Luke 18:11 - Zokam International Version

¹¹ Pharisee-pa dingto a, ama thu e amahmah in ngena, ‘Pasian aw, keimah midangte khempeuh - misuamte, a kheltatte, angkawmte tham lo hih siahdongpa bang hi lo ka hi manin na tungah ka lungdam hi.

LAISIENGTHOU CL Bible (BSI)

¹¹ Pharisaipa adinga amatangin tambangin athum hi: Pasian, mi dang pauhat thu a mite neisa lahpiehte, mi dihloute, angkawmte, ahisihleh tam siedong mi bang ka hilou zieh in na tung ah ka kipah hi.

Zo Bible

¹¹ Pharisee-pa dingin thu ngen a, ‘Pasien aw, kei pen midangte bangin misuomte, neisa lahpiehte, angkawmte, ahi sihle tami siehdong pa nangawn tawh zong ka kibah lo ziehin nangma tungah lungdam kang ko hi.

Luke 18:11 ပူးပေါင်းရင်းမြစ်များ

Phatna-late 134:1

Zanin TOPA inn sunga nasem, no TOPA nasemte khempeuh aw, TOPA phat un.

Phatna-late 135:2

no TOPA inn sunga nasemte, i Pasian inn huanga nasemte aw, amah phat un.

Paunakte 20:6

Mi a tamzaw in itnakip nei-in kigen ciat uh a, ahi zongin mi muanhuai kua in mu zo ding hiam?

Paunakte 30:12

tua bang mite amau mit-a siang a kisate hi-a, a nitna uh lah a siang tuan kei hi;

Isaiah 1:15

Na khut uh zakin thu na nget uh ciangin ka mai kong selsan hi; thu tampi na nget uh hangin ka ngai tuan kei ding hi. Na khutte uh sisan tawh kidim hi;

Isaiah 58:2

Amaute amaana gamta minam le Pasian thupiak a mangngilh lo bang kekin ni khat khit ni khat kei hong zongin ka lampi a thei nuam bangin a om uh hi. Amaute in thutanga thukhensatna hong ngen uh a, Pasian a kiangua pai ding a lawp tawh kibang uh hi.

Isaiah 65:5

‘Nang a dingin siangtho lua ka hih manin kihemkhia inla, hong neh kei in!’ a ci mite ahi uh hi. Tua bang mite ka nak vang sungah meikhu hi uh a, sun niloh a kuang den mei ahi uh hi.

Jeremiah 2:28

Nomau bawlsa na pasiante uh tu-in koi-ah om ahi hiam? Na lungkham uh ciangin hong hot theih leh kihonsak un! Ahang in, Judah aw, khuapi na neih zahzah uh pasian na nei uh hi.

Jeremiah 2:35

‘Ka mawhpeng hi; kei tungah amah a heh kei hi,’ na ci lai hi. Ahi hangin, ‘Ka mawh kei hi,’ ci na hih manin nang tungah thu kong khen ding hi.

Ezekiel 33:31

Ka mite a ngeina bangin na kiangah hong pai uh a, na thugen ngai-in na mai-ah tu uh hi; ahi hangin na gen bangin gamta lo uh hi. Amaute a kam-un ki-ap uh a, ahi hangin amaan lo-a ngah nadingin a huaiham uh hi.

Micah 3:11

Tuanu makaite in golhguk sum tawh thu khen uh a, ama siampite in thaman ngah nadingin thu hilh uh a, ama kamsangte in sum ngah nading bekin kam a sang uh hi. Tua hi napi TOPA tungah kinga-in, "Eite lakah TOPA om hi lo hiam? Eite tungah siatna hong tung kei ding hi," ci uh hi.

Matthew 10:3

Philip le Bartholomew; Thomas le siah dong Matthew; Alphaeus tapa James le Thaddaeus;

Matthew 5:20

Ken kong geninah, note thumaanna in Pharisee-te le thukham siate aa a khup zawh kei leh vantung gamah na lut peuhmah kei ding uh hi.

Matthew 6:5

"Note in thu na nget uh ciangin kineihsiamte bangin na hih kei un. Amaute in mite muh theihtheih dingin synagogue-te sung le lamkabom khawngah dinsa in a ngen nuam se uh hi. Thutak kong geninah, amaute in pahtakman a cingin a ngah zo uh hi.

Mark 11:25

Thungena na din laitakin mi khatpeuh tungah lungkimlohna na neih leh vantunga om na Pa in na mawhnate g hong maisak theih nadingin tuapa na maisak in.

Luke 20:47

Amaute in meigongte inn netum uh a, kineih in sauvei pipi thu a ngen uh hi. Tua bang mite nasiatakin gawtna kithuaksak ding hi," a ci hi.

Luke 22:41

Amaute khen suanglot khat tan bangah khukdinin thu ngen a,

Galatia-te 3:10

Thukham zuihna-a kingate khempeuh hamsiatna nuai-a om lai uh ahi hi. Ahang in: "Thukham Laibu sunga kigelhte khempeuh a zuikim suak zolote peuh mah hamsiat ahi uh hi," g ci-in kigelh zo hi.

Philippi-te 3:6

hahkatna lamah pawlpi bawlsia; thukham tawh kisai thumaanna ah a genbaang lo ka hi hi.

Kilaakna 3:17

‘Ka hau a, neih le lam ka cin hi, khat beek ka sam kei hi,’ na ci hi. Ahi hangin a genthei, a hehpihhuai, azawng, a mittaw le guaktang na hilam a phawk lo na hi hi.