John 9:16 - Zokam International Version

¹⁶ Pharisee-te pawlkhat in, "Tua mipa in Sabbath ni tang lo ahi manin Pasian kiang pana hong pai ahi kei hi," a ci uh hi. Adangte in, "Mawh nei mi khat in tua bang limlamdang bangci bawl theih ding ahi hiam?" a ci uh hi. Tua ciangin amaute a kipawlkhen uh hi.

LAISIENGTHOU CL Bible (BSI)

¹⁶ Tuaziehin Pharisaite Pawlkhat in, “Tam mipa Pasian a pat a hing kipan ahi sih, aziehpen khawlni atang sih hi,” achi uhi. Midangte’n “Bangchidan in mi khiel in tambang sillamdang abawl thei diei?” achi ua, tuachi’n alah uah kikhenna a umta hi.

Zo Bible

¹⁶ Pharisee-te pawlkhat in, “Tam mipa in Sabbath ni tang lo ahi ziehin Pasien kung pan hi lo ding hi,” a ci uhi. Ahi vangin adangte in, “Mawnei mi khat in tam bang lim lamdangte bangci bawl thei ding ahei?” a ci uhi. Tuale amate lahah kikhenna a om hi.

John 9:16 ပူးပေါင်းရင်းမြစ်များ

Matthew 12:10

Tua lai-ah a khut langkhat a tem mi khat a om hi. Amaute in Jesu mawhna a zon nop manun, "Sabbath ni-in cina damsak ding thukham tawh a kituak hiam?" ci-in a dong uh hi.

Matthew 12:2

Pharisee-te in a muh uh ciangin ama kiangah, "En dih in! Na nungzuite Sabbath ni-in thukham tawh kituak loin a gamta uh hi," a ci uh hi.

Luke 13:14

Sabbath ni-in Jesu in cina damsak ahi manin synagogue ukpa lungkim lo a mipite kiangah, "Nasep hun ding ni guktak a om hi. Tua ahi ciangin a kidamsak dingin tua nite in hong pai unla, Sabbath ni-in hong pai kei zaw un," a ci hi.

John 10:19

Hih thute hangin Jew-te a kipawl khen leuleu uh hi.

John 14:11

Pa sungah kei ka om a, kei sungah Pa a om hi, ka cih ciangin kei hong um un. Tua ahikeh zong nalamdangte kitelsakna beek um un.

John 15:24

Amaute lakah kuama bawl loh va bawl kei leng, amaute khialhna hangin a mawh suak lo ding uh hi. Ahi hangin tu-in hih nalamdangte mu zo uh a, tua hi napi amaute in kei le ka Pa hong mudah khawm uh hi.

John 2:11

Jesu nalamdang bawlte lakah a masa pen hih Galilee gam Cana-a a bawl ahi hi. Amah in a minthanna tua bangin kilaaka, a nungzuite in amah a um uh hi.

John 3:2

Amah zanin Jesu kiangah va pai-a, "Rabbi aw, Pasian kiang pana hong pai siapa na hi cih ka thei uh hi. Ahang in, Pasian in a ompih kei leh kuamah in na bawl lim lamdangte a bawl thei kei ding hi," a ci hi.

John 5:10

Tua ahitak ciangin Jew-te in a kidam sakpa kiangah "Sabbath ni ahi hi, thukham in phek na puak ding kham hi," a ci uh hi.

John 5:36

"John teci panna sanga thugik zaw ka nei hi. Ahang in, Pa in zawh khit dinga hong piak tua ka nasep pen Pa in kei hong sawl ahina teci ahi hi.

John 6:52

Tua ciangin Jew-te in, "Hih pa in i nek dingin a sa bang hong ci piak theih ding hiam?" ci-in nakpi-in a kinial uh hi.

John 7:12

Mihonpite lakah ama thu kihuausim uh a, a kizel thang hi. Pawlkhatte in, "Amah mi hoih hi," a ci uh hi. Adangte in, "Hi kei, amah’n mite a khem hi," a ci uh hi.

John 7:23

Sabbath ni-a naupangte vun-at in Moses thukham palsat lo ahileh bang hangin Sabbath ni-a mi ka damsiangsak ciangin ka tungah heh na hi uh hiam?

John 7:43

Tua bangin Jesu hangin mihonpite a kikhen uh hi.

John 9:24

Mittaw ngei pa a nihveina sam kik uh a, "Pasian min thangsak in b Kote in hih pa mawhnei hi, cih ka thei uh hi," a ci uh hi.

Nasepte 14:4

Khuapi mite kipawl khen uh a, pawlkhatte Jew-te lamah pangin adangte sawltakpite lamah a pang uh hi.