Joshua 22:22 - Zokam International Version

²² "A Thahatpen Pa, Pasian TOPA! A Thahatpen Pa, Pasian TOPA! Amah in thei hi! Israel in zong thei ta hen! Hih pen TOPA ka lehdona uh a ka hih uh ahih tak leh tuni-in kote hong hinkhawi kei un.

LAISIENGTHOU CL Bible (BSI)

²² “Mangpa pasiente Pasian, Mangpa, pasiente Pasian Aman athei hi, tualeh Israelte mama in zong thei u’hen; ka maitam bawl uh Mangpa kiheimangsan tum a hel tupna ahiei, ahisihleh sil bawlkhiel tupna ahiei a, bawl kahi u’leh tuni’n zong hing hinkhawi da mai un.

Zo Bible

^22-23 “Topa, pasien-te’ Pasien!, Topa, pasien-te’ Pasien! Ama in thei hi; Israel-te in zong thei ta uheh! Tam khu ledona ahi a, Topa upna pana ka peikhiel nading ule, Topa zuina pana ka piel nading vua maitam lam ka hi uleh tuni-in kote ei hinkhawi da heh; tua ahi sihle zong tua tungah meihal biehna ahi a, an tawh biehna ahi a, thunuam biehna ahi zongin pieh nadinga a lam ka hi uleh Topa mama in ei thuh taheh.

Joshua 22:22 ပူးပေါင်းရင်းမြစ်များ

1 Kumpite 8:39

tua ciangin na tenna mun vantung panin na za in. Maisak inla na sem in; mikim lungsim na theihsa ahi nungsang ama sepsa khempeuh tawh kizui-in ngahsak in (ahang in, nang bek in mihing lungsim na thei hi)

Job 10:7

Mawhna ka neih loh lam, na khut panin hong honkhia zo kuamah a om loh lam, thei hi lo na hi hiam?

Job 23:10

Ahi hangin amah in ka kalsuannna thei a; kei hong zia-et khit ciangin kham ka bang ding hi.

Job 31:22

tua ciangin ka liangko pan ka ban kiakhia henla, a guhlawi pan kitankhia hen.

Phatna-late 136:2

Pasiante’ Pasian tungah lungdam ko un. Ama itna kip tawntung hi.

Phatna-late 37:6

Amah in na thumaanna zingsang khuavak bangin tangsak dinga, na thutangna sun nitang bangsak ding hi.

Phatna-late 40:9

Mihon tampi lakah thumaanna ka tangko a; nang theih bangin ka mukte ka khakcip kei hi, TOPA aw.

Phatna-late 44:21

amah in lungsima thusim thei ahi nungsang, Pasian in phawkkhia lo ding ahi hiam?

Phatna-late 44:22

Tua hi napi nangmah cihna-in sun nilohin sihna ka maituah uh a; a kigo ding tuu bangin kote hong kingaihsun hi.

Phatna-late 50:1

Thahat Pa, Pasian, TOPA pau-a, ni suahkhiatna panin ni tumna mun dong leitung kaikhawm hi.

Phatna-late 82:1

Mihonpi kikhopna ah Pasian mapi a; "pasiante" lakah thu khen in:

Phatna-late 95:3

Ahang in, TOPA in a lian Pasian hi a, pasiante khempeuh tunga Kumpi lian ahi hi.

Phatna-late 97:7

Bawltawm milim bia a milimte a kisakheihpih khempeuh kimaizumsak ding hi - no pasiante khempeuh aw amah bia un!

Paikhiatna 18:11

Israel-te tunga a ki-uangsakte tungah hih banga a sem pasian dang khempeuh sangin TOPA a liatzawk lam tu-in ka thei hi," a ci hi.

Jeremiah 12:3

Tua hita leh TOPA aw, kei nong thei a; hong mu-in kong ngaihsutna nong sittel hi. A kisehsat ding tuu bangin amaute kaikhiagawp in! A kigawh ding uh ni ngakin tangkoihkhia in!

Jeremiah 17:10

"TOPA in lungsim zonga, ngaihsutna sittelin mi khat, ama gamtatna tawh kizui, ama nasepna tawh kituakin pahtakman a pia hi."

Daniel 11:36

"Tua kumpipa a ut bangbangin gamta ding hi. Amahmah pasian kici peuhmah tungah kitawisangin kiliansak dinga pasiante’ Pasian langpanna a kiza ngei lo nate a gen ding hi. Thangpaihna a kim hun mateng a gualzo ding hi; ahang in, a kisehsa peuhmah a tun pelmawh kul hi.

Daniel 2:47

Kumpipa in Daniel kiangah "Na Pasian, pasiante’ Pasian hitakpi-in kumpite’ Topa hi a, thuthuk a laakkhiapa ahi hi; ahang in, note in hih thuthuk nong laakkhia thei tazen uh hi," a ci hi.

Micah 7:9

Ama langkhat ah ka mawh hangin ka thu hong thumsak mateng TOPA thangpaihna ka thuak dinga amah in kei hong diksak ding hi. Amah in khuavak ah kei hong puakkhia dinga thumaan ka mu ding hi.

Malachi 3:18

Tua ciangin a thumaante le migilote, Pasian’ na a semte le a sem lote a kikhentuamna na mu ding uh hi.

John 21:17

Ama kiangah, "John Tapa Simon aw, kei nong it hiam?" ci-in a thumveina a dong hi. Jesu in, "Kei nong it hiam?" ci-a a thumveina a dot manin Peter lungsim a nasak hi. Amah in "Topa aw, na khempeuh na thei hi; nang kong it na thei hi," a ci hi. Jesu in, "Ka tuute na vak in.

Nasepte 1:24

Tua khit ciangin thu ngen uh a, "Topa aw, mi khempeuh lungtang na thei hi.

Nasepte 25:11

Ahi ta zongin sihna thuak nading donga mawhna ka neih leh sih ding ka nial kei hi. Ahi hangin hih Jew-te hong mawhmatna a maan lopi ahileh amaute tungah kei a piak nading thuneihna kuamah in a nei kei hi. Caesar tunga ka thu ka tun hi," ci-in a dawng hi.

2 Corinth-te 11:11

Bang hangin? Ken note kong it loh hang ahi hiam? Kong it lam Pasian in a thei hi!

2 Corinth-te 11:31

A tawntunga kiphat ding Topa Jesu Pasian le Pa in ka zuau loh lam a thei hi.

2 Corinth-te 5:11

Tua ahi ciangin kote in Topa kihtakzia ding thei ka hi manun mite zol ding ka hahkat uh hi. Kote ka hi bangun Pasian mai-ah a kiteltakin ka kilang uh a, tua pen mah note in zong na lungsim uh tawh na theihtel ding uh ka lamen hi.

Thupiakkikna 10:17

Ahang in, TOPA note Pasian ahileh pasiante’ Pasian, topate’ Topa, thahatin a kihtakhuai, kuamah deidan a nei lo, golhsum a sang lo a lian mahmah Pasian ahi hi.

1 Timothy 6:16

amah bek a si thei lo, a kineh thei lo khuavak sunga nungtapa, kuama muh ngei loh le a muh theih loh pa ahi hi. Ama tungah pahtawina le thahatna om tawntung ta hen. Amen.

Hebrews 4:13

A kipiangsak khempeuh Pasian muhna pan a kisel bangmah a om kei hi. I thu i tut nading mitmuhin a kisin bangmah om loin kitel sinsen in a om hi.

Joshua 22:21

Tua ciangin Reuben, Gad le Manasseh beh alangte in Israel bawng’ lutangte tungah:

Kilaakna 19:16

Ama puantual tung le a phei tungah: KUMPITE’ KUMPIPA, TOTE’ TOPA ci-in hih min kigelh hi.

Kilaakna 2:23

A tate ka satlum ding hi. Tua ciangin pawlpi khempeuh in lungtang le lungsim zong a pheklekpa ka hilam hong thei ding uh a, note khempeuh na gamtatna bangun kong thuk ding hi.

1 Samuel 15:23

Ai sanna hanga mawhna le lehdona a kibang hi a, milim bia a gamtatsiatna le kiphatsakna a kibang ahi hi. TOPA thu nial khin na hi manin amah in kumpi dingin nang hong nolh khin hi." ci-in a dawng kik hi.

1 Samuel 2:3

"Pasian ahi TOPA in thei a, gamtatnate khaikak ahi manin kiphatsak paupau kei inla tua bang kisaktheihna na kam pan gingkhiasak kei in.