Jude 1:3 - Zokam International Version

³ Kong it lawmte aw, note tawh i tanh khawm hotkhiatna thu no tungah kong gelh ding lawp mahmah napi misiangte tungah khatvei-a cinkim dinga hong kikemsak tua upna na hut theih nading uh kutna lai-a gelh ding kul ka sa hi.

LAISIENGTHOU CL Bible (BSI)

³ Ka itte aw, i tankhawm uh hundamna thu na kung ua, gel kaal ka ngahla mama laitahin, misiengthoute kunga khatvei a setden dinga kipekhie thugin hum a phatuomngai tah a na pan na ding ua, hanthawn na thu hing gel poimaw kasa zaw hi.

Zo Bible

³ Ka itte aw, na kung vuah i neiton uh hutdamna ka giel nuom mama laitahin, mi siengthote tungah a kimang den dinga khatvei beh a kipie tua upna adingin gal na do nading uh kutna lai giel ding a kisap lam ka mu hi.

Jude 1:3 ပူးပေါင်းရင်းမြစ်များ

Nehemiah 13:25

Amaute tai-in ka hamsiat hi. Pasalte pawlkhat te sat-in a humsam uah manin ka bawhsak hi. Pasian minin ka kiciamsaka, "Note in na tanute uh amaute na tenpihsak kei ding uh a, a tanute uh zong no le na tapate uh zi dingin na pi tuan kei ding uh hi.

Isaiah 45:17

Ahi hangin TOPA in tawntung hotkhiatna-in Israel a honkhia ding hi; khang tawntungin note hong kimaizumsak, hong kizahlaksak nawn kei ding hi.

Isaiah 45:22

"No leimongte a omte khempeuh aw, keimah longal Pasian dang om lo ahi manin kei lamah kihei-in kihonkhia un.

Jeremiah 9:3

"Amaute in a leii uh thalpeu bangin zuauthu lot nadingin zang uh a, gam sungah a gualzawh b nadingun thutak a zang kei uh hi. Amaute in mawhna khat khit khat bawl uh a, kei hong thei lo uh hi," TOPA in cikhia hi.

Nasepte 17:3

Christ a in thuak in, misi pan a thawh ding mah a hihna zia teltakin genin a lak hi. Amah in, "Note tunga kong tangko hih Jesu, Christ b ahi hi," a ci hi.

Nasepte 18:28

Ahang in, mipi laka thu kinialnate ah amah in Jesu in Christ hi, ci-in Laisiangtho panin Jew-te a dongkhak giapgiap hi.

Nasepte 20:27

Ahang in, Pasian deihna buppi no tungah kong tangko ding sit ka nei kei hi.

Nasepte 28:28

"Tua ahi manin Pasian hotkhiatna Gentile-te tungah kipuak ta ding hi; amaute in a ngai ding uh hi, cih na theih ding uh ka deih hi," a ci hi. b

Nasepte 4:12

Midang khat beek sungah hotkhiatna a om kei hi. Ahang in, eite kihotkhiat nading van kikhupsin nuai-a mihing tungah a kipia, min dang a om kei hi," a ci hi.

Nasepte 6:7

Tua bangin Pasian thu a kizel hi. Jerusalem ah nungzuite khang semsem a, siampite tampi in tua upna a zui uh hi.

Nasepte 9:13

Ananias in, "Topa aw, hih mipa in Jerusalem a na misiangte a bawlsiatna thu tampi ka za zo hi.

Nasepte 9:22

Tua hi napi Saul khangin vanglian semsem a, tua Jesu, Christ c a hina kitelsakin Damascus a teng Jew-te khempeuh gen ding thei loin a kamkasak hi.

1 Corinth-te 15:3

Ahang in, a thupi e masa penin ka sansa kong piaksawn ahi: Laisiangtho gen bangin eite mawhna adingin Christ si a,

Galatia-te 2:5

Note sungah lungdamna-thu, thutak a om theih nadingin tawmvei sung zong amaute thu ka mang kei uh hi.

Galatia-te 3:28

Greek mi a om kei hi; sila, sila lo a om kei hi; numei pasal a om kei hi. Ahang in, note khempeuh Christ Jesu sungah khat na hi uh hi.

Galatia-te 6:11

Keima khut mahmah in laimal golpipi-a no tunga kong gelhte en dih un!

Ephesa-te 1:1

Pasian deihna hanga Jesu Christ sawltakpi Paul in, Ephesus a a om misiangte, Christ Jesu sunga a muanhuaite b tungah:

Thupiakkikna 21:9

TOPAmuhna ah a maana na sep khit nungsangun, mawhpeng sisan luansakna pan tua bangin no le no na kisiangsak ding uh hi.

Thupiakkikna 9:10

TOPA in Pasian khutme-a kigelh suangpek nih hong pia hi. Tuate tungah mualtunga mipi kikhop ni-a meikuang pana TOPA in a tangko thupiak khempeuh a om hi.

Philippi-te 1:1

Christ Jesu nasem Paul le Timothy in, Philippi a om Christ Jesu sunga misiangte khempeuh le pawlpi kemte a le pawlpi upa teng tungah:

Philippi-te 1:27

Bang khatpeuh piang ta leh, Christ lungdamna-thu tawh a kilawm in, ki-ukin na gamta un. Tua hileh hong hawhin note kong mu a, ka om loh kalin note thu ka galzak zongin lungdamna-thu upna hu in, lungsim kikhatin na dingkip uh cih ka thei ding hi;

Colosse-te 1:2

Colosse a, Christ sunga a siangtho le a muanhuai a sanggamte tungah: Eite Pa b Pasian tung pana hehpihna le lemna note tungah om ta hen.

1 THESSALONIKA 2:2

Na theihsa bangun tunung in Philippi ah hong kiselphona ka thuak uh a, langbawlna khauhtak om napi, i Pasian huhna tawh ama lungdamna-thu no tungah ka gen ngam uh hi.

1 Timothy 1:18

Ka tapa Timothy aw, nang thu tawh kisai, khatvei lai-a genkholhnate tawh kituakin hih lamlahnate kong pia hi. Tua lamlahnate zui-a, upna le lungsim kitheihna hoih lenin galdona hoih na do theih nading ahi hi.

1 Timothy 6:12

Upna galdona hoih na do in. Hong theihpih tampite mai-ah kipulakna hoih na neihsa, hong sapna, tua nuntak tawntungna limtakin lenkip in.

2 Timothy 1:13

Kei tung pana na zaksate, Christ Jesu sunga om upna le itna tawh, hilhna kician lahna-in lenkip in.

Titus 1:4

Eite in i upkhawm upna sunga ka tapa taktak Titus tungah: Pa Pasian le eite Honpa Christ Jesu pana hehpihna le lemna hong tung ta hen.

Hebrews 13:22

Sanggamte aw, laikhak tomno khata kong gelh ahi manin kong hanthawnnate nong thuakzawh ding uh kong thum hi.

Hebrews 6:9

Hih bang i cih tei hangin kong it lawmte aw, no tawh kisai-in hotkhiatna tawh kipawl a hoihzaw nate no aa hi, ci-in lungmuangin ka om hi.

1 Peter 5:12

Sanggam muanhuai banga ka neih Silas c huhna tawh lai tawmno kong gelh a, note hong hanthawnin, hih in Pasian hehpihna taktak ahina teci ka pang hi. Hih thu ah kip un.

2 Peter 1:1

Jesu Christ nasem le sawltakpi Simon Peter in, Eite Pasian le i Honpa Jesu Christ thumaanna tungtawnin kote aa banga a manpha upna a ngahte tungah:

2 Peter 2:21

Thumaan lampi thei khin a, amau tunga kipiasawn thupiak siangtho a nungngatsan kik uh sangin a theikha vet lo uh hileh amau adingin hoihzaw ding hi.

Jude 1:1

Jesu Christ nasem James sanggampa Jude in, Pa Pasian in it a, Jesu Christ in a a kep a kisamsate tungah:

Jude 1:17

Ahi hangin kong it lawmte aw, i Topa Jesu Christ sawltakpite in a gen kholhsa phawk gige un.

Jude 1:20

Ahi hangin no kong it lawmte aw, a siangtho pen note upna ah no le no kilam unla Khasiangtho-in thu na ngen un.

Kilaakna 12:11

Amaute in, Tuuno sisan hang le amaute teci panna thu hangin amah a zo uh hi; amaute in sihna thuak ngam zahin a nuntakna uh a it kei uh hi.

Kilaakna 2:10

Na thuak dingte kihta kei in. Nang hong zia-et dingin dawimangpa in kimkhat thong sungah hong khum dinga, ni sawm sung bawlsiatna na thuak ding uh kong hilh hi. Sih dongin muanhuai un, tua hileh nuntakna lukhu kong pia ding hi.