Luke 20:20 - Zokam International Version

²⁰ Amaute in amah encik gige uh a, mi muanhuai a kineihkhem thusim kante ama kiangah a sawl uh hi. Thuneihna le vang a nei gam-ukpa tungah Jesu a piakkhiat theih nadingun ama kam tawh amah lehmat thei dingin a kilamen uh hi.

LAISIENGTHOU CL Bible (BSI)

²⁰ Tuachi’n Ama khu abuhdap ua, gam uhpa vaihawmna leh thuneina a, atut theina ding un athu genkhiel man dingin midih kipang enkhemi asawl uhi.

Zo Bible

²⁰ Tuaci’n amate in gam-uhpa’ thuneina le vaihawmna sungah a ap thei nadingun, ama’ kam tawh ama thangsie dingin mihoi kipang thukante sawlin a endapsah uhi.

Luke 20:20 ပူးပေါင်းရင်းမြစ်များ

2 Samuel 14:2

Tua ciangin Joab in Tekoa ah mi khat sawlin tua lai panin numei pil khat a kipuaksak hi. Amah in tuanu kiangah, ‘A thumthum va kineih in. Thumna puansilhte silh inla kipuahna sathau khatpeuh zang kei in. Ni tampi sung misi khat hanga a dah numei bangin va gamta in.

Phatna-late 38:12

Ka nuntakna a zongte in a thangte uh siah uh a, kei hong nasak nuamte in ka siat nading a kikum uh hi; sun nilohin khem hong sawm uh hi.

Phatna-late 66:3

Pasian tungah, "Na bawlsate lipkhaphuai na lawmlawm e! Na vangliatna lian lua-a na mai ah na galte toncip uh hi.

Phatna-late 81:15

TOPA a mudahte in a mai ah maivil ding uh a, amau danthuakna a bei ngei kei ding hi.

Jeremiah 11:19

A kigo dinga kipaipih hiathiat tuuno bang ka hi-a; amaute in kei theih lohin hong sawmsimin, "Singkung le a gah susia khawm ni, ama mihing tenna leitang pan hemkhia-in a min kiphawksak nawn kei ni" ci uh hi.

Jeremiah 18:18

Amaute in, "Hong pai un, siampite hong hilh thukham, mipilte i dot thute, kamsangte gen thute a manthan loh nadingin Jeremiah sawmsim ni. Tua hi a hong pai un, i kam mahmah tawh nialin a gen peuhmah va thusim kei ni," a ci uh hi.

Jeremiah 20:10

Hong huau tampi ka za a, "Kim le pam ah launa bekbek! Amah hek un! Amah hek un!" hong kici hi. Ka lawmte khempeuh in ka puk ding hong pang gige kawmin, "Amah i khem zo kha ding hi; khem zo leng amah i zo pah dinga a phu i la zo ding hi," kici uh hi.

Daniel 6:4

Hih thu hangin thuvai-hawmpite le gamkhen-ukte in Daniel mawhsak nadingin a kumpi nasepna ah encikin mawhzon uh hi; ahi hangin bangmah cih thei lo uh hi. Amah muanhuai-in ngentela na lopthop sep lo ahi manin nawngkaisak nading a mu zo kei uh hi.

Matthew 27:2

Amaute in amah henin paikhiatpih uh a, ukpipa Pilate khutah a pia uh hi.

Mark 3:2

Amaute lakah pawlkhat in Jesu a mawhmat nading uh zongin, tua mipa Sabbath ni-in a damsak kha hiam, ci-in a vil gige uh hi.

Luke 11:54

ama kamin amah a mat theih nadingun thu a dong huan uh hi.

Luke 20:21

Tua ahi ciangin thusim kante in ama kiangah, "Sia aw, nang in ahi bang thu genin na hilh a, kuamah deihsak tuam nei loin thutak bangin Pasian thu na hilh lam ka thei uh hi.

Luke 20:26

Amah in tua banga mipite laka a gennate tawh amah a awksak zo kei uh hi. Ama dawnnate lamdang sa uh a, tua ciangin amaute a dai uh hi.

2 Peter 2:3

Hih siate in huaihamin ama phuahtawm tangthute tawh note sumzonna in hong nei ding uh hi. Amaute a kimawhpaihna sawtvei zo a, amau kisiatna a ihsip kei hi.