Joshua 24:19 - Zokam International Version

¹⁹ Joshua in mipite tungah, "Note in TOPA na na sem thei kei ding uh hi. Amah a siangtho Pasian hi a; a aam Pasian ahi hi. Amah in na lehdona uh le na mawhnate uh hong maisak lo ding hi.

LAISIENGTHOU CL Bible (BSI)

¹⁹ Hinanleh Joshua in mipite kungah, “Mangpa nna nasem thei sih ding uhi, Ama Pasian siengthou ahi a, thangsiet hat Pasian ahia, Aman na tatkhelnate u’leh na khelnate uh a ngaidam sih ding hi.

Zo Bible

¹⁹ Hinanle Joshua in mite kungah, “Topa’ na na sem thei sih ding uhi, bangzieh ahei cile ama pen a siengtho Pasien ahi a, a thangsie Pasien zong ahi hi; ama in na thupalsatnate uh ahi a, na mawnate uh ahi zongin ang maisah sih ding hi.

Joshua 24:19 ပူးပေါင်းရင်းမြစ်များ

2 Khangthute 36:16

Ahi hangin TOPA thangpaihna mite tungah tungin a kidamsak zawh loh dong amaute in Pasian kamtaite zahko-in a kammalte simmawh uh a, ama kamsangte a zahpih uh hi.

Phatna-late 99:3

A lipkhaphuai na min lianpi amaute in phat uh hen - amah siangtho hi.

Phatna-late 99:5

Eite Pasian TOPA tawisang unla a khengakna ah bia un; amah siangtho hi.

Phatna-late 99:9

Eite Pasian, TOPA siangtho ahi manin, i Pasian TOPA tawisangin ama mual siangtho ah bia un.

Paikhiatna 20:5

Tuate mai-ah na kun kei ding uh a, zong na bia kei ding uh hi; ahang in, keimah TOPA, note Pasian, kei hong mudahte a pate uh mawhna, a khang thumna le a khang lina donga, a tate uh tunga a thuk a aam Pasian ka hi hi.

Paikhiatna 23:21

Amah thusimin a genna ngai un. Amah langdo kei un; amah ah ka Min a om nungsangin hong maisak lo ding hi.

Paikhiatna 34:14

Ama min Aam ahi TOPA, a aam Pasian ahi manin pasian dang khatpeuh bia kei un.

Paikhiatna 34:7

a tul tampite a it pa, gitlohna, langdona le mawhna a maisakpa ahi hi. Tua hi napi amah in mawhna a bawlte dan tuaksak loin a om kei hi. Amah in pate mawhna tate tung le amaute tate tung, khang thum khang lina dongin dan a tuaksak hi," ci-in a tangko hi.

Isaiah 2:9

Tua bangin mite kiniamsak sukin mihingte kiniamkhiat hi - amaute a maisak kei in.

Isaiah 27:11

A hiang mengte a keu ciangin kitan a numeite pai-in singin a cih uh hi. Ahang in, hih mite in a theitel kei uh hi; tua ahi ciangin amaute a Bawlpa in amaute khuatuah lo a, amaute a Piangsakpa in amaute a angvan kei hi.

Isaiah 30:11

Hih lampi nusia in hih lampi pan pial unla, Israel-te Siangtho Pa tawh hong kimaituahsak nawn kei un," a ci uh hi.

Isaiah 30:15

Hih in Thupipen TOPA, Israel’ Siangtho Pa gen ahi hi: "Kisikna le tawlngakna in note hotkhiatna hi a, daihna le muanna note hatna ahi hi; ahi hangin note na tuaci kei uh hi.

Isaiah 5:16

Ahi hangin Thahatpen TOPA a thutangna hangin kitawisang dinga, a siangtho Pasian in a thumaanna tawh a siangtho a hihna hong lak ding hi.

Siampi Laibu 10:3

Tua ciangin Moses in Aaron kiangah, "Hih in TOPA thugen ahi hi, amah in: ‘Kei hong naihte lakah, kei a siangtho ka hina ka lak ding hi; mite khempeuh muhna-ah kei hong kipahtawi ding hi,’ ci hi," a ci hi. Aaron a daidide hi.

Siampi Laibu 11:44

Keimah TOPA note Pasian ka hi hi; keimah siangtho ka hi manin no le no kisiansuahin siangtho un. Leitunga a bokvak ganhing khatpeuh hangin no le no kisiang losak kei un.

Siampi Laibu 11:45

Keimah note Pasian ahi dingin Egypt pana hong pikhia TOPA ka hi hi; tua ahi manin siangtho un, bang hang hiam cih leh keimah ka siangtho hi.

Siampi Laibu 19:2

"Israel mipi khempeuh hopih inla amaute tungah: ‘Keimah TOPA note Pasian siangtho ka hi manin note zong siangtho un.

Siampi Laibu 20:26

Kei a adingin note a siangtho tuam na hi un; bang hang hiam cih leh keimah TOPA ka siangtho a, keimah in minamte panin kei aa tuam dingin note kong seh tuam hi.

Siampi Laibu 20:7

"‘Note ki-apin siangtho un; bang hang hiam cih leh keimah TOPA note Pasian ka hi hi.

Nahum 1:2

TOPA in a aam le phula Pasian ahi hi; TOPA in phu la-a thangpaihna tawh a dim hi. TOPA in ama galte tungah phu la-a, a galte langah a thangpai hi.

Habakkuk 1:13

Gitlohna et nadingin na mitte ciim lua-a, khialhna na thuak zo kei hi. Tua ahileh bang hangin a zuautatte thuakzo lai na hi hiam? Bang hangin migilote in amaute sanga a thumaanzawte a valhtum laitakun dai hithiat na hi hiam?

Matthew 6:24

"Kuamah in tonih na semkhawm thei lo hi. Khat itin khat a mudah hiam, khat belin a khat a simmawh hiam, khat zawsang hi ding hi. Note in Pasian nasep le sum nasep na thuahkhawm thei kei ding uh hi.

Joshua 24:18

Tua hi-a minamte khempeuh a gam sunga teng Amor-te tawh eite mai panin TOPA in a nawhkhiat ahi hi. Amah eite Pasian ahi manin kote in zong TOPA na ka sem ding uh hi," a ci uh hi.

Joshua 24:23

Joshua in, "Tua ahileh tu-in note laka om gamdang pasiante paimang unla TOPA Israel Pasian tungah na lungsimte uh ap un," a ci hi.

Ruth 1:15

Naomi in, "En dih in, na mopihnu a mipihte le a pasiante kiangah ciah kik hi lo hiam. Amah tawh ciah hoh in," a ci hi.

1 Samuel 3:14

Tua ahi ciangin Eli innkuan tungah, ‘Eli innkuante khialhna biakpiakna le biaknate-in a mai ngei kei ding hi," ci-in ka kiciam hi,’ ka ci hi," a ci hi.

1 Samuel 6:20

Beth Shemesh mite in, "Hih a siangtho Pasian, TOPA omna ah kua om zo ding ahi hiam? Hih mun panin kua in puakto ding ahi hiam?" ci-in a dong uh hi.