John 5:39 - Zokam International Version

³⁹ Laisiangtho simna hangin nuntak tawntungna a kinei sa na hi manun limtakin na sin a uh hi. Hih Laisiangtho, kei thu teci pang ahi hi.

LAISIENGTHOU CL Bible (BSI)

³⁹ Laisiengthou na hoisim ngel uhi, aziehpen asunga kumtawn hinna nei in na kingaituo uhi, tuate khu keima tanchin theisahna ahi.

Zo Bible

³⁹ “Lai Siengtho simna tawh tawntung hinna kinga thei ding na sah ziehun Lai Siengtho na lim-et mama uhi; tuate khu keima’ thu teci pang ahi bo hi.

John 5:39 ပူးပေါင်းရင်းမြစ်များ

Phatna-late 1:2

Amah ahileh TOPA thukham ah nuamsa a, sun le zanin ama thukham a ngaihsunsun hi.

Phatna-late 119:11

Nang tungah ka mawh khak loh nadingin ka lungsim sungah na thu ka seel hi.

Phatna-late 133:3

Tua in Zion Vum tunga kia Hermon daitui tawh kibang hi. Ahang in TOPA in tua mun thupha pia-a, nuntak tawntungna nangawn a pia hi.

Phatna-late 16:11

Nang in nuntakna lampi nong theisak e khin a; na omna ah lungnopna, na taklam ah tawntung nopsaknate tawh kei nong dimsak ding hi.

Phatna-late 21:4

Amah in nuntakna hong ngena ama nite a tawntungin na sawtsak den hi.

Phatna-late 36:9

Ahang in, nuntakna tuikhuk nang tawh om a; nangma khuavak ah khuavak ka mu uh hi.

Paunakte 6:23

Hih thupiakte meivak hi-a, hih hilhna khuavak hi-in, kipuahphat nadinga kisekna in nuntakna lampi hi-in,

Isaiah 34:16

TOPA laizial sung en inla sim in: Hihte khat beek kimansuah lo dinga lawmsam khat beek a om kei ding hi. Ahang in, ama kama a thupiaksa hi a, a Kha in amaute a kaikhawm ding hi.

Isaiah 8:20

Thukham le tecipannate bek ngai un. Amaute in hih kammalte tawh kizui-in a pau kei uh leh amau adingin phalvak khuavak a nei lo suak uh hi.

Jeremiah 8:9

Mipilte kimaizumsak dinga; amaute lungneu-in a kiman ding hi. TOPA thu a nial nungsangun bang pilna nam nei uh ahi hiam?

Daniel 12:2

Leitang vui lakah a ihmu mi tampi khanglo ding uh a: pawlkhatte a tawntung nuntakna ah, adangte maizumna le a tawntung kisimmawhna thuakin a tho ding uh hi.

Matthew 22:29

Jesu in, "Note in Laisiangtho ahi zongin, Pasian vangliatna ahi zongin thei lo na hi manun na khial uh hi.

Mark 10:3

Amah in, "Moses in note bang thu hong pia ahi hiam?" ci-in a dawng hi.

Mark 12:10

Hih Laisiangtho thu: "‘Inn lamte nilkhiat suang inntungkhum a suang a suak hi;

Luke 16:29

"Abraham in, ‘Amaute in Moses le Kamsangte a nei uh hi; tuate thu na ngai uh hen,’ ci-in dawng kik hi.

Luke 16:31

"Amah in ama kiangah, ‘Amaute in Moses le Kamsangte thu a ngaih nop kei uh leh a sisa khatpeuh a thawh kik hangin a taksang tuan kei ding uh hi,’ ci hi," ci-in a gen hi.

Luke 24:25

Amah in amaute kiangah, "Hai na lawmlawm uh cia! Kamsangte gen sate khempeuh uphak sa si uh cia!

Luke 24:27

Tua ciangin Moses a kipan Kamsangte khempeuh in amah tawh kisai-in Laisiangtho sunga a gensa khempeuh amah in amaute tungah a hilhcian hi.

Luke 24:44

Amah in amaute kiangah, "Hih in note tawh ka omkhawm lai-a ka gen: Kei thu, Moses Thukham, Kamsangte le Phatna-late sunga kigelhte khempeuh a tangtung pelmawh ding hi, ka cih hih thu ahi hi," a ci hi.

John 1:45

Philip in Nathanael a muh ciangin, "Moses in Thukham sunga ama thu a gelh, kamsangte in zong amah tawh kisai a na gelh uh, Joseph tapa Nazareth mi Jesu ka mu zo uh hi," a ci hi.

John 5:32

Kei hong angvan teci pang midang khat om hi, kei thu teci panna a kip hi, cih ka thei hi.

John 5:36

"John teci panna sanga thugik zaw ka nei hi. Ahang in, Pa in zawh khit dinga hong piak tua ka nasep pen Pa in kei hong sawl ahina teci ahi hi.

John 5:40

Tua hi napi nuntakna ngah dingin kei kiangah nong pai nuam kei uh hi.

John 5:46

Moses in kei thu gelh zo ahi manin amah na up uh leh kei zong nong up ding uh ahi hi.

John 7:52

Amaute in, "Nang zong Galilee pan na hi hiam? En lecin Galilee panin kamsang c hong pai lo hi, cih na mu ding hi," ci-in a dawng uh hi.

Nasepte 13:27

Jerusalem a mite le a gam-ukte un, Jesu theitel lo napi, Sabbath tenga kisim kamsangte thugente amah mawhpaihna tawh a tangtun uh hi.

Nasepte 17:11

Thessalonica mite sangin Berea mite nampi tat zaw uh hi. Ahang in, lawptakiin thupuak sang uh a, Paul thugente amaan mah ahi hiam, ci-in nisimin Laisiangtho a encian uh hi.

Nasepte 26:27

Kumpi Agrippa aw, kamsangte na um hiam? Na up lam ka thei hi," a ci hi.

Rome-te 1:2

Pasian in a kamsangte tungtawnin Laisiangtho sungah a ciamkholhsa,

Rome-te 3:2

Lam khempeuh ah phattuamna a nei kim hi. A masa penin amaute tungah Pasian kammalte tektek a kikemsak khinsa ahi hi.

Thupiakkikna 18:15

TOPA note Pasian in nomau sanggamte lak panin no ading kei bang khat kamsang hong khangsak ding hi. Ama thu na ngai pelmawh un.

Thupiakkikna 18:18

Amau sanggamte sung panin amau ading nang tawh a kibang kamsang khat ka khangsak dinga; a kam ah ka thute guanin amah ka thupiak peuhmah amaute tungah a gen ding hi.

Thupiakkikna 29:29

Thusimte pen TOPA note Pasian aa hi a, ahi hangin hong kilak hih thute eite le i tate aa hi-in, hih thukham thute khempeuh i zuih theih nading ahi hi.

Thupiakkikna 32:47

Note adingin tuate thu mawkmawk lel hi lo hi - na nuntakna uh ahi hi. Jordan gal kah a na neih ding uh gamah tuate hangin sawtpi na nungta ding uh hi," a ci hi.

Colosse-te 3:16

Pilna khempeuh tawh note khat le khat kihilhin kithuhilh unla, na sunguah lungdamna tawh Phatna-late, biakna late le khalam-late Pasian tungah na sak kawmun na lungsim sunguhah Christ thu na tengsak phitphet un.

Hebrews 11:16

Tua sangsikin, amaute in gam hoihzaw khat vantung gam a lunggulh uh hi. Pasian in amaute ading khuapi lian khat bawlkhol zo ahi manin, amau Pasian a kicih ding a maizum kei hi.

Hebrews 11:35

Numeite in amau misite, a nungtasa-in ngah kik uh hi. Adangte kigawt-a, thawhkikna hoihzaw ngah dingin a kikhah khiat ding a nial uh hi.

Joshua 1:8

Hih Thukham Laibu sunga kigelh khempeuh limtaka na sep theih nadingin na kam tawh kilawisak kei inla sun le zanin ngaihsunsun in. Tua hileh na dau pai-in na lawhcing ding hi.

Kilaakna 19:10

Hih thu ah amah bia dingin a khe phungah ka bok hi. Ahi hangin amah in, "Hih kei in! Kei zong Jesu ading teci a pang, nang le na sanggamte tawh nasem khawm khat mah ka hi hi. Pasian bia in! Ahang in, Jesu teci panna in kamsanna kha ahi hi," hong ci hi.