Luke 16:15 - Zokam International Version

¹⁵ Amah in amaute kiangah, "Note, mite mitmuh ah dik na kitansak uh hangin Pasian in na lungtangte uh a thei hi. Mite in manpha a sak mahmah nate Pasian muhna-ah kihhuai hi.

LAISIENGTHOU CL Bible (BSI)

¹⁵ Aman akung uah, “Noute pen mite mitmu a kisiem tangsahte na hi uhi. Hinanleh Pasian in na lungtang uh athei hi; aziehpen mite laha kitawisang khu Pasian mitmu a kidahhuoi tah ahi.

Zo Bible

¹⁵ Tuaci’n amate kungah, “Mite mai-ah no le no na kidihsah vangun Pasien in na lungtang uh a thei hi; azieh pen mihingte in manpha a sah mama uh nate pen Pasien’ muna-ah a kidahhuoi ahi hi.

Luke 16:15 ပူးပေါင်းရင်းမြစ်များ

1 Khangthute 29:17

Ka Pasian aw, nang in lungsim na zia-et lam ka thei-a, cihtakna ah na lungkim hi. Hih nate khempeuh ka utthu-in thumaantakin kong pia hi. Tua ciangin hih lai-a om na mite in utna tawh nang hong piakzia lung nuamtakin ka mu khin hi.

2 Khangthute 6:30

tua ciangin na tenna mun vantung panin na za in. Maisak-in ama lungsim na theihsa ahi nungsang ama sepsa khempeuh tawh kizui-in ama tungah tungsak in, (ahang in, nang bek in mihing lungsim khempeuh na thei hi),

Phatna-late 10:3

Amah in ama lungtang lunggulhna kisaktheihpih a; a huaihamte thupha pia-in TOPA a kosia hi.

Phatna-late 49:13

Amau le amau kimuangte le amau gente hoih a sakpih amau nungzuite mong a hici ahi hi.

Phatna-late 49:18

A nuntak lai-in thupha ngahin a kisim zongin - a daupai ciangin miten a phat uh zongin -

Phatna-late 7:9

A thumaan Pasian, lungsim le ngaihsutnate a zongpa aw, migilote ngongtatnate beisakin a thumaante bitsak in.

Paunakte 16:5

Lungsim kiphasak khempeuh TOPA in kih hi. Hih thu tel in: Dan tuak loin a om kei ding hi.

Paunakte 20:6

Mi a tamzaw in itnakip nei-in kigen ciat uh a, ahi zongin mi muanhuai kua in mu zo ding hiam?

Paunakte 21:2

Mi khat in a gamtatna khempeuh maan a sak hangin, TOPA in a lungsim khingkhai hi.

Jeremiah 17:10

"TOPA in lungsim zonga, ngaihsutna sittelin mi khat, ama gamtatna tawh kizui, ama nasepna tawh kituakin pahtakman a pia hi."

Malachi 3:15

Ahi zongin tu-in a kiphasakte thupha ngah i ci hi. A gamtatsiate lawhcingzaw taktaka, Pasian a tote nangawn suakta uh hi,’ na ci uh hi," a ci hi.

Matthew 23:5

"Amaute hih peuhmah mite muh ding deihin a hih uh hi: Amaute in a phylact-te f uh liansak in, a thunget puante uh a mongtep a sausak uh hi.

Matthew 6:16

"Note in an na tan uh ciangin, an a tan lam uh mite a lah nop manun a maitang uh a kilamdangsak kineihsiamte bangin na mai uh mualsak kei un. Thutak kong geninah, amaute in pahtakman a cingin ngah zo uh hi.

Matthew 6:2

"Tua ahi ciangin a tasamte na piak uh ciangin kineihsiamte in mite pahtawi ding a ut manun synagogue-te sung le lamdungah pengkul mutin, a tangko uh bangin na hih kei un. Thutak kong geninah, amaute in pahtakman a cingin a ngah zo uh hi.

Matthew 6:5

"Note in thu na nget uh ciangin kineihsiamte bangin na hih kei un. Amaute in mite muh theihtheih dingin synagogue-te sung le lamkabom khawngah dinsa in a ngen nuam se uh hi. Thutak kong geninah, amaute in pahtakman a cingin a ngah zo uh hi.

Luke 10:29

Ahi hangin tuapa amah le amah kidiktangsak nuam ahi manin Jesu kiangah, "Tua ahileh ka vengte kua ahi hiam?" ci-in a dong hi.

Luke 11:39

Tua ciangin Topa in ama kiangah, "Ahileh no Pharisee-te in hai le kuangte a pualam na silsiang uh hangin na sunglam uh huaihamna le tatsiatna tawh a kidim hi.

Luke 18:11

Pharisee-pa dingto a, ama thu e amahmah in ngena, ‘Pasian aw, keimah midangte khempeuh - misuamte, a kheltatte, angkawmte tham lo hih siahdongpa bang hi lo ka hi manin na tungah ka lungdam hi.

Luke 18:14

"A khat pa sangin hih pa, Pasian mai-ah diktangsa in innah a ciah hi, cih kong gen hi. Ahang in, amah le amah a kitawisangte kiniamsak dinga amah le amah a kiniamsakte a kitawisang ding hi," a ci hi.

Luke 18:21

Tuapa in, "Tuate khempeuh ka neu-a kipan ka zuihsa ahi hi," a ci hi.

Luke 18:9

Amaute thumaanna kimuanga midangte khempeuh a neumuh pawlkhatte tungah Jesu in gentehna gen a,

Luke 20:20

Amaute in amah encik gige uh a, mi muanhuai a kineihkhem thusim kante ama kiangah a sawl uh hi. Thuneihna le vang a nei gam-ukpa tungah Jesu a piakkhiat theih nadingun ama kam tawh amah lehmat thei dingin a kilamen uh hi.

Luke 20:47

Amaute in meigongte inn netum uh a, kineih in sauvei pipi thu a ngen uh hi. Tua bang mite nasiatakin gawtna kithuaksak ding hi," a ci hi.

John 2:25

Amah in mihing lungsim sunga omte thei khina, mihing in mihing thu a gen ding kisam lo hi.

John 21:17

Ama kiangah, "John Tapa Simon aw, kei nong it hiam?" ci-in a thumveina a dong hi. Jesu in, "Kei nong it hiam?" ci-a a thumveina a dot manin Peter lungsim a nasak hi. Amah in "Topa aw, na khempeuh na thei hi; nang kong it na thei hi," a ci hi. Jesu in, "Ka tuute na vak in.

Nasepte 1:18

(Judas in a gitlohna mana a ngah pahtakman tawh lo khat a lei hi. Tua munah bungbu kiatin a pumpi kitam a, a gilzangte buakhia hi.

Nasepte 1:24

Tua khit ciangin thu ngen uh a, "Topa aw, mi khempeuh lungtang na thei hi.

Nasepte 15:8

Mihing lungtang sung a thei, Pasian in amaute a sanna hong lahna-in eite hong piak bang tektek, amaute Khasiangtho a pia hi.

Rome-te 3:20

Tua ahi manin ama muhna ah thukham zuihna hangin kuamah thumaanin a kiseh kei ding hi; tua hi lo zaw in thukham tungtawnin mawhna i phawk hi.

Rome-te 8:27

Tua hi a, eite lungsim a zongpa in Kha lungsim a thei hi. Bang hang hiam cihleh Pasian deihna tawh kizui-in Kha in misiangte ading a thumsak hi.

1 Corinth-te 4:5

Tua ahi ciangin a kisehsa hun a tun matengin bangmah thu na khen kei un; Topa hong pai ding ngak un. Amah in khuamial sunga kiselsimte khuavak ah pusuahkhia dinga, mihing lungtang tupnate a pholakkhia ding hi. Tua hun ciangin mikim in Pasian tung pan phatna a ngah ciat ding uh hi.

1 Peter 3:4

Tua sangsikin, Pasian muhna ah nakpitaka a manphazaw, a tul thei lo hoihna, sunglam hinna, lungnemna le cinghkamna tawh na kizem zaw un.

1 Peter 5:5

Tua mah bangin khangnote aw, na uzawte uh tungah kiniamkhiat un. Note khempeuh, nomau le nomau in kiniam khiatna na kisilh thuk un, bang hang hiam cih leh, "Pasian in a kisatheite do a, a kiniamkhiatte a hehpih hi," b

Kilaakna 2:23

A tate ka satlum ding hi. Tua ciangin pawlpi khempeuh in lungtang le lungsim zong a pheklekpa ka hilam hong thei ding uh a, note khempeuh na gamtatna bangun kong thuk ding hi.

1 Samuel 16:7

Ahi hangin TOPA in Samuel kiangah, "Ama meel ahi-a, a tun sanna ahi zongin ngaihsun kei in amah ka nialsa ahi hi. TOPA in nate mihingte et bangin en lo hi. Mihing in a kilangkhia a puatham en a,TOPA in ahileh a lungsim a en hi," a ci hi.