John 6:27 - Zokam International Version

²⁷ A sia thei an ngah nadingin na na sep uh sangin Mihing Tapa hong piak ding, nuntak tawntungna donga kimang ding an ngah nadingin sem zaw un. Pa Pasian in amah a sanna ciamtehna ama tungah a koih zo hi," ci-in a dawng hi.

LAISIENGTHOU CL Bible (BSI)

²⁷ Ann mangthang sui in phiephie sih unlen, Mihing Tapa in ahing pieh ding kumtawn hinna donga umden ding ann sui in phe zaw un. Pa Pasian in Ama tungah chiemtena a akoita hi.”

Zo Bible

²⁷ A sie thei an nga nadingin hakat sih unlen, Mihing Tapa in ang pieh ding kumtawn hinna dinga a kimang thei an nga nadingin hakatzaw un. Azieh pen Pa Pasien in ama tungah a ciemtena seal a khen zo ta hi,” ci-in a dawng hi.

John 6:27 ပူးပေါင်းရင်းမြစ်များ

Phatna-late 2:7

TOPA thukip ka tangko ding hi. Amah in, "Nang ka Tapa d na hi hi tu ni-in kei na Pa e ka suakkhin hi.

Phatna-late 40:7

Tuateh, "Kong paikhin a, hiah ka om hi - ka thu laizial sungah a kigelh khin hi. d

Paunakte 9:5

"Hong pai-in ka an ne unla, ka leihsa zu dawn un.

Thuhilhna 6:7

Mi khempeuh gimpih a kama ding bek hi napi, a ankam limna in phazo sak hun nei lo hi.

Isaiah 42:1

"Hih lai-ah ka letkip, ka lungkimna, ka telsa ka nasempa a om hi. Ama tungah ka Kha ka koih dinga, amah in minamte tungah thutang a puak ding hi.

Isaiah 55:2

Anlum leina loin bang hangin sum zanga, gilvahna ding lopi-in na sem na hi uh hiam? Ngai un, ka thu ngai-un, anlim ne un, na hinna un anlim pen ne-in a tai ding hi.

Jeremiah 15:16

Na thute hong tun ciangin ka ne hi; na min vom ka hi manin TOPA Thahatpen Pasian aw, tuate ka nopsakpih a, ka lungsim ah nuam ka sa hi.

Habakkuk 2:13

Hih in Thahatpen TOPA piansak hi a, mihing gimna meikhu-in lengmang khinin, minamte sepsate bangmah lo suaksak hi lo ahi hiam?

Matthew 17:5

Tua banga a pau laitakin meiingo khat in amaute tuama, tua meii lak panin, "Hih in, ka it ka Tapa ahi hi, ama tungah ka lung a kim mahmah hi; ama thu na ngai ta un!" ci-in aw khat a ging hi.

Matthew 25:46

"Tua ciangin amaute tawntung gawtna ah pai ding uh a, a thumaante ahi uh leh tawntung nuntakna ah a pai ding uh hi," a ci hi.

Matthew 3:17

Tua laitakin, "Hih in ka it ka Tapa ahi hi. Ama tungah ka lung a kim mahmah hi," ci-in vantung pan aw khat a ging hi.

Matthew 6:19

"Nget le kekseu in a siatsak theihna le gutate in luh a, a guk theihna mun hih leitungah na goute uh khol kei un.

Matthew 8:20

Jesu in, "Ngiate in kua nei a, huihlak vasate in bu nei uh hi. Ahi hangin Mihing Tapa in a lutang ngak nading mun a nei kei hi," ci-in a dawng hi.

Mark 1:11

Tua laitakin vantung panin aw khat ginga, "Nang, ka it ka Tapa na hi hi; nang tungah ka lungkim mahmah hi," a ci hi.

Mark 9:7

Tua ciangin meii lompi khat kai-in amaute tuama, tua meii lak panin aw khat in, "Hih in, ka it ka Tapa ahi hi. Ama thu na ngai un," a ci hi.

Luke 3:22

vakhu bangin Khasiangtho pumpi nei in ama tungah a kumsuk hi. Tua ciangin vantung pan aw khat in, "Nang ka it ka Tapa na hi hi; nang tungah ka lungkim mahmah hi," a ci hi.

Luke 9:35

Meii lak panin aw khat in, "Hih in ka teelsa ka Tapa ahi hi; ama thu na ngai un," a ci hi.

John 10:28

Amaute nuntak tawntungna ka pia-a, a mangthang ngei kei ding uh hi; amaute ka khut sung pan kuamah in a lakhia thei kei ding hi.

John 11:42

Ka thu nong sang tawntung cih ka thei hi. Ahi hangin hih lai-a ding mite phattuam nading, nang kei hong sawl na hilam a up nading uh deihna-in hih ka gen hi," a ci hi.

John 14:6

Jesu in, "Keimah in, lampi, thutak le nuntakna ka hi hi. Kei tawn loin kuamah Pa kiang a tung thei kei hi.

John 15:24

Amaute lakah kuama bawl loh va bawl kei leng, amaute khialhna hangin a mawh suak lo ding uh hi. Ahi hangin tu-in hih nalamdangte mu zo uh a, tua hi napi amaute in kei le ka Pa hong mudah khawm uh hi.

John 17:2

Ahang in, amah na piaksa mi khempeuh tungah nuntak tawntungna a piak theih nadingin mi khempeuh tunga thuneihna amah na pia zo hi.

John 3:15

Amah a um mite khempeuh in, nuntak tawntungna a neih theih nading ahi hi. g

John 3:33

Ama teci panna a sang mi in Pasian thutak ahi hi, cih a thukimpih ahi hi.

John 6:40

Ahang in, ka Pa deihna ahileh Tapa mu a, amah a um peuhpeuh in nuntak tawntungna nei-a, ni nunung ni ciangin amah ka thawhsak ding ahi hi," a ci hi.

John 6:47

Thutak kong geninah, a um mi in nuntak tawntungna a nei hi.

John 6:51

Keimah in vantung pana hong pai a nungta anlum ka hi hi. Mi khat in hih anlum a nek leh a nungta tawntung ding hi.Hih anlum in leitung buppi nuntak nadinga ka piak ding ka sa ahi hi," a ci hi.

John 6:53

Jesu in amaute kiangah, "Thutak kong geninah, Mihing Tapa a sa ne-a, a si na dawn kei uh leh note sungah nuntakna na nei kei ding uh hi.

John 6:54

Ka sa ne a, ka si a dawn peuhmah in nuntak tawntungna a nei hi. Ni nunung ni ciangin tua mi ka thokiksak ding hi.

John 6:58

Hih in Vantung pana hong kumsuk anlum ahi hi. Na pute na pate un manna ne uh a, a si veve uh hi; ahi hangin hih anlum-a kivakte a nungta tawntung ding hi," a ci hi.

John 6:62

Note in Mihing Tapa ama-a a omna munah a kahtoh mu le uh cin, bang na ci tazen uh tam!

John 6:68

Simon Peter in, "Topa ko kua kiang ah pai ding ka hi uh hiam? Nangmah in nuntak tawntungna thu na nei hi.

John 8:18

Keima thu kei le kei teci ka kipanga, ka teci dang khat, ka Pa kei hong sawlpa ahi hi," ci-in a dawng hi.

Nasepte 10:38

Pasian in Nazareth mi Jesu, Khasiangtho le vangliatna sathau a nilh zia le amah pai kawikawi in, Pasian in amah a ompihna hangin na hoih sema, dawimangpa vangliatna nuai-a mi khempeuh a dam saknate na thei zo uh hi.

Nasepte 2:22

"Israel mite aw, hih thu ngai un: note in na theih mah bangun Nazareth mi Jesu pen Pasian in note lakah ama tungtawna a bawl nalamdangte, a lamdangte le limte tawh Pasian in a kipsak mi ahi hi.

Rome-te 4:11

Vunat ahi nai loh lai-a upna hanga a ngah thumaanna ciamteh nadingin vunat ciamtehna a ngah hizaw hi. Tua ahi ciangin amau adinga thumaanna-a a kisimsak theih nadingin vunat lo napi-a a umte khempeuh pa hong suak hi.

Rome-te 6:23

Ahang in, mawhna thaman sihna hi-a, ahi hangin Pasian letsong ahileh i Topa Jesu Christ sunga b nuntak tawntungna ahi hi.

1 Corinth-te 6:13

An in gilpi ading ahi mah bangin gilpi zong an ading mah ahi hi - ahi hangin Pasian in tuate gel a susia ding hi. Pumpi pen numei pasal paktatna-a zat ding hi loin Topa ading hi-a Topa zong pumpi ading ahi hi.

1 Corinth-te 9:2

Adangte tungah sawltakpi ka hi kei kha zongin note adingin ka hi taktak hi! Ahang in, Topa sungah sawltakpi ka hina ciamtehna, note na hi uh hi.

2 Corinth-te 4:18

Tua ahi ciangin a kimu theite mitsuan loin a kimu thei lote ka mitsuanzaw uh hi. Ahang in, a kimu theite tomkha kal sung bek om a, a kimu thei lo pen ahileh a om tawntung ahi hi.

Galatia-te 5:6

Ahang in, Christ Jesu sungah vunat, ahi zongin, vunat loh ahi zongin kimanna a nei kei hi. Itna tungtawna kipulak tua upna bek in kimanna a nei hi.

Thupiakkikna 30:13

"Tua thupiakte la dingin kua in tuipi kantanin thu i man theih nadingin kua hong tangko ding hiam?" ci-a na dot nadingun tuipi galah zong a om tuan kei hi.

Philippi-te 2:13

Ahang in, a hoih ama deihna bang a deih ding le a sem dingin note sunga a sempa, Pasian ahi hi.

Colosse-te 1:29

Tua ngimin kei sunga vangliantaka a sem ama thahatna khempeuh tawh pang tentanin a na ka sem hi.

Colosse-te 2:22

Hihte khempeuh zatna tawh, leitung mite thupiakte le hilhnate kibulphuh ahi manin a kisia khin dinga laitansa ahi hi.

Colosse-te 3:2

Na lungsimte uh, leitung nate ahi lo tunglam nate tungah na nga un.

1 THESSALONIKA 1:3

Kote in, upna in a gahsak na sepna uh itna in a sepsak na nasep gimna uh le i Topa Jesu Christ sunga lametna in a guat na thuak zawhnate uh Pa Pasian mai ah ka na phawk den uh hi.

2 Timothy 2:19

Ahi zongin Pasian bulkippi kiptakin dinga, "Topa in ama aate a thei hi," a cih le "Topa min a pulakte peuhmah in tatsiatna a taisan pelmawh ding uh hi," ci-a kigelh tawh a tungah kiciamteh hi.

Hebrews 12:16

Kuamah in numei-pasal paktatna bawl kei hen, ahikeh an nek khat tawh tapa upa luahna za a zuak pasian-milo Esau bangin om kei hen.

Hebrews 4:11

Tua ahi manin amaute hong lah thumanlohna zui-in kuamah puk lo-a, tua khawlna-ah i lut nadingin i hih theih zahzah in hahkat ni.

James 1:11

Ahang in, ni suakin nakpi-in sa-a singno a kungkeu hi; a pakte pulh-a; a mel hoihna teng kisusia hi. Tua mah bangin a haute a sumbawl laitak nangawnun a vuaimang ding uh hi.

1 Peter 1:24

Ahang in, "Mite khempeuh lopa bang hi-a, amaute minthanna khempeuh gamlaka pakte bang ahi hi; lopa vulin, pakte pulh a,

2 Peter 1:17

Ahang in, a Thupi Minthanna pana aw in ama kiangah, "Hih in ka lung hong kimsak mahmah ka it ka Tapa ahi hi," a ci-a a gen lai-in, Pa Pasian tung pana pahtawina le minthanna a ngah hi.