Luke 13:24 - Zokam International Version

²⁴ "Kong kawcik-a lut ding na hahkat un. Bang hang hiam cihleh, mi tampi in lut ding a hanciam ding uh a, ahi hangin a lut thei kei ding uh hi, cih kong gen hi.

LAISIENGTHOU CL Bible (BSI)

²⁴ “Kot kochih ah lut tum teitei un, aziehpen ka hinghil ahi, mi tampiin lut a tum ding ua, alut thei sih ding uhi.

Zo Bible

²⁴ “Kot kawcih lam tawn a lut ding hakat un; azieh pen note kunga kang ci-in, mi tampi a lut sawm vua, ahi vangin a lut zo sih ding uhi.

Luke 13:24 ပူးပေါင်းရင်းမြစ်များ

Paunakte 14:6

Mi simmawhte in pilna a zon hangin bangmah mu lo a, thu saikak-theite in theihna mu ziau hi.

Paunakte 21:25

Mi zongzawte khut in na sem nuam lo ahi manin a deihluatna, ama sihna hi ding hi.

Thuhilhna 10:15

Mihai nasep in amah gimsak a; khuapi zuatna lampi a thei kei hi.

Isaiah 1:15

Na khut uh zakin thu na nget uh ciangin ka mai kong selsan hi; thu tampi na nget uh hangin ka ngai tuan kei ding hi. Na khutte uh sisan tawh kidim hi;

Ezekiel 33:31

Ka mite a ngeina bangin na kiangah hong pai uh a, na thugen ngai-in na mai-ah tu uh hi; ahi hangin na gen bangin gamta lo uh hi. Amaute a kam-un ki-ap uh a, ahi hangin amaan lo-a ngah nadingin a huaiham uh hi.

Matthew 11:12

Baptize-pa John hun-a kipan tu dong thahat thu-in vantung gam in ma kek a, mihatte in a lenkip hi.

Luke 13:23

Mi khat in ama kiangah, "Topa, mi tawmkha bekin hotkhiatna ngah ding uh ahi hiam?" ci-in a dong hi. Amah in amaute kiangah,

Luke 21:36

Note na kigalging gige un. Thupiang dingte khempeuh pana na suahtak nading uh le Mihing Tapa mai-a na din theih nadingun thu na ngen un," a ci hi.

John 13:33

"Ka tate aw, note tawh tawmvei sung bek ka omkhawm lai ding hi. Note in kei nong zong ding uh hi, Jew-te ka hilh bangin note kong hilh hi: Ka paina munah nong pai thei kei ding uh hi.

John 5:4

A hunhunin Topa vansawltak kumsukin tui va lok zelzel hi. Tua tui a tat ciangin a kidiah masa penpen a cinatna peuhpeuh a dam hi. c

John 6:27

A sia thei an ngah nadingin na na sep uh sangin Mihing Tapa hong piak ding, nuntak tawntungna donga kimang ding an ngah nadingin sem zaw un. Pa Pasian in amah a sanna ciamtehna ama tungah a koih zo hi," ci-in a dawng hi.

John 7:34

Kei nong zong ding uh a, ahi hangin nong mu kei ding uh hi; ka omna ah nong pai thei kei ding uh hi," a ci hi.

John 8:21

Jesu in khat vei genbeh lai-a, "Kei ka paikhiamang dinga, nong zong ding uh hi; note na mawhnate uh sungah na si ding uh hi. Ka paina ah nong pai thei kei ding uh hi," a ci hi.

Rome-te 10:3

Amaute in Pasian kiang pana hong pai thumaanna thei lo uh a, amau thu-a phuaktawm nuam uh ahi manin Pasian thumaanna ah a ki-ap kei uh hi.

Colosse-te 1:29

Tua ngimin kei sunga vangliantaka a sem ama thahatna khempeuh tawh pang tentanin a na ka sem hi.

Hebrews 4:11

Tua ahi manin amaute hong lah thumanlohna zui-in kuamah puk lo-a, tua khawlna-ah i lut nadingin i hih theih zahzah in hahkat ni.

Joshua 7:3

Joshua kiangah amaute a kileh kik uh ciangin, "Ai sim dingin mi khempeuh kuantoh a kul kei ding hi. Tua khua la dingin mi tul nih ahikeh, tul thum bek kuansak lel in; mi tawmno bek om ahi manin mi khempeuh gimsak huai lo hi," a ci uh hi.

2 Peter 1:10

Tua ahi manin sanggamte aw, note hong kisapna le hong kiteelna a ki ciansak dingin na lawp semsem un. Ahang in, hih nate na hih uh leh na puk ngei kei ding uh a,