Luke 5:30 - Zokam International Version

³⁰ Ahi hangin Pharisee-te le amau pawlmi thukham siate in a nungzuite kiangah, "Bang hangin note in siahdongte le ‘mawhneite’ tawh nekhawm dawnkhawm na hi uh hiam?" ci-in a phunsan uh hi.

LAISIENGTHOU CL Bible (BSI)

³⁰ Hinanleh alaigielmite u’leh Pharisaite khu anuazuite tungah aphun ua, “Bangdinga siedongmite leh mikhielte toh ne a dawn khawm nahi uoi?” achi uhi.

Zo Bible

³⁰ Pharisee-te le thukham hil a siete un a nuazuite kungah, “Bang dinga siehdongte le mawneite tawh neton dawnton na hi uh ahei? ci-in a mawsiet uhi.

Luke 5:30 ပူးပေါင်းရင်းမြစ်များ

Isaiah 65:5

‘Nang a dingin siangtho lua ka hih manin kihemkhia inla, hong neh kei in!’ a ci mite ahi uh hi. Tua bang mite ka nak vang sungah meikhu hi uh a, sun niloh a kuang den mei ahi uh hi.

Matthew 5:46

Hong itte bek na it uh leh bang pahtakman ngah ding na hi uh hiam? Siahdongte nangawn in tua bangin hih uh hi lo ahi hiam?

Matthew 9:11

Pharisee-te in hih a muh ciangin, "Na siapa un bang hangin siahdongte le mawhneite tawh ankuang umkhawm ahi hiam?" ci-in a nungzuite a dong uh hi.

Mark 2:16

Thukham sia ahi Pharisee-te in "mawhneite" le siahdongte tawh an a nekkhawm a muh uh ciangin, "Amah in bang hangin siahdongte le "mawhneite" tawh ankuang umkhawm ahi hiam?" ci-in a nungzuite kiangah a dong uh hi.

Mark 7:3

(Pharisee-te le Jew-te khempeuh in upate tang ngeinate a kipletna un a ngeina bangin khut sil masa loin an a ne kei uh hi.

Mark 9:16

Amah in, "Amaute tawh bang thu kinialnial na hi uh hiam?" ci-in a dong hi.

Luke 18:11

Pharisee-pa dingto a, ama thu e amahmah in ngena, ‘Pasian aw, keimah midangte khempeuh - misuamte, a kheltatte, angkawmte tham lo hih siahdongpa bang hi lo ka hi manin na tungah ka lungdam hi.

Luke 19:7

Mipite khempeuh in hih thu a muh uh ciangin, "Amah ‘mawhneipa’ inn ah zin tung dingin pai tazen hi," ci-in a phun uh hi.

Luke 5:17

Ni khat Jesu in thu a hilh laitakin Galilee gam khuaneu khempeuh pan, Judea le Jerusalem pana pai Pharisee-te le thukham siate tua lai-ah a tu uh hi. Cinate a damsak nading Topa vangliatna ama adingin a om hi.

Luke 5:21

Pharisee-te le thukham siate in, "Pasian a gendai hih mipa kua ahi hiam? Pasian longal kua in mawhna maisak thei ahi hiam?" ci-in a ngaihsun uh hi.

Luke 7:34

Mihing Tapa hong pai ciangin ne-in dawna, ‘An hai zu haipa, siahdongte le "mawhneite" lawmpa hi,’ na ci zel uh hi.

Luke 7:39

Amah a sam Pharisee-pa in a muh ciangin, "Hih pa kamsang ahileh amah a lawng kua hi-a hih nu bangci numei hi-in, mawhnei khat ahilam a thei ding hi," amah le amah a kici hi.

Nasepte 23:9

Mihonpi buaina lianpi pianga, thu kham sia ahi Pharisee-te pawlkhat dingin nakpitakin sel uh a, "Hih mipa a tat khialhna bangmah ka mu kei uh hi. Vansawltak khatpeuh, kha khatpeuh in ama tungah thu gen hileh eite in bang lawh ding!" a ci uh hi.