John 8:28 - Zokam International Version

²⁸ Tua ciangin Jesu in, "Mihing Tapa na khaitoh khit uh ciangin kei a tua ci ding mah ka hilam nong thei ding uh hi. Pa in kei hong hilh teng bek ka gena, kei thu-in bangmah ka sep loh lam zong na thei ding uh hi.

LAISIENGTHOU CL Bible (BSI)

²⁸ Tuachi’n Jesu’n akung uah, “Mihing Tapa na khaikang zou chiengun, Kei ama ka hi chi leh. Keima thuin bangma ka bawl sih a, hinanleh ka Pa’n ahing hil bangin tam thute ka gen zaw ahi, chi na thei ding uhi.

Zo Bible

²⁸ Tuaci’n Jesu in, “Mihing Tapa na khaito zaw ciengun kei ama ka hi lamtah nei thei ding vua, tuale keima in ka thu tawh bangma bawl loin Pa ei hil banga thugen ka hi lam note in nei thei ding uhi.

John 8:28 ပူးပေါင်းရင်းမြစ်များ

Paikhiatna 3:14

Pasian in Moses kiangah, "Keimah ahi keimah ka hi hi. Hih in Israel-te kianga na gen ding ahi hi: ‘KEIMAH b in note kiangah hong sawl hi, ‘ ci in," a ci hi.

Matthew 24:5

Keima minin mi tampi hong pai ding uh a, ‘Keimah, Christ d ka hi hi,’ ci-in mi tampi khem ding uh hi.

Mark 13:6

Keima minin mi tampi hong pai ding uh a, ‘Keimah in amah ka hi hi’ ci teltalin mi tampi a khem ding uh hi.

Luke 21:8

Amah in, "Note kuamah in hong khem zawh loh nadingin na kigalging un. Ahang in, keima minin mi tampi hong pai ding uh a, ‘Amah ka hi hi. Hun hong nai ta hi,’ hong ci tangtang ding uh hi. Amaute na zui kei un.

John 11:42

Ka thu nong sang tawntung cih ka thei hi. Ahi hangin hih lai-a ding mite phattuam nading, nang kei hong sawl na hilam a up nading uh deihna-in hih ka gen hi," a ci hi.

John 13:19

"Hih thu a pian ciangin kei amah ka hilam na up nadingun a pianma tu-in note tungah kong gen khol hi.

John 16:10

thumaanna thu ah, note in kei nong muh nawn loh nading uh mun Pa kiangah ka pai ding hang;

John 18:32

Bangci banga sihna thuak ding cih, Jesu in ama sih nading thu a genkholhna, a tangtun nadingin hih thu a piang ahi hi.

John 19:18

Amaute in amah singlamteh tungah a kilh uh hi. Amah tawh midang nih - alang tuakah khat tuak kilhin a laizangah Jesu a kilh uh hi.

John 3:11

Thutak kong geninah, kote in ka theih uh ka gen uh a, ka muhsa uh teci ka pang uh hi, ahi hangin no mite in ka tecipanna uh na sang kei lai uh hi.

John 3:14

Moses in gamlakah gul a khai bang tektekin Mihing Tapa kikhai ding hi.

John 4:26

Tua ciangin Jesu in, "Amah pen tu-a nang hong hopih pa ka hi hi," a ci hi.

John 5:19

Jesu in amaute hih in a dawng hi: "Thutak kong geninah, Tapa in amah guakin bangmah a hih thei kei hi; a Pa hih a muhsate bek hih thei hi. Bang hang hiam cih leh, Pa hih peuhpeuh Tapa in zong a hih hi.

John 5:30

Kei thu guakin bangmah ka hih thei kei hi. Ka zak bangin thu ka khen hi.Tua ahi ciangin ka thukhenna atang hi. Ahang in, kei lungkim nading zong loin kei hong sawlpa lungkimna ka zong zaw hi.

John 6:38

Ahang in, kei deih bang sem ding hi loin kei hong sawlpa deih banga sem dingin vantung pan kong paisuk hi.

John 8:24

Na mawhnate uh sungah na si ding uh hi, kong ci hi. Keimah tua ka cih pa a ka hi cih na up kei uh leh na mawhnate uh sungah na si takpi ding uh hi," a ci hi.

John 8:27

A Pa thu a gen ahilam amaute in a phawk thei kei uh hi.

John 8:58

Jesu in, "Thutak kong geninah, Abraham suah ma-in kei ka om hi!" a ci hi.

Nasepte 2:41

Ama thu gen a sangte kibaptise uh a, tua ni-in amau pawl sungah mi tul thum bang a kibehlap hi.

Nasepte 4:4

Ahi hangin amaute thupuak a za mi tampi in um uh a, pasal tulnga bang pha ta hi.

Rome-te 1:4

sianthona Kha a tungtawna misi pana a thawhkikna hanga Pasian Tapa ahina vangliatna tawh a kipulakkhia pa b i Topa Jesu Christ ahi hi.

Thupiakkikna 18:18

Amau sanggamte sung panin amau ading nang tawh a kibang kamsang khat ka khangsak dinga; a kam ah ka thute guanin amah ka thupiak peuhmah amaute tungah a gen ding hi.