Luke 20:10 - Zokam International Version

¹⁰ A lak hun a tun ciangin lenggah khawm dingin lo-khawhlawhte kiangah nasem khat a sawl hi. Ahi hangin amaute in tuapa satgawp uh a, khut guakin a ciahsak uh hi.

LAISIENGTHOU CL Bible (BSI)

¹⁰ Tualeh aga law hun in, huon a grep gate ana pieh dingun lou houte kungah, suoh khat asawl a, hinanleh lou houmiten, ama ana vuo ua, khut guoh in asawlmang ta uhi.

Zo Bible

¹⁰ Lengga law hun a tun ciengin lengga lei pana pieng ama’ tanh ding teng a nga thei nadingin lohlote kungah nasem khat a sawl hi; ahi vangin lohlote in a nasempa na sat gawpin a khutguohin a peisah uhi.

Luke 20:10 ပူးပေါင်းရင်းမြစ်များ

1 Kumpite 22:24

Tua ciangin Kenaanah tapa Zedekiah paito in, Macaiah maitang a beng hi. Amah in, "Nang hopih dingin kei kiang pan amah hong pai ciangin TOPA kiang pana a a kha in koi lampi pen tawn ahi hiam?" ci-in a dong hi.

2 Kumpite 17:13

TOPA in ama kamsangte le thumute khempeuh tungtawnin Israel le Judah vauhilh a: "Na gitlohnate panun kikhel un. Na pate un aman dingin ka piak thukham khempeuh tawh kituakin a man ding uh le ka nasem kamsangte tungtawnin no tungah kong theihsak ka thupiakte le ka thukipte zui un," a ci hi.

1 Khangthute 19:4

Tua ciangin Hunan in David mite mana a khamul uh metmaisakin a puantual uh a tawbo cianguah attansaka a nawhkhia hi.

2 Khangthute 16:10

Hih thu hangin thumupa tungah Asa a heh hi; amah heh lua ahi manin thong sungah a khum hi. Tua hun mahin Asa in mi pawlkhat zong khelbawl gawpin a nengcip hi.

Nehemiah 9:26

"Ahi hangin amaute thumang loin nang hong lehdo uh a; na thukham a nungngatsan uh hi. Amaute nang lama a kihei nadingun a zol, na kamsangte that uh a; a lauhuai mindaisakna a bawl uh hi.

Nehemiah 9:30

Kum tampi tak amaute na thuak keiikai hi. Kamsangte tungtawnin na Kha-in na vauhilh hi. Amaute in thusim lo teitei uh a, tua ciangin amau gamveng mite khutah na pia hi.

Phatna-late 1:3

Amah, tui luanna lui gei-a kisuan a gah hunin gah a, a teh vul lo singkung tawh kibang hi. A sepna peuhpeuh ah daupai hi.

Jeremiah 2:30

"Na mite a mawkna-a dan pia ka suak hi; amaute a kibawlpha nuam kei uh hi. Humpinelkai gilkial bangin na namsaute un na kamsangte uh a liakmang khin hi.

Jeremiah 20:2

kamsangpa Jeremiah satin kolbulh a, Benjamin Kongpi Saknung a TOPA biakinnpi ah a koih hi.

Jeremiah 35:15

No kiangah ka nasem kamsangte khempeuh kong sawl kikkik hi. Amaute in, "Note na gitlohna uh panin kihei unla na gamtat uh kipuahpha un; pasian dangte zui kei unla, a na zong sem kei un. Tua hileh note le na pate uh tunga kong piaksa gamah na teng ding uh hi," hong ci uh hi. Ahi hangin note in hong thusim loin ka thu na ngai kei uh hi.

Jeremiah 5:24

Amaute in, "Tuk guah le sikhiau guahte a hunin hong zusaka, an lak huna an hong lasakpa, TOPA eite Pasian kihta ni,’ a kici kei uh hi.

Luke 13:34

"Jerusalem aw, Jerusalem, kamsangte that-a, nang kianga hong kisawlte suangin a deng nang, akpi in a note a kha nuai-ah a khop bangin na tate ka khop nop hangin nang na ut kei hi!

Luke 20:11

Tua ciangin amah in tuate kiangah nasem dang khat sawl kik hi. Ahi hangin amaute in tuapa zong na satgawp uh a, a zahlaksak ngi-ingei khit uh ciangin a khut guakin a ciahsak uh hi.

Luke 20:9

Amah in mipite kiangah gentehna gena, "Lenggui lo a bawl mi khat a om hi; tuapa in a lenggui lo lo-khawhlawhte pawlkhat khawhlawhsak in sawt veipi a paikhiatsan hi.

John 15:16

Note in kei nong teel kei uh a, keimah in pai-a gah a gah tawntung dingin note kong teel hi. Tua ciangin ka min suanga na nget peuhpeuh uh Pa in note hong pia ding hi.

Rome-te 7:4

Tua ahi ciangin sanggamte aw, misi pana tho kik midang khat tawh ki-awh a, Pasian ah gah na gah theih nadingun Christ pumpi tungtawnin note in zong thukham na sihsan uh hi.