John 7:7 - Zokam International Version

⁷ Leitung in no hong mudah thei kei ding hi. Ahi hangin a gamtat hoih lote lakkhia ka hi manin kei hong mudah hi.

LAISIENGTHOU CL Bible (BSI)

⁷ Noute leitung pumpi in ahing muda thei sih a, Kei pen ahing muda uhi: asilbawl giloute uh ka theisah zieh in.

Zo Bible

⁷ Leitung in note ang muda thei sih vangin kei ei muda hi, azieh pen a silbawlte hoi lo hi, ci-a teci ka pan zieh ahi hi.

John 7:7 ပူးပေါင်းရင်းမြစ်များ

1 Kumpite 21:20

Ahab in Elijah kiangah, "Ka galpa aw, kei hong mu zo mah teh!" a ci hi. Amah in, "Nang hong mu zo mah ing, bang hang hiam cih leh TOPA mitah a gilo dingin na kizuak hi.

1 Kumpite 22:8

Israel kumpipa in Jehoshaphat kiangah, "TOPA thu i dot theih ding mi khat om lai hi, ahi hangin amah ka mudah hi, bang hang hiam cih leh kei tawh kisai a hoih khat beek genkhol ngei lo-a a sia bekbek a gen hi. Amah Imlah tapa Micaiah ahi hi," ci-in a dawng hi. Jehoshaphat in, "Kumpipa in tua bang ci kei in," ci-in a dawng kik hi.

Phatna-late 109:5

Amaute in hoihna, gitlohna-in hong thuk uh a, ka lawmbawlna, muhdahna-in hong thuk uh hi.

Paunakte 15:12

Mi simmawhpa in kipuahphat ding hehsan hi; mipilte thu dong lo ding hi.

Paunakte 8:36

Kei hong zong lo mi ahileh amah le amah kinasak hi-a, kei hong mudah khempeuh sihna it ahi hi.

Isaiah 29:21

mi mawhna zonga kammal khat tawh zum sunga mi thangsiahte le mawhpengte thutangna zuau teci panna tawh a lakkhiatsakte khempeuh kisusia mang ding hi.

Isaiah 49:7

TOPA gen hih ahi hi - Israel-te Tanpa le Siangtho Pa - a minamin simmawh a, a kih uh gam-ukte’ nasempa tungah: "A muanhuaipa TOPA - nang hong teelpa Israel-te Siangtho Pa hangin kumpite in nang hong muh uh ciangin dingto ding uh a, kumpi tapate in nang hong muh uh ciangin a kunsuk ding uh hi," hong ci hi.

Jeremiah 20:8

Ka paukhiat nak leh ngongtatna le siatna ka tangko khia hi. Tua ahi ciangin TOPA kammal ka genkhiatna hangin sun niloh-in hong ki-engko a hong kisimmawh hi.

Siampi Laibu 13:10

Siampipa in amah veel dinga a vun sungah kangin bawka a multe a kan khita a bawk sungah mathak a om leh,

Zechariah 11:8

Kha khat sungin tua tuucing thumte ka hemkhia hi. Tuuhonte in kei hong hua uh a, kei zong amaute cimtakin,

Malachi 3:5

"Tua ciangin note kiangah thukhen dingin kong pai ding hi. Keimah in aitawi-te, numei tawh mawhte le ciampelte, nasemte thaman a khembawlte, meigongte le pa nei lote a nengniam a, pemtate thutangna a thusim lote le kei hong kihta lote langah teci pangin manlangin thu ka khen ding hi," Thahatpen TOPA in ci hi.

Luke 6:26

Mi khempeuh in note hong phatgen uh ciangin gimna na thuak ding uh hi, ahang in, na pu na pa-te un kamsangzuaute tua bangin a hih uh hi.

John 17:14

Amaute tungah na thu ka pia khin a, kei leitung aa ka hi lo bangin amaute zong leitung aa hi nawn lo uh ahi manin leitung in amaute a mudah hi.

John 3:19

Thutanna hih ahi hi: Leitungah Khuavak hong tung zo hi, ahi hangin mihingte in a gamtatnate uh gilo ahi manin khuavak a it tangun khuamial a it uh hi.

Rome-te 8:7

Mawhdim lungsim g in Pasian a langneih hi. Tua in Pasian thukham a mang kei hi; zong a mang thei kei hi.

Galatia-te 4:16

Tu-in note thutak kong hilh mana na gal uh suak ka hi hiam?

James 4:4

No angkawm hat mite aw, leitung tawh kilawmtakna in Pasian lama muhdahna ahilam thei lo na hi uh hiam? A lawm dinga leitung a teelte peuhmah Pasian gal a suak hi.

1 John 4:5

Amaute leitung pan hi uh a, tua ahi manin leitung ngaihsutna tawh thu genin leitung in amau thu a ngai hi.