John 8:55 - Zokam International Version

⁵⁵ Note in amah na theih loh uh hangin ken amah ka thei hi. Amah ka thei kei hi, ci leng note mah bangin zuauphuak ka hi ding hi. Ahi hangin amah ka thei-a a thu ka zui hi.

LAISIENGTHOU CL Bible (BSI)

⁵⁵ Hinanleh nouten Ama na thei sih ua, ken Ama ka thei hi. Ama ka thei sih chileng noute banga mi zuou ka hita ding hi, hinanleh Ama ka thei tahtah a, athu zong ka zui hi.

Zo Bible

⁵⁵ Note in ama na thei sih vua, ahi vangin ke’n ama ka thei hi; ama ka thei sih hi, ci leng note bangin mizuou ka hi ta ding hi. Ahi vangin ke’n ama ka thei a, a thu zong ka mang hi.

John 8:55 ပူးပေါင်းရင်းမြစ်များ

Jeremiah 4:22

"Ka mite hai uh a; kei hong thei lo uh hi. Amaute naupang thu thei lo hi uh a; theihtelna a nei kei uh hi. Amaute gitloh siam uh a, a hoih sep ding a thei kei uh hi," a ci hi.

Jeremiah 9:3

"Amaute in a leii uh thalpeu bangin zuauthu lot nadingin zang uh a, gam sungah a gualzawh b nadingun thutak a zang kei uh hi. Amaute in mawhna khat khit khat bawl uh a, kei hong thei lo uh hi," TOPA in cikhia hi.

Hosea 5:4

"Amau gamtatnate in amaute Pasian lamah a kihei ding uh phal lo hi. Amaute lungsim ah kizuakna kha om hi; amaute in TOPA a phawkkha kei uh hi.

Matthew 11:27

"Ka Pa in na khempeuh kei hong ap zo hi. Pa longal kuamah in Tapa a thei kei hi. Tapa le Tapa in amah a lah theih nadinga a teel mite longal in Pa a thei kei uh hi.

Luke 10:22

"Ka Pa in na khempeuh kei hong ap zo hi. Tapa kua hiam, cih Pa longal kumah in thei lo-a, Pa kua hiam, cih Tapa le Tapa in a theihsak dinga a teelte longal kuamah in a thei kei uh hi," a ci hi.

John 1:18

Kuamah in Pasian a mu ngei kei hi. Ahi hangin Pa kianga om Tapa neihsun bek e f in amah a kitheisak zo hi.

John 10:15

Pa in kei hong theih bang tektekin kei zong Pa ka thei hi - tua hi-a ka tuute ading ka nuntakna ka kham hi.

John 15:10

Ka Pa thupiakte manga ama itna sungah ka om bang tektekin, kong thupiakte na man uh leh ka itna sungah na om ding uh hi.

John 15:21

Ka min hangin amaute in note hih bangin hong bawl ding uh hi. Ahang in, amaute in kei hong Sawlpa a thei kei uh hi.

John 16:3

Kei ka hi a, ka Pa ahi zongin hong thei lo uh ahi manin amaute in tua bangin a hih ding uh hi.

John 17:25

"A thumaan Pa aw, leitung in nang hong thei kei zongin, ken nang kong thei-a, nang, kei nong sawl amaute in a thei uh hi.

John 6:46

Pasian kiang pana hong pai mi khat longal Pa a mu ngei a om kei hi. Amah bek in Pa a mu zo hi.

John 8:19

Tua ciangin amaute in, "Na Pa koi-ah om hiam?" ci-in a dong uh hi. Jesu in, "Note in kei ka hi-a, ka Pa ahi zongin na thei kei uh hi. Kei hong thei le uh cin, ka Pa zong na thei ding uh hi," ci-in a dawng hi.

John 8:29

Ama lungkimna bek sem ka hi manin, kei hong sawlpa kei tawh omkhawma, kei guak hong nusia kei hi," a ci hi.

John 8:44

Note, na pa uh dawimangpa suan na hi uh hi. Tua ahi manin na pa uh deihna na tangtungsak nuam uh hi. Amah a cil panin tualthatpa hi-a, ama sungah thutak om lo ahi manin thutak a len kei hi. Amah zuau thei-a, zuauphuakte pa ahi manin zuau a gen ciangin ama pianpih pau-a pau ahi hi.

John 8:51

Thutak kong geninah ka thu a zui mi in sihna a mu ngei kei ding hi," a ci hi.

John 8:52

Jew-te in hih thu a zak uh ciangin, "Dawi lut na hilam tu-in ka thei ta uh hi! Abraham si-a tua mah bangin kamsangte zong a si uh hi. Tua hi napi mi khatpeuh in na thu a zuih leh sihna ciam kha lo ding, na ci hi.

Nasepte 17:23

Ahang in, pai kawikawi-a, na biak uh nate ka vel leh biakna-tau khat ah: THEIHLOH PASIAN ADING, ci-a kigelh ka mu hi. Tu-in note in na theih loh uh na biak uh, note tungah kong tangko ding hi.

2 Corinth-te 4:6

Ahang in, "Khuamial lak panin khuavak tang hen," b a cipa Pasian in Christ maitang a om Pasian minthanna, tua theihna khuavak hong piak nadingin kote lungsim sungah khuavak hong tangsak hi.

1 John 1:6

Eite amah tawh i kipawl hi, ci napi in khuamial sungah i kalsuan lai leh zuauphuak i suaka, thutaka nungta lo i hi hi.

1 John 2:22

A zuaupa kua ahi hiam? Jesu in Christ ahi hi, cih thu a nial mi a zuaupa ahi hi. Tua bang mi antichrist hi-a, amah in Pa le Tapa a nial hi.

1 John 2:4

"Amah ka thei hi," a ci mi in ama thupiakte a zuih kei leh zuauphuak hi-a, ama sungah thutak a om kei hi.

1 John 5:10

Pasian Tapa a um mi peuhmah in a lungtang sungah hih teci panna a nei hi. Pasian a um lo mi peuhmah in Pasian in a Tapa thu teci a panna um lo ahi manin amah zuauphuak a suaksak hi.

Kilaakna 3:9

Satan synagogue ahite, Jew mi hi lo napi Jew mi a kici, ahi hanga zuauphuakte, hong paisakin na khephungah ka puksak dinga nang kong it lam ka theisak ding hi.