Joshua 24:14 - Zokam International Version

¹⁴ "Tu-in TOPA kihta in na muanhuai theih tawpun ama na sem un. Gunpi gal le Egypt a na pute uh biak pasiante paimang unla TOPA’ na sem un.

LAISIENGTHOU CL Bible (BSI)

¹⁴ “Tuaziehin tuin Mangpa giing unlen, gin umna leh thutah toh Ama nna sem unlen, napu leh pate un Lui gal leh Izipt gam a ana anasep uh pasiente paimang unlen, Mangpa na sem un.

Zo Bible

¹⁴ “Tua ahi ziehin tu-in Topa zatah unlen, lungsim tahpi le thumanna tawh ama’ na sem un; na pu na pate un Gun gal le Egypt gam sungah a na a seppieh uh pasien-te koi dawh ta unlen, Topa’ na sem ta un.

Joshua 24:14 ပူးပေါင်းရင်းမြစ်များ

Piancilna 17:1

Abram kum sawm kua-le-kua a phak ciangin ama kiangah TOPA kilanga, "Keimah, a Thahat pen e Pasian ka hi hi; ka mai-ah pai inla kawkbaang kei in.

Piancilna 35:2

Tua ciangin Jacob in a innkuanpihte le amah tawh a omte khempeuh tungah, "Na kep uh gamdang pasiante paikhia unla, no le no kisiansuahin na puansilh uh khek un.

2 Kumpite 20:3

"TOPA aw, nangma mai-ah muanhuaitakin ka kalsuan a, ka lungsim buppi nang hong apin na mit ah a hoihin ka gamta hi," ci-in thu a ngen hi. Tuateh Hezekiah kah cihtakin a kap hi.

Ezra 9:11

‘Note luta na neih ding uh gam in a sunga tengsate nitsaksa ahi hi. A kihhuai amau gamtatna ahi siantholohna mong khat pan a mong khat dong kidim khin hi.

Job 1:1

Uz gamah Job min nei mi khat a teng hi. Hih mipa thutangin a pau baang kei hi; amah in Pasian kihta a gamtat hoih lo a pel hi.

Job 28:28

Tuateh mihing kiangah, ‘Topa kihtakna - tua in pilna hi a, gitlohna pelhna in theihtelna hi,’ ci hi," a ci hi.

Phatna-late 111:10

TOPA kihtakna in pilna kipatna hi-a; ama thusehte a zuite khempeuh in theihtelna hoih a nei uh hi. A tawntungin phatna ama aa ahi hi.

Phatna-late 119:1

TOPA thukham zui-in kalsuan a a gamtatna uh genbaanna a om lo mite thupha ngah ahi hi.

Phatna-late 119:80

Ka maizum loh nadingin na thukipte ah ka lungsim kawkbaang kei hen.

Phatna-late 130:4

Ahi hangin mawhmaisakna nang tawh om ahimanin; nang hong kikihta hi.

Phatna-late 81:10

Keimah note Pasian, TOPA, Egypt pana hong paikhiatpihpa ka hi hi. Na kam zapi-in ka in, ka dimsak ding hi.

Ezekiel 20:18

A tate uh tungah, "Na pate uh bawl ngeinate zui loin amau thukhamte tang kei unla, milimte in kibuahsak kei un.

Ezekiel 23:3

A nungakno lai-ua kipan Egypt gama kizuaksa uh ahi hi. Tua gamah a nawi uh kimeksak khinin a nungak bit hihna uh bei khin hi.

Hosea 3:5

Tua khit ciangin Israel-te kihei kik ding uh a, TOPA amaute Pasian le a kumpi uh David a zong ding uh hi. Nitawp ni ciangin amaute TOPA le a thuphate zuanin ling kawmin hong pai ding uh hi.

Siampi Laibu 17:7

Amaute in a kizuakna uh keel limte d tungah a biakpiaknate uh a pia nawn peuhmah kei ding uh hi. Hih in a maute le khang sawnsawn dongin tawntung thuzek ahi hi,’ ci in.

Micah 6:8

Mipa aw, amah in a hoih hong lak zo hi. Tua hi-a TOPA in nang tungah bang hong kal ahi hiam? Thutangin gamta inla, lainatna it-in, kiniamkhaitin na Pasian tawh kalsuan khawm in.

Luke 8:15

Ahi hangin lei hoihna-a tu khaicite ahileh lungsim picing le lungsim hoih nei in Pasian thu za-in kem dena, thuak keikai-in gah a gahkhiate cihna ahi hi.

Nasepte 9:31

Tua ciangin Judea, Galilee le Samaria gam sunga om pawlpite in lungmuan hun a ngah uh hi. Khasiangtho in hanthawnin thakhauhsak a, tua bangin Topa kihta-a, a nungta mi khangin a tam semsem hi.

2 Corinth-te 1:12

Kote kisialhna hih ahi hi: Leitunga ka gamtatnate uh le a diakdiakin note tawh i kizopna thu ah kote ngaihsutna zang loin Pasian tung pana sianthona le cihtakpina tawh ka gamtatna uh ka lungsim kitheihna un teci a pang hi. Kote in leitung pilna tawh kizui-in hih loin Pasian hehpihna tawh kizui-in tua bangin ka hih uh hi.

Ephesa-te 6:24

A si theilo itna tawh eite Topa Jesu Christ a itte khempeuh tungah hehpihna om ta hen.

Thupiakkikna 10:12

Israel aw, tu-in ahileh TOPA note Pasian in note tungah bangdang hong ngen loin: TOPA note Pasian kihta a, ama lampite zui-in amah it a, na lungsim khempeuh uh le na hinna khempeuh uh tawh TOPA note Pasian na sem-a,

Thupiakkikna 18:13

Note na hi uh leh TOPA note Pasian mai-ah na paubaang kei ding uh hi.

Thupiakkikna 6:13

TOPA note Pasian kihta unla ama na bek semin ama min ah kiciam un.

Philippi-te 1:10

a hoihpen telsiang thei-in Christ ni dong siangtho-in, kawkbanna om loin,

Joshua 24:2

Joshua in mi khempeuh tungah, "Hih in TOPA, Israel Pasian gen ahi hi: ‘Tanglai pekpekin na pate uh Abraham le Nahor-te pa Terah mahmah zong Gunpi a galah tengin pasian dangte a bia uh hi.

Joshua 24:23

Joshua in, "Tua ahileh tu-in note laka om gamdang pasiante paimang unla TOPA Israel Pasian tungah na lungsimte uh ap un," a ci hi.

1 Samuel 12:14

Note in TOPA kihta in, a thu mangin a na na sep uh a, a thupiakte lehdo loin note le no hong uk kumpipa in na Pasian uh TOPA na zuih khawm uh leh - pha hi!

1 Samuel 12:24

Ahi hangin TOPA kihta a na lungsim khempeuh uh tawh muanhuaitakin ama na na sep ding uh ngaihsun un; no adinga hong sepsaksa na lianpite ngaihsun un!

1 Samuel 7:3

Tua ciangin Samuel in Israel innkuan buppi tungah, "Na lungsim khempeuh un TOPA lamah kihei-a, na gamdang pasiante uh le Ashtoreth-te paikhia-un, TOPA tungah ki-apa ama na bek na sep uh leh, amah in note Philistia-te khut panin hong hukhia ding hi," a ci hi.