late 103:13

Pa khat in a tate a khuatuah bangin TOPA in amah a kihtate a khuatuah hi;

Phatna-late 86:15

Ahi hangin Topa aw, nang a khuatuah thei le a hehpih siam, heh baih loin, itna le muanhuaina dim Pasian na hi hi.

Phatna-late 86:5

Topa aw, nang hoihin mawhna na maisak a, nang hong samte khempeuh tungah itna kicing na nei hi.

Isaiah 63:9

Amaute lungdonna khempeuh lungdonpih a, ama ompihna vansawltak in amaute a hon hi. Ama itna le a lainatna hangin amaute tankhia a; amaute laamtoin tanglai nite khempeuh ah a tonpih den hi.

Jeremiah 31:20

Ka it ka tapa Ephraim aw, ka lungkimna ta hi lo na hi hiam? Amah ka langgen zongin ka phawk veve hi. Tua ahi ciangin ama ading ka deihsak lua a; amah ka khuatuahna lian mahmah hi," TOPA in cikhia hi.

Mark 8:2

"Hih mite ka khuatuah hi. Kei kianga hong om zawh uh ni thum tak pha khin ta-a, a nek ding uh bangmah a nei kei uh hi.

Luke 10:1

Tua khit ciangin Topa in adang sawmsagih le nihte d sehkhia-in ama pai nading mun le khua lian khempeuhah, ama mai-ah nihta in a sawlkhia hi.

Luke 11:1

Ni khat Jesu in mun khatah thu a ngen hi. A thunget a man khit ciangin a nungzuite khat in ama kiangah, "Topa aw, John in ama nungzuite thungetzia ding a hilh bangin kote zong hong hilh in," a ci hi.

Luke 11:39

Tua ciangin Topa in ama kiangah, "Ahileh no Pharisee-te in hai le kuangte a pualam na silsiang uh hangin na sunglam uh huaihamna le tatsiatna tawh a kidim hi.

Luke 12:42

Topa in, "Tua ahileh ama inn sunga nasem dangte ukin, amaute a hunhuna an a pia dinga a pu in a koih, a muanhuai a pil sungtapipa kua ahi hiam?

Luke 13:15

Topa in tuapa kiangah, "No kineihsiamte, Sabbath ni-in na bawngte na laate uh a buk pan sutin nomau ciat in tui pia dingin paipih hi lo na hi uh hiam?

Luke 17:5

Sawltakpite in Topa kiangah, "Ka upna uh hong khangsak in," a ci uh hi.

Luke 17:6

Amah in, "Note in ankam tang cia-a neu upna na neih uh leh hih nailung ankung kiangah, ‘Kizunglot inla, tuipi sungah va po in,’ ci le uh cin na thu uh hong mang ding hi.

Luke 18:6

Tua ciangin Topa in, "A thutang lo tua thukhenpa gente ngaihsun dih un.

Luke 19:8

Ahi hangin Zacchaeus dingto a Topa kiangah, "Topa, en in! Hih lai-ah tu mahmah in ka neihsa alang mizawngte ka pia hi. Mi khatpeuh khemin ama neihsa ka laksak leh a zah li-in ka din kik ding hi," a ci hi.

Luke 22:61

Topa kihei a tangtakin Peter a en hi. Tua ciangin Peter in Jesu in ama tunga, "Tuni ak khuan ma-in thumvei nong kitheihmawhbawl ding hi," ci-a a gen a phawk hi.

Luke 24:3

Ahi hangin a sungah a lut uh leh Topa Jesu luang a mu kei uh hi.

Luke 24:34

"Hi takpi! Topa tho kik zo a Simon kiangah kilang hi," ci-in a gen laitak uh a tuak uh hi.

Luke 7:12

Amah tua khuapi kongpi a tun kuan ciangin meigongnu khat tapa khat neihsun a sisa in a kizawngkhia hi. Tua khuapi panin mihonpi in tua meigongnu a zui uh hi.

Luke 7:14

Tua ciangin va naih a hankuang zawngte a dinkhawl uh hi. Amah in, "Tangvalpa aw, tho in kong ci hi!" a ci hi.

Luke 7:19

Topa kiangah, "Hong pai ding pa mah na hi hiam? Midang ka na lamen lai ding uh hiam?" cih a dong dingin a sawl hi.

Luke 8:52

Tua kawmkalin mi khempeuh amah kahin a taamlo uh hi. Jesu in, "Tawp dih un, amah a si hi loin a ihmu ahi hi," a ci hi.

John 11:2

Hih a cina pa sanggamnu Mary pen, Topa tunga sathau namtui sunga a khepekte a sama a nulsaknu mah ahi hi.

John 11:3

Tua ciangin a sanggam numeite in Jesu kiangah, "Topa aw, na itpa cina hi," ci-in kam a vaikhak uh hi.

John 20:13

Amaute in, "Numei aw, bang dinga kap na hi hiam?" ci-in a dong uh hi. Tuanu in, "Ka Topa lakhiamang uh a, koi-ah koih uh hiam, ka thei kei hi," a ci hi.

John 20:15

Amah in, "Numei aw, bang dinga kap na hi hiam? Kua zong na hi hiam?" a ci hi. Tuanu in huan neipa sa a, "Sia aw, amah na puakkhiat mang ahileh koi-ah koih na hi hiam, hong gen in, ken ka la kik nuam hi," a ci hi.

John 4:1

John sangin Jesu in nungzui tam ngahzaw, tam baptise zaw hi, ci-in Pharisee-te in a za uh hi.

John 6:23

Tua ciangin Tiberias pan gunkuang pawlkhat va pai-a, Topa in lungdam a koh khit ciangin anlum a nekna mun kiang uh, mun khatah a khawlsak uh hi.

1 Corinth-te 7:30

A kapte a kap lo bangin om uh hen. A lungdamte a lungdam lo bangin om uh hen; na khatpeuh a leite amau ading ahi lo bangin om uh hen.

1 THESSALONIKA 4:13

Sanggamte aw, a ihmusa mite thu thei lo-a na om ding uh le lametna a nei lo midangte dah banga na dah ding uh ka deih kei uh hi.

Hebrews 2:17

Hih thu hangin Pasian na a sepna sungah mi lainat siam le a muanhuai tulpi a suah nading le mite mawhnate thoihdamna a bawl theih nadingin g lam khempeuh ah a sanggamte mah bangin hong suah ding mah ahi hi.

Hebrews 4:15

Ahang in, eite zawn khalna hong thuakpih thei lo tulpi nei i hi kei hi; ahi hangin eite thuak mah bangin zia-etna a pawlpawl a thuak ngei, ahi hanga mawhna a nei lo tulpi khat i nei hi.

Thukhente 10:16

Tua ciangin amaute laka a pasiante uh paikhia-in TOPA’ na a sem uh hi. Tuateh amah in Israel’ gimthuakna a thuakzo nawn kei hi.