Luke 21:34 - Zokam International Version

³⁴ "Note pilvang un, tua hi keileh na lungsimte uh lalthangin zukhamna le nuntak nading lunghimawh nate in hong thazawhgawp dinga tua ciangin na upmawh loh laitak un tua ni, thang kisai bangin no tungah hong tung ding hi.

LAISIENGTHOU CL Bible (BSI)

³⁴ “Hinanleh pilvang un, tuachilouin nehva tahluot leh zukham leh damsung khosah ding ngaituonain, na lungtang uh aluodim seng kha dinga, tualeh tua ni na theilou kaal un, ahing tung zuai kha ding hi.

Zo Bible

^34-35 “Na pilvang bo un, na lungsim uh lalthangin zukhamna le hinkhuo ading lunghimawna in ang thazaw gawp ding a, na muonmaw lo laitahun thang kisai bangin note tungah tua ni ang tung ding hi.

Luke 21:34 ပူးပေါင်းရင်းမြစ်များ

Piancilna 19:32

I pa, lenggahzu dawnsak ni in tua ciangin amah luppih in i pa tungtawnin i innkuan kiguizopna piangsak mai ni," a ci hi.

Piancilna 19:35

Tua ciangin tua zan zong a pa lenggahzu dawnsak uh a, a tanu nauzaw pai-in amah a luppih hi. Amah in tuanu a lup lam le a thawh lam a thei kei leuleu hi.

Piancilna 27:14

Tua ciangin amah pai-a tuate manin a nu puaka, a nu in a pa duh bangin an lim pawlkhat huan hi.

Phatna-late 35:8

amaute theih kholh lohin siatna in pha henla - amau hong siahna lenthang in vialcipin a siat nadingun gum sungah kia uh hen.

Paunakte 21:4

A kihisak mitte le kiphatsakna lungtang, migilote’ meivakte mawhna ahi hi!

Paunakte 23:20

Zu tampi a dawnte le sa uangnekte tawh umkhawm kei in,

Thuhilhna 9:12

Tua banah, ama hun tun ding kuamah in a thei kei hi. Len gilo-in ngasa a kimat bang, thangin vasa a kimat bangin gitloh hunah mite awk a, lamet loh laitakin amau tungah a tung hi.

Isaiah 28:7

Hihte zong zu hangin pai buatbuat uh a, zucil hangin a hoihoi uh hi: Zucil hangin siampite le kamsangte pai buatbuat uh a, zu in haisakin zucil a hoipih dangdang uh hi. Mang a muh laitakun hi buatbuat uh a, thu a khensat ding uh ciangin a muktu uh hi.

Hosea 4:11

ka mite theihtelna a lakhiamang kizuakna zului le zuthak ah a kipiakhia uh hi.

Siampi Laibu 10:9

"Nang le na tapate in Kikhopna Puanbuk sungah na pai peuhmah uh ciangin lenggahzu ahikeh a kibilh dang khatpeuh na dawn kei ding uh hi; na dawn uh leh na si ding uh hi. Hih in khang sawnsawnte donga a om den ding thuzek ahi hi.

Matthew 13:22

Ling laka tute ahileh thu za napi hih leitung nuntak nading lunghimawhna le hauhna’ khemna in depgawp a gah a gah lote ahi hi.

Mark 13:9

Note kigingsa in om pelmawh un. Tualsung vaihawmte khutah note hong ap ding uh a, synagogue-te sungah hong sat ding uh hi. Keima hangin gam-ukte le kumpite mai-ah teci in na ding ding uh hi.

Mark 4:19

ahi hangin leitung nuntak nading lunghimawh nate, hauhna’ khemna-te le nadangte lunggulhna lutin, thu depgawp a, gah a gahsak kei hi.

Luke 10:41

Topa in, "Martha, Martha aw, na tampi lunghimawhin na lunggim hi.

Luke 12:40

Na muanmawh loh hun laitakun Mihing Tapa hong pai ding ahi manin note zong pel loin kigingsa in om un," a ci hi.

Luke 17:3

Tua ahi ciangin note kigalging un. "Na sanggampa in mawhna a bawl leh tai inla, a kisik leh ama mawhna maisak in.

Luke 21:35

Leitung bupa tengte khempeuh tungah tua ni a tung ding ahi hi.

Luke 21:8

Amah in, "Note kuamah in hong khem zawh loh nadingin na kigalging un. Ahang in, keima minin mi tampi hong pai ding uh a, ‘Amah ka hi hi. Hun hong nai ta hi,’ hong ci tangtang ding uh hi. Amaute na zui kei un.

Luke 8:14

Ling laka tu khaicite, Pasian thu a zak uh hangin a nuntakna uhah nuntak nading lunghimawhnate, hauhnate le nopsaknate in depgawp-a, a picing lote cihna ahi hi.

1 Corinth-te 5:11

Ahi hangin amah le amah na sanggam uh ka hi kici napi numei pasal-a paktat ahikeh a huaiham, milim bia khat ahikeh mi gensiat hat khat, zukham khat ahikeh sum nesim khatpeuh tawh na kipawl peuhmah loh nadingun kong gelh ahi hi. Tua bang mi khatpeuh tawh an nangawn na nekhawm kei un.

1 Corinth-te 6:10

gutate, duhhopte, zu khamkhamte, mi gensiate, sum ne simte khempeuh in Pasian gam a luah kei ding hi.

Galatia-te 5:20

milim biakna le bumna; muhdahna, kilemlohna, hazatna, hehluatna, angsung khualna, kilungkim lohna, kipawlkhennate le

Thupiakkikna 29:19

Tua bang mite in hih kiciamna kammal a zak ciangin amah le amah kici in, "Keima thu-in ka tatsuak hangin ka suakta veve ding hi," ci-in kingaihsun kha ding hi. Hih in tui a ngah leitang tung le a keu a leitang tungah siatna a tungsak ding hi.

Philippi-te 4:6

Na khatpeuhah lunghimawh in patau kei unla, na khempeuh ah lungdamkohna tawh thuahin, thungetna le ngetna Pasian tungah na tun un.

Hebrews 12:15

Kuamah in Pasian hehpihna ngah lo-a, a om loh nading le a khaatna zung po toin buaina piangsaka, mi tampi a ninsak ding tua zung a sel loh nadingin kikem un.

2 Peter 3:10

Ahi hangin Topa ni, guta bangin hong tung ding hi. Aw ngaihpi tawh vantungte mangin, a bulpite mei-in kisiasak dinga, leitung le a sunga om na khempeuh kitol g mangsak ding hi.

2 Peter 3:14

Tua ahi tak ciangin kong it lawmte aw, hih a ngak na hi nungsangun a nin baang lo, kawkbanna om lo le amah tawh kilema hong muh theih nadingin na hih theih tawpun hahkatin hih un.

Kilaakna 3:3

Tua ahi manin na ngahsa le na zaksate ciamteh in; a thu mang inla kisik in. Ahi hangin na khanlawh kei leh guta bangin kong pai dinga, nang kianga kong pai ding a hun na thei kei ding hi.

1 Samuel 25:36

Nabal kiangah Abigail a pai ciangin kumpi khat bangin a inn sungah pawi a na bawl hi. Amah in zu kham mahmah a, a lungsim a kiliansak hi. Tua ahi ciangin tuanu in khuavak mateng bangmah a gen kei hi.