Luke 6:38 - Zokam International Version

³⁸ Pia un, no zong hong kipia ding hi. No tehna dimvum tham lo kinengcipin kitattat-a, a dimletin na anguah hong kisung ding hi. Ahang in, note zat tehna tawh no ading hong kitehsak ding hi," a ci hi.

LAISIENGTHOU CL Bible (BSI)

³⁸ Pia un, tuachi’n pieh in na um ding uh, hoitaha tein, namdet inlen, loh thopin, tuachi’n adimlet in na angsung uah pieh in na um ding uhi. Aziehpen na tena mama un ahing kitepieh ding hi,” achi hi.

Zo Bible

³⁸ pie un, ang kipie ding hi. A tena hoi, a kibetlawt, a kitawkhet, le a dimletin na kang sung vuah ang kisung ding hi; azieh pen na te zaza ma uh na ngakia ding uhi.

Luke 6:38 ပူးပေါင်းရင်းမြစ်များ

2 Samuel 19:36

Na nasempa in Jordan gal tomkha kong zui lai ding hi; ahi hangin kumpipa in tua banga pahtakman hong pia laizang ding na hi hiam?

Esther 7:10

Tua ciangin Mordecai khai nadinga kibawl gui-awk khuampi tungah amaute in Haman a khai uh hi. Tua ciangin kumpipa hehna a daituam hi.

Esther 9:25

Ahi hangin tua sawmsimna kumpipa tung a tun ciangin a Haman in Jew-te tungah gitloh a sawmnate ama lutungah lehtuksakin amah le a tapate gui-awk khuam tungah kikhai hen ci-in lai gelh-a, a hawmkhia hi.

Job 42:11

A sanggamnu a sanggampate le amah a theisate khempeuh pai uh a, a inn ah an a ne uh hi. Amaute in TOPA in ama tunga a tunsak lungkhamnate hangin hehnemin gen pihpih uh a, ngun a peek khat le kham zungbuh khat ciat a pia uh hi.

Phatna-late 79:12

Topa aw, nang tunga mawhsakna hong tutte uh, a zah sagihin ka vengte uh ang denna in.

Paikhiatna 21:24

mit tangin mit, ha tangin ha, khut tangin khut, khe tangin khe,

Paunakte 10:22

TOPA thupha in hauhna tun a, lunghimawhna a behlap kei hi.

Paunakte 19:17

Mizawngte tunga migite TOPA a leitawisak hi-a, ama sepsa hangin pahtakman a pia ding hi.

Paunakte 22:9

A hawmsem mi in mizawngte a an hawm ahi manin amah thupha kipia a suak hi.

Jeremiah 32:18

Tul tampite tungah na itna na lah hangin pate mawhnate amau nunga a tate uh tungah dan na thuaksak hi. A lian mahmah vanglian Pasian aw, na min Thahatpen TOPA hi a,

Matthew 10:42

Thutak kong geninah, hih naupangnote lakah khat peuhpeuh keima nungzui ahi mana tuisik hai khat a suah peuhmah in ama pahtakman a taan peuhmah kei ding hi," a ci hi.

Matthew 7:2

Midangte tunga na khen bangun no tungah zong hong kikhen dinga, no zat tehna mah tawh no aa zong hong kitehsak ding hi.

Mark 4:24

Amah in, "Na zakte uh limtakin ngaihsun un. Midangte aa na tehna uh tawh no aa zong hong kitehsak tham loin a tamzaw in hong kiteh kik ding hi.

Luke 6:30

Hong ngente khempeuh na pia inla, na neihsa hong laksak peuhpeuh kiangah bangmah na ngen kik kei in.

Thupiakkikna 15:10

Ama tungah cingh in pia ziahziah inla lungsit pi-in pia kei in; tua hangin TOPA note Pasian in na sepna khempeuh le na khut suak peuhmah ah nang thupha hong pia ding hi.

James 2:13

Bang hang hiam cih leh lainatna a nei lo mi peuhmah tungah lainatna om loin thu a kikhen ding hi. Thukhenna tungah lainatna a gualzo hi.

Thukhente 1:7

Tua ciangin Adoni-Bezek in, "A khutpite le a khepite a kitansak kumpi sawm sagihte in ka sabuai nuai-a anneng a tawm uh hi. Tu-in amaute ka bawlna Pasian in kei tung hong thuk kik hi," a ci hi. Amah Jerusalem ah puak uh a, tua lai-ah a si hi.