John 9:39 - Zokam International Version

³⁹ Jesu in, "Mittawte in khua a muh nading le mitvakte a mit uh a tawt nading, thukhen dingin hih leitungah kong pai hi," a ci hi.

LAISIENGTHOU CL Bible (BSI)

³⁹ Tuachi’n “Mu theilouten ahing mutheina ding u’leh, mitvahte mit ahing tawt theina dinga vaihawm dingin leitunga hing pei ka hi,” achi hi.

Zo Bible

³⁹ Jesu in, “Khuo mu thei lote in khuo a mu nading ule khuomu theite in a mu thei lo nadingun thukhen dinga leitunga ang pei ka hi hi,” a ci hi.

John 9:39 ပူးပေါင်းရင်းမြစ်များ

Isaiah 29:10

TOPA in hong ihsipsak zo a: na mitte khakcipin (kamsangte); na lu a tuncip zo hi (thumu kholte).

Isaiah 44:18

Amaute in bangmah thei lo uh a; bangmah a theitel kei uh hi; khua muh theih loh nadingin a mitte uh kibelh a, a theihtel theih loh nadingun a lungsim uh kikhaksak hi.

Isaiah 6:9

Amah in, "Pai inla hih mite kiangah va gen in: "‘Note in zaza napi theitel ngei loin; mumu napi na mutel ngei kei ding uh hi.

Ezekiel 12:2

"Mihing tapa aw, nang a lehdo mite lakah na teng hi. Amaute a lehdo mi ahi manun mit nei napi mu lo uh a, zak nading bil nei napi khua a za kei uh hi.

Matthew 11:5

Mittawte in khua mu a, khebaite lam pai-in, miphakte a damsiang uh a, bilngongte in khua za hi; misite kithosakin, mizawngte kiangah lung damna thu kigen hi.

Matthew 15:14

Amaute thudon dah lel un; amaute, mittaw lamhilhte f ahi uh hi. Mittaw khat in mittaw dang khat makaih leh a nih un kawhawm sungah kiakhawm ding uh hi," ci-in a dawng hi.

Matthew 6:23

Ahi hangin na mit a siat leh na pumpi tung khempeuh a mial ding hi. No sunga om khuavak, khuamial ahileh bangzah in a mial tazen tam!

Luke 1:79

khuamial sung le sihna liim le khuamial sunga tengte tungah tangin, i khete lemna lampi a tawnsak ding hi," a ci hi.

Luke 13:30

A nunungte masa a, a masate nunung cih a om takpi hi," ci-in a gen hi.

Luke 2:34

Tua ciangin Simeon in amaute thupha pia-a, a nu Mary kiangah, "Hih naungek in Israel gam sunga mi tampi a puk nading, a thawh nading le a kilanggenna lim dinga laitansa ahi hi.

Luke 4:18

"Mizawngte tunga lungdamna-thu hilh dingin keimah sathau hong nilh khin zo ahi manin, Topa Kha ka tungah a om hi. Amah in thongkiate suaktasak ding, mittawte khua musak ding, a kinengcipte khahkhia ding,

Luke 7:21

Tua hun laitak tektekin Jesu in natna satna le kha gilo a veite tampi damsakin, mittaw tampi khua a musak hi.

John 12:31

Hih leitunga thu khen ding tu hun ahi hi; hih leitung a ukpa tu-in kihawlkhia ding hi.

John 12:46

Kei hong um khat beek khuamial ah a om loh nadingin khuavakin leitung ah hong pai ka hi hi.

John 3:17

Ahang in, leitung mawhpaihsak dingin Pasian in a Tapa leitungah a sawl kei hi. Ama tung tawnin leitung a honkhia dingin a sawl hizaw hi.

John 3:19

Thutanna hih ahi hi: Leitungah Khuavak hong tung zo hi, ahi hangin mihingte in a gamtatnate uh gilo ahi manin khuavak a it tangun khuamial a it uh hi.

John 8:12

Jesu in mihonpi tungah thu a gen khit ciangin, "Keimah leitung khuavak ka hi hi. Kei hong zui peuhpeuh khuamial lakah pai loin nuntakna khuavak a nei ding hi," a ci hi.

John 8:15

Note in mihing thukhen bangin na khen uh a, ken kuama tungah thu ka khen kei hi.

John 9:25

Amah in, "Amah mawh nei ahi le ahi loh ka thei kei hi. Na khat ka thei hi, ka mit a tawsa hi-a ahi zongin tu-in khua ka mu hi!" ci-in a dawng hi.

Nasepte 26:18

Keimah hong upna hangun mawhnate maisakna le sian thosaksate lakah mun a ngah theih nadingun, amaute mit honsak ding, khuamial pan khuavak ah a hei ding, Satan vangliatna pan Pasian lam a ngasak dingin nang kong sawl ding hi,’ hong ci hi.

2 Corinth-te 2:16

Khat tungah sihna gimnam ka hi uh a, adang khat tungah nuntakna gimnamtui ka hi uh hi. Tua bang nasem dingin kua kicing ahi hiam?

Ephesa-te 5:14

Ahang in, na khempeuh a kimu theisak khuavak ahi hi. Hih thu hangin: "Ihmu mi aw, khanglo in, misi panin tho in, tua hileh nang tungah Christ a tang ding hi,"a na ci hi.

2 THESSALONIKA 2:10

a mangthang dingte a khem gitlohna namkimin hong pai ding hi. Amaute in thutak it ding le a kihotkhiat ding a nial manun a mangthang uh hi.

1 Peter 2:9

Ahi hangin note na hi uh leh khuamial sung pan hong samkhia-a, ama khuavak lamdang sunga hong tunpa phatna na tangko theih nadingun hong teeltuam mi pawl, kumpi nam, siampi, minam siangtho, Pasian mite na hi uh hi.

1 John 2:11

Ahi hangin a sanggampa a mudah peuhmah khuamial sunga om hi-a khuamial sunga vak kawikawi ahi hi. Khuamial in a mit tawsak ahi manin a pai nading mel a thei kei hi.