Luke 15:13 - Zokam International Version

¹³ "Tua khit a sawt loin a nauzawpa in a neih khempeuh kaikhawmin, gamlapi ah pai-a noptatna-in a sum neih teng a zangbei hi.

LAISIENGTHOU CL Bible (BSI)

¹³ Tualeh ni sawtlou nuain tapa naupang zaw pa’n atan teng abawnin alakhawm a khuol gamlapi ah azinta a, tua mun ah anei zousie noptat tahin azang bei siengta hi.

Zo Bible

¹³ Ni tawmkhat zaw ciengin a naupa in a neisa zosie khawmin a gamla mama gam khatah zin a, tua gamah a neisa teng a phengzah sieng ta hi.

Luke 15:13 ပူးပေါင်းရင်းမြစ်များ

Phatna-late 73:27

Nang tawh a kigamlate kisia ding uh hi; nang tunga a muanhuai lote khempeuh na susia hi.

Paunakte 18:9

A nasep sem nuamlopa, a susiapa sanggam ahi hi.

Paunakte 21:17

Nopsakna khelahte zawng dinga; zu le sathau haite a hau ngei kei ding hi.

Paunakte 21:20

Mipilte inn sungah an lim le sathau kikhol a, mihaipa in ahileh a neih zahzah valhtum pahpah hi.

Paunakte 27:8

A inn pana vakthapmangte a bu haih vasa bang ahi hi.

Paunakte 28:7

Thukham a zuipa thu theikak tapa hi-a, ahi hangin anhaite tawh kithuahpa in, a pa mindaisak hi.

Paunakte 29:3

Pilna a it mi in a pa lungdamsak a, numei kizuakte tawh a kikhawlte ahileh a neihsa a mawkzat bei ahi hi.

Paunakte 6:26

ahang in, numei kizuaknu in anlum khat zahin na man kiamsak dinga, angkawmnu in na nuntakna mahmah a sialnek ding hi.

Isaiah 1:4

Ah! Amawhdim minam khialhna netcip mite a gilote suante siatna-a ka piaksa tate ahi uh hi. Amaute in TOPA taisan uh a; Israel Siangtho Pa simmawhin amah nungngatsan uh hi.

Isaiah 22:13

Ahi hangin en in, tua lai-ah lungnopna le nopsakna, bawng gawhna le tuu gawhna, zu dawnna le sa nekna a om ding hi! "Zing ciang si ding i hi manin ne in dawn ni!" na ci uh hi.

Isaiah 30:11

Hih lampi nusia in hih lampi pan pial unla, Israel-te Siangtho Pa tawh hong kimaituahsak nawn kei un," a ci uh hi.

Isaiah 56:12

Amaute in, "Hong pai un, zu kong lup ding hi! I gilpi dimin zucil dawn ni. Zing ciang pen tuni mah bang dinga nuamzaw lai tham ding hi," ci uh hi.

Jeremiah 2:13

"Ka mite in mawhna nih a bawl khin uh hi; amaute in a nungta tuinak keimah hong taisanin tui a vung thei lo a kitamsa tuikhuk a to uh hi.

Jeremiah 2:31

"Tu khanghun a note aw, TOPA thu ngaihsun dih un: "Israel tungah sehnel-gam suak ngei a, khuamial mahmah gam suak ngei ka hi hiam? Bang hangin ka mite in, ‘Ka ututun ka vak thei uh hi. Nang kiangah hong pai nawn kei nung,’ ci uh ahi hiam?

Jeremiah 2:5

TOPA gen hih ahi hi: "Na pate un kei tungah bang khialhna mu a, kei kiang panin gamlapi gammang uh ahi hiam? Amaute in kimanna nei lo milimte nung zui uh a, amau mahmah kimanna nei lo a suak uh hi.

Micah 6:3

"Ka mite aw, ken note bang hong cih ka hi hiam? Bang hong ci lunggimsak ka hi hiam? Hong dawng un.

Luke 15:12

A nauzawpa in a pa kiangah, ‘Pa aw, i goute sung pan kei tanh ding hong khenkhia in,’ ci hi. Tua ciangin amah in a neihsate amau gel a hawmsak hi.

Luke 15:14

A neih khempeuh a zat bei khit ciangin tua gambup ah kialpi tunga, amah a kitasam hi.

Luke 15:30

Ahi hangin na neihsa teng numei kizuakte tawh a zatmang khit cianga inn hong zuan hih na tapa, bawngno vakthau pen na gawh tazen hi!’ ci hi.

Luke 16:1

Jesu in a nungzuite kiangah, "Khatvei mihau khat om a, sungtapipa in a pu neihsa teng a zat beisak hi, ci-in kingawh hi.

Luke 16:19

"Khatvei sumhaupa khat a om hi; tuapa in puan dupsan le saihadial puan silh a, nisimin noptatin a om hi.

Ephesa-te 2:13

Ahi hangin khatvei lai-a gamlapi-a om note, tu-in Christ sisan tungtawnin Christ Jesu sungah hong kinaisak ta hi.

Ephesa-te 2:17

Amah hong pai-in no a gamlapi-a omsate tungah kilemna thu, a nai-a omsate tungah zong kilemna thu mah hong gen zo hi.

2 Peter 2:13

Amaute hihsa siatna hangin tua siatna mahin amaute kithukkik ding hi. Amaute ngaihsut nopsakna ahileh suntangpipi-a uangtat ahi hi. Note e tawh an na nek khawm laitakun nop a sak luatna uh hangin melhemna le nitna a suak uh hi.