John 9:22 - Zokam International Version

²² Jew-te in: Jesu pen Christ a hi, ci-a a sang peuhmah synagogue pan kihawlkhia ding hi, ci-a thukhensatna nei zo uh ahi ciangin a nu a pa-te in Jew-te a kihtak manun hih banga a gen uh ahi hi.

LAISIENGTHOU CL Bible (BSI)

²² Mittopa nulepaten tambanga thu agen u’khu Judate agiin zieh uh ahi; aziehpen koizong Ama Khrist ahi chi a gen pouma kikhopna inn apata nawdoh ding ahi chiin Judaten kithukimna khat aneisa uh ahi.

Zo Bible

²² A nu a pate in Jew mite a giin ziehun tam banga a gen uh ahi hi; azieh pen mi khatpo Messiah danin a kigen leh Jew mite kikhopna inn panin kinotmang ding hi, ci-in thukimna a neisa uh ahi hi.

John 9:22 ပူးပေါင်းရင်းမြစ်များ

Paunakte 29:25

Mihing kihtakna thang kikamsa suak dinga, TOPA a muang peuhmah kihumbit ding hi.

Isaiah 51:12

"Kei, kei mahmah note hong hehnempa ka hi hi. Mihing hi lel a, mihing tapate ahi lel, lopa bang lelte a kihta nang kua na hiam?

Isaiah 51:7

"Thumaan thei a, a lungsimah ka thukham a vomte aw, ka thugen ngai un: mite kosiatna kihta kei unla amaute engkona hangin patau kei un.

Isaiah 57:11

"Kei tunga na khialh nading, nong mangngilh nading le na lungsim nangawna nong ngaihsut lohna zah dong dingin lau a na kihtak kua ahi hiam? Daitaka sawtveipi ka om manin kei hong kihta lo hilo na hi hiam?

Luke 6:22

Mite in note hong mudah uh a, Mihing Tapa hangin amaute in note hong puaseh in, hong engko in na min uh siasak a, hong nolh uh ciangin thupha ngah na hi uh hi.

John 1:19

Tu-in Jerusalem a Jew-te in, John kua hiam cih a dong dingin siampite le Levi-te ama kiangah a sawl uh ciangin ama teci panna hih ahi hi.

John 16:2

Amaute in synagogue panin hong hawlkhia ding uh hi. A taktakin, note hong that peuhpeuh Pasian nasem-a a kingaihsut hun hong tung ding hi.

John 19:38

Tua nung ciangin Arimathea a teng Joseph in Pilate kiangah, Jesu luang a ngen hi. Joseph, Jesu nungzui khat ahi hangin Jew-te a kihtak manin a langtang in a zui kei hi. Amah pai-in Pilate phalna tawh a luang a la hi.

John 20:19

Tua nipikal, ni masa ni nitak in, Jew-te kihta-in kong kikalhkhum uh a, a kikhop laitakun, Jesu pai-in amaute lakah va dinga, "Lungmuanna, note tawh om ta hen!" a ci hi.

John 7:13

Ahi hangin Jew-te kihtakna hangin ama thu kuamah in mipi zakin a genkhia kei uh hi.

John 9:18

Jew-te in amah mittaw ngei-a tu-in khua mu thei ahilam, a nu-le-pa a sapsak matengun a um kei teitei uh hi.

John 9:21

Ahi zongin bangci bangin tu-a khua mu thei-a, kua in a mit vaksak cih ka thei kei uh hi. Amah dong dih un. Amah picing ta hi; ama thu amahmah in gen hen," a ci uh hi.

John 9:34

Hih thu ah amaute in, "Nang, suah tunga mawhna tawh a kidim pa, bang hangin ko thu hong hilh ngam tazen na hi hiam!" ci-a a dawn kik khit uh ciangin amah a hawlkhia uh hi.

John 9:35

Amaute in tuapa hawlkhia uh cih Jesu in za a, amah a muh ciangin, "Mihing Tapa na um hiam?" a ci hi.

Nasepte 4:18

Tua khit ciangin amaute sam kik uh a, Jesu minin thu gena, a hilh nawn het loh nadingun thu a pia uh hi.

Nasepte 5:13

Mipite in amaute tunget mahmah tei napi, a pawlpih ngam kuamah a om kei hi.

Nasepte 5:40

A thugen in amaute a thuzawh hi. Amaute in inn sungah sawltakpite sam in a sat uh hi. Tua ciangin amaute in Jesu mina thu a gen nawn loh nadingun thu pia uh a, amaute a khah uh hi.

Kilaakna 21:8

Ahi hangin a meidawite, a umlote, a tatsiate, tualthatte, numei le pasal paktatte, mi bumte, milim biate le zuauphuakte khempeuh - amaute mun ding, kaat kuang meilipi sung hi ding hi. Hih pen sihna nihna ahi hi," hong ci hi.