Luke 10:28 - Zokam International Version

²⁸ Jesu in, "Mantakin nong dawng hi. Tua bangin zui lecin na nungta ding hi," a ci hi.

LAISIENGTHOU CL Bible (BSI)

²⁸ Tuachi’n Jesu’n akungah, “Na dawng dih hi, tam bangin bawl in, na hing ding hi,” achi hi.

Zo Bible

²⁸ Tuale Jesu in, “Nei dawnna man hi; tam bangin gam ta in, tua hile na hing ding hi,” a ci hi.

Luke 10:28 ပူးပေါင်းရင်းမြစ်များ

Nehemiah 9:29

"Na thukham lama a kihei nadingun na vauhilh hangin kiphasak lua uh a, na thupiak a mang kei uh hi. Mi khat in a zuih leh a nungtasak thei na ngeinakipte tungah a mawh uh hi. Phengphi in nang hong nungngatsan uh a, ngawngkhauhin na thu a ngai kei uh hi.

Paunakte 19:16

Lamlahnate a mang mi, a nuntakna kem hi-a, a lampi a awlmawh lote, si ding hi.

Ezekiel 20:11

Keimah in ka thukipte amaute ka pia a, ka thukhamte ka theisak hi; ahang in, tuate a zuite in nuntakpih ding uh hi.

Ezekiel 20:13

"‘Tua hi napi Israel mite in sehnel gamah kei hong lehdo uh hi. Amaute in ka thukipte zui loin ka thukhamte nial uh a - tuate zui-in gamta-a nungta ding hi na pi - ka Sabbath-te a ninsak gawp uh hi. Tua ahi manin amaute tungah ka thangpaihna ka bua dinga sehnel gamah amaute ka susia ding hi, ka ci hi.

Ezekiel 20:21

"‘Ahi hangin a tate un kei hong lehdo uh hi; ka thukipte zui lo uh a - ka thukhamte limtakin zui loin - tuate a zuite in nuntak lawh ding uh hi napi - ka Sabbath-te a buahsak uh hi. Tua ciangin sehnel gamah amaute tungah ka thangpaihna sungin ka hehna kong zang ding hi, ka ci hi.

Siampi Laibu 18:5

Ka thukipte le ka thukhamte zui un; ahang in, tuate a zui mi tuate bangin a nungta ding hi. Keimah TOPA ka hi hi.

Matthew 19:17

Jesu in, "A hoih thu bang hangin kei hong dong na hi hiam? Mi hoih Khat bek a om hi. Nuntakna na ngah nop leh thupiakte zui in," a ci hi.

Mark 12:34

Jesu in tuapa in pilna tawh dawng cih a theih ciangin ama kiangah, "Nang Pasian gam tawh na kigamla kei hi," a ci hi. Tua-a kipan kuamah in thu dang a dong ngam nawn kei uh hi.

Luke 7:43

Simon in, "Leiba a tamzaw a kimaisakpa hi-in ka um hi," ci-in a dawng hi. Jesu in, "A mantakin na khen zo hi," a ci hi.

Rome-te 10:4

A um peuhmah in thumaanna a ngah theih nadingin thukham tawpna Christ ahi hi.

Rome-te 3:19

Kam khatpeuh a kisipsak nading le leitung mi khempeuh in Pasian mai-ah sittelna a thuak nadingin thukham in a gen khempeuh thukham nuai-a omte tunga a gen ahilam tu-in eite in i thei hi.

Rome-te 7:10

Nuntakna a tun ding thupiak tektek in a taktakin sihna a tun zawsop hi, cih ka theikhia hi.

Galatia-te 3:12

Upna tungah thukham kibulphuh lo hi; tua tawh kilehbulh in, "Tuate a hih mi, tuate hang mahin a nungta ding hi." i

Thupiakkikna 6:24

Eite a tawntungin daupai-a tuni-a bangin i nuntak theih nadingin hih thukipte zui a, TOPA eite Pasian i kihtak nadingin TOPA in thu hong pia hi.