Luke 11:42 - Zokam International Version

⁴² "No Pharisee-te aw, note in mint, rue le huan antehhing nam khempeuh sawmah khat na piak uh hangin Pasian’ itna le thutang thudon lo na hi manun gimna na thuak ding uh hi. Hihte gel a masa pen hih lo tuan loin a nunung pen na hih ding uh ahi hi.

LAISIENGTHOU CL Bible (BSI)

⁴² “Hinanleh Pharisaite aw, na tunguh agih hi! aziehpen nouten leengmasel leh Pasikhawmte nasan leh haichi zousie sawma khat na pie ua, vaihawmna dih leh Pasian itna na thudon sih uhi. Tamte ahi na bawl ding uh, adangte bawllou tuonlou in.

Zo Bible

⁴² “No Pharisee-te in gimna na thuoh ding uhi! Azieh pen note in masala, lengmusel le ante lohing namkim tungah sawm-ah-khat na pie vua, ahi vangin thutang le Pasien itna na don vanuh sih uhi; adangte zong nelsie tuon loin tamte na bawl ding uh ahi hi.

Luke 11:42 ပူးပေါင်းရင်းမြစ်များ

Nehemiah 10:37

"Tua tham loin Pasian inn a vankholna-a siampite tungah lei-a piang anpalte, an-a biaknate, singkung khempeuh pana gah masate, lenggahzu thak le sathaute ka puak ding uh hi. Tuateh ka nasepna uh khuapi khempeuh ah sawma khat a kaikhawm Levi-te ahi manin ka khawhsa uh an panin sawma khat, Levi-te ka puak ding uh hi.

Paunakte 21:3

TOPA in kithoihna sangin thumaan thutanga sep, sang thei zaw hi.

Thuhilhna 7:18

A khat lencipin a khat pen zong khah tuan loh ding hoih hi. Pasian a kihta peuhmah in a uanglua khempeuh pel uh hi. a

Micah 6:8

Mipa aw, amah in a hoih hong lak zo hi. Tua hi-a TOPA in nang tungah bang hong kal ahi hiam? Thutangin gamta inla, lainatna it-in, kiniamkhaitin na Pasian tawh kalsuan khawm in.

Malachi 1:6

"Tapa in a pa pahtawi-a, nasempa in a pu a pahtawi hi. Pa khat ka hileh kei hong kipahtawina koi ahi hiam? Pu khat ka hileh kei hong kizahtakna koi ahi hiam?" Thahatpen TOPA in a ci hi. Siampite aw, ka min a simmawh note na hi uh hi. "Ahi hangin, ‘Na min bangci simmawh ka hi uh hiam?’ ci-in nong dong uh hi.

Malachi 2:17

Na kammalte uh tawh TOPA na gimsak uh hi. "Bangci gimsak ka hi hiam?" na ci uh hi. "TOPA muhna ah a sia-a gamtate hoihsa a, amaute tungah a lungkim hi," ahikeh "A thutang Pasian koi-ah om hiam," cihna tawh na gimsak uh hi.

Malachi 3:8

"Mi khat in Pasian a buluh ding mah ahi hiam? Tua hi napi note in kei nong buluh uh hi. "Ahi hangin, ‘Bang hong ci buluh ka hi uh hiam?’ na ci uh hi. "Sawma khat le biaknate ah nong buluh uh hi.

Matthew 23:13

"No kineihsiam thukham siate le Pharisee-te, gimna nak thuak na nu cia! Note in mite mai ah vantung gam kongkhak na khak uh hi. No lah lut loin a lut nuamte lah na lutsak kei uh hi. b

Matthew 23:23

"No kineihsiam thukham siate le Pharisee-te, gimna nak thuak na nu cia! Note in na masalate uh, mint, dill le cummin-te, sawmah khat na pia uh hi. Ahi hangin thukham tawh kisai-a a thupizaw, thutangna, lainatna le muanhuainate na thudon kei uh hi. Amasa thudon lo tuan loin a nunungte na hih ding uh ahi hi.

Matthew 23:27

"No kineihsiam thukham siate le Pharisee-te, gimna nak thuak na nu cia! Note, a pualam etlawm napi a sungah misi guh le nin kihhuai khempeuh a dim a kanga kizut hante tawh na kibang uh hi.

Luke 18:12

Nipikal khatin nih vei an tangin ka ngah khempeuh sawm ah khat ka pia hi,’ ci hi.

John 5:42

Ahi hangin note kong thei hi. Note lungsungah Pasian itna na neih loh uh ka thei hi.

1 John 4:20

Mi khatpeuh in, "Pasian ka it hi," ci napi a sanggampa a muhdah lai leh zuauphuak pa ahi hi. Ahang in, a muh gige a sanggampa a it lo mi in, a muh nai loh Pasian a it thei kei hi.

1 Samuel 15:22

Ahi hangin Samuel in: "TOPA awging man’na zahin meihal biaknate le biakpiaknate ah TOPA lungkim ahi hiam? Biakpiakna sangin thuman’na hoihzaw a, tuutalte’ thau sangin thusimna hoihzaw hi.