Luke 4:18 - Zokam International Version

¹⁸ "Mizawngte tunga lungdamna-thu hilh dingin keimah sathau hong nilh khin zo ahi manin, Topa Kha ka tungah a om hi. Amah in thongkiate suaktasak ding, mittawte khua musak ding, a kinengcipte khahkhia ding,

LAISIENGTHOU CL Bible (BSI)

¹⁸ “Mi liengvaite kunga khantan hoi, gen dinga sathau ahing nutah ziehin, Mangpa Hagau ka tungah a um hi, Aman lungtang hasete sudam ding leh, saltangte kunga suotatna thu leh, mittote kunga mitvah kiana thu gen ding leh, bawlsietna thuohte zalenna leh,

Zo Bible

¹⁸ “Keima tungah Topa’ Hlagau ang om hi, azieh pen mizawngte kungah lungdamna thu a gen ding, sal tang mite kungah suotahna thu a phuongzah ding, mittawte in khuo mukia-in, gawtna a thuoh mite in suotahna a nga thei nading le

Luke 4:18 ပူးပေါင်းရင်းမြစ်များ

Piancilna 3:15

Nang le numei kikal le nang suan le khak a le ama suan-le-khakte kikalah kihuatna ka omsak ding hi; amah in na lutang suzan b dinga, nang ama khetul na tu ding hi," ci hi.

2 Khangthute 34:27

Hih mun le a mite tunga thu kigensa na zak ciangin na lungsimin dawng a Pasian mai-ah nang mahmah kiniamkhiat na hi man le ka mai-ah nangmah kiniamkhiatin na puante balkekin ka muhna ah kap na hi manin na thugen ka za khin hi, TOPA in cikhia hi.

Phatna-late 102:20

amah in thongkiate tauna za dinga, si dinga kimawhpaihte a khahkhia ding hi," ci-in kigelh hen.

Phatna-late 147:3

Amah in lungsim tamkhamte damsak a, amau liammate a tunsak hi.

Phatna-late 2:2

TOPA le Ama Sathau-nilh Pa b langkhatah leitung kumpite pangkhawmin gam-ukte kikaikhawm uh hi.

Phatna-late 2:6

"Ka mual siangtho Zion tungah ka Kumpipa c ka tusak khin hi." a ci hi.

Phatna-late 34:18

Lungtang kitamkhamte kiangah TOPA nai a, a lungsim kitamzante honkhia hi.

Phatna-late 45:7

Thumaanna na it a gitlohna na mudah hi; tua ahi ciangin Pasian, na Pasian in nopna sathau hong nilhna tungtawnin na pawlte tungah hong koih hi.

Phatna-late 51:17

Pasian biaknate e ka biakpiakna in ahileh a tamkham lungsim ahi hi; Pasian aw, a kitamkham lungtang kisikna na nolh kei ding hi.

Isaiah 32:3

Tua ciangin mite in amaute mitsinsan nawn lo ding uh a, amaute gen a zate in a ngai ding uh hi.

Isaiah 35:5

Tua ciangin mittawte mit kihonsak dinga bengngongte’ bil a kivaksak ding hi.

Isaiah 42:7

Mittawte mit honsak ding, thong sung pan le thong hawmpi sunga khuamial laka tute a khahkhia ding na hi hi.

Isaiah 45:13

Ka thumaanna-in Cyrus b ka khangsak dinga: a lampite khempeuh ka tangsak ding hi. Ka khuapi a lampha dinga ka saltangte a khah ding hi; ahi hangin tua pen thaman ading ahikeh pahtakman hi lo ding hi,’ Thahatpen TOPA in ci hi,"

Isaiah 49:9

thongkiate tungah, ‘Hong paikhia un’ ci-in khuamial sunga omte tungah, ‘Suakta un,’ ka cisak ding hi. "Amaute in lampi gei-ah an ne in mualneu tunga pawnlak khempeuh ah lonona a mu ding uh hi.

Isaiah 50:4

Thupipen TOPA in a gimte thamalhsak nadingin a kihilhsa leii hong guan hi. Zingsang simin kei hong phong a, a kihilhsa bangin thungai dingin ka bil a phong hi.

Isaiah 57:15

Ahang in, a sang, a sangpen Pa - a nungta tawntung ama min siangthopa gen hih ahi hi: "A sangna le a sianthona munah ka tenga, ahi hangin lungsim niamte le lunggimte a lungkhauhsak dingin a lungsim niamte le a lunggimte tawh ka tengkhawm hi.

Isaiah 59:21

"Kei adingin ahi leh hih in amaute tawh ka thukhun ahi hi" TOPA in a ci hi. "Note sunga om ka Kha le note kam tunga ka guansa kammalte na kam uh tawh kikhenkhia lo dinga, na tate kam, a suan le khakte kam tawh tu le a tawntungin a kikhenkhia kei ding hi," TOPA in a ci hi.

Isaiah 61:1

Mizawngte tungah lungdamna thu hilh dingin TOPA in kei sathau hong nilh khin ahi manin Thupipen TOPA’ Kha kei tungah a om hi. Amah in lungsim kitamte khui kik ding, sal-a kimante suahtak nading le thong a kiate a khahkhiat nading tangko ding,

Isaiah 66:2

Hih nate khempeuh ka khut in a bawlsa hi a, tua ciangin tuate na-a hong om hi lo ahi hiam?" TOPA in ci hi. "Ka thupi ngaihsut hih mipa ahi hi: kiniamkhiatin a lungsimin kisika ka thu hanga a lingpa ahi hi.

Ezekiel 9:4

ama kiangah, "Jerusalem khuapi va siksuak inla a sunga a kizem na kihhuaite hanga kapa taamlote a taltang ah ciamteh in," a ci hi.

Daniel 9:24

"Na mite le na khuapi siangtho in khialhna beisak a nading, mawhna beisak nading, gitlohna thoihdam nading, tawntung thumaanna a tun nading mangmuhna le kamsanna imcip nading le siangthopen b sathau nilh nadingin "Sawm sagih ‘sagihte’ c thukip hi khin hi.

Zephaniah 3:12

Ahi hangin note lakah TOPA min a muang a kiniamkhiatte le a lungnemte ka nusia ding hi.

Zechariah 11:11

Tua ni mahin kidok kik a, tua ciangin tuuhonte laka a kibawlsia kei hong vilvilte in TOPA kammal ahilam a thei uh hi.

Malachi 4:2

Ahi hangin ka min a kihta note adingin a khate tungah damna tuangin thumaanna ni a suak ding hi. Tuateh bawngnote a kikhumna pan kikhahkhia-a a dian uh bangin paikhia-in na diang ding uh hi.

Matthew 11:5

Mittawte in khua mu a, khebaite lam pai-in, miphakte a damsiang uh a, bilngongte in khua za hi; misite kithosakin, mizawngte kiangah lung damna thu kigen hi.

Matthew 12:18

"Ka it ka lung hong kimsak, ka teel ka nasempa hih lai-ah om hi; ama tungah ka Kha ka koih dinga, minamte tungah thutang a tangko ding hi.

Matthew 12:20

Thutang a gualzawhsak mateng, satliamsa pumpeng kuaitan lo dinga, mei kuang liakliak a sumit kei ding hi.

Matthew 4:16

khuamial sunga teng mite in, khuavak lianpi a mu zo uh hi; sihna liim gam sunga teng mite tungah khuavak tang khin ta hi." g cih thu a tangtun nading ahi hi.

Matthew 5:3

"Kha-a gentheite thupha ngah ahi hi, ahang in, vangtung gam amau aa ahi hi.

Luke 4:17

Kamsangpa Isaiah laizial amah kipia hi. Amah in tua laizial a phel leh:

Luke 6:20

Amah in a nungzuite en a: "A zawng note thupha ngah na hi uh hi, ahang in, Pasian gam nomau aa ahi hi

Luke 7:22

Tua ciangin amah in thupuate kiangah, "Note pai kik unla, na zaksa na muhsa uh thu teng John kiangah va hilh un: Mittawte in khua mu uh hi, khebaite lam pai thei uh hi; miphakte b damsiang uh hi; bilngongte in khua za uh hi; misite kihingkiksak hi; mizawngte kiangah lungdamna thu kihilh hi.

John 1:41

Andrew in a hih masak pen a sanggampa Simon zonga, "Messiah (Christ cihna) ka mu zo uh hi," ci-in a va gen ahi hi.

John 12:46

Kei hong um khat beek khuamial ah a om loh nadingin khuavakin leitung ah hong pai ka hi hi.

John 3:34

Ahang in, Pasian sawlpa in Pasian thute a gen hi. Pasian c in ama tungah ciangtan loin Kha a pia hi.

Nasepte 10:38

Pasian in Nazareth mi Jesu, Khasiangtho le vangliatna sathau a nilh zia le amah pai kawikawi in, Pasian in amah a ompihna hangin na hoih sema, dawimangpa vangliatna nuai-a mi khempeuh a dam saknate na thei zo uh hi.

Nasepte 26:18

Keimah hong upna hangun mawhnate maisakna le sian thosaksate lakah mun a ngah theih nadingun, amaute mit honsak ding, khuamial pan khuavak ah a hei ding, Satan vangliatna pan Pasian lam a ngasak dingin nang kong sawl ding hi,’ hong ci hi.

Nasepte 4:26

Topa langa pang ding le a Sathau Nilh-pa e langpang dingin, leitung kumpite panmun la-in, gam-ukte a kikhawm uh hi,’ f ci hi.

Nasepte 4:27

Hi takpi hi. Herod le Pontia Pilate in Gentile-te le hih khuapi sunga Israel mite g tawh kimu khawmin na sathau nilhsa pa, na nasem siangtho Jesu langpang dingin kithuhual uh hi.

Colosse-te 1:13

Ahang in, amah in khuamial ukna gam pan eite hong hukhia in, a it a Tapa gam sung hong tun zo a,

James 2:5

Kong it ka sanggamte aw, ngai un: Pasian in upna ah ahau ding le amah a itte a kamciam, ama gam a luah dingin leitung mite muhna-a a zawngte teel hi lo ahi hiam?

1 Peter 2:9

Ahi hangin note na hi uh leh khuamial sung pan hong samkhia-a, ama khuavak lamdang sunga hong tunpa phatna na tangko theih nadingun hong teeltuam mi pawl, kumpi nam, siampi, minam siangtho, Pasian mite na hi uh hi.